5
1 Shila mutambule umukhome,
akhandi ibaagulwa kihuma mu vaanu vayine,
ave ikimusenjela uNguluvi kwa kiiva ya vaanu awo.
Khanji umwene akhandi ikimuhumisa uNguluvi isadaakha ni fyadanda kwa kiiva ya wunansi wa vaanu.
2 Umutambule umukhome,
akwiliile kivasungupila avaanu vina viigaha uwunansi bila kimanya,
kwa kiiva woope muwoto mu numbula.
3 Lulwene isakulwa kihumya ishadanda kwa kiiva ya wunansi waakwe yumwene,
ngaja shina iihumya ifyadanda kwa kiiva ya wunansi wa vaanu avanji.a
4 Kusiina umuunu yuna akwiliile kiyiviikha mwene kiiva mutambule mukhome,
leelo uNguluvi yumwene yuna ikimubaagula ngaja shina wámubagulaga uHaluni.b
5 Shiisho ndeeno,
woope uKilisito asikhayisakuliile yumwene ilishima lya kiiva Mutambule Mukhome,
leelo uNguluvi yumwene yuna wámubagulaga na kimujovela kiija,
“Owe yuuwe Lusawo lwangu,
iminsiyaano naava nili Wiiho.”c
6 Khanji yiyandiikhwe mu luvala ulunji mu Mayandikhwa aManofu,
uNguluvi wájovile,
“Owe yuuwe Mutambule shiluta na shiluta
ngaja shina akhandi uMelikisedeki.d”e
7 Uluhaavi uYeesu ali mu nyi iyi,
wáfuunyaga,
wálombaga na kikhoola mandu kwa Nguluvi yuna ana ngufu isa kimukulusa kihuma mu mfwa.
f UNguluvi wápulikha amafuunyo gaakwe kwa kiiva uYeesu wáyiyisaaga mandu.
8 Hata nda uYeesu akhandi Lusawo lwa Nguluvi,
wáyimanyisaaga kimuyinatila uNguluvi kwa nsila ya malava gina gakhandi gikimupata.
9 UNguluvi wáganaga kimukwisa uYeesu kwa nsila iyo,
wámuviikhaga kiiva shiyanso sha wukulukho wa shiluta na shiluta kwa vaanu woona vina vikimuyinatila.
10 UNguluvi wámuviikhaga kiiva Mutambule Mukhome,
ngaja shina akhandi uMelikisedeki.
Amapavilo aga kilekha ilihuuvi
11 Tinago minshi aga kilogola aga Yeesu kiiva Mutambule Mukhome,
leelo lukhamu kivajovela kwa kiiva musili vapeefu kigamanya.
12 Kwa luhaavi ulu,
omwe mwamusakulwa kiiva vamanyisaaji va vayeenyu,
leelo mushaanali mwisakula umuunu wa kivamanyisa amamanyiso aga wutasi,
aga Liswi lya Nguluvi!
Omwe muli ngaja vaana vashaali vina viyonkha,
leelo vigombola kiilya ifyakiilya ifyumu.
13 Kiiva umuunu yuna iyonkha hela,
umuunu uyo mwana mushaali yuna asiimanya gina magolofu na gina mavi.
14 Leelo avaanu vina vajinile,
vaveene vina viilya ifyakiilya ifyumu,
avaanu awo vayimanyiise kimanya gina manofu na gina mavi.