Amamanyiso ga mafuunyo
2
1 Iliswi lya wutasi mu goona,
nilomba mufunyilanaje kwa Nguluvi.
Mumulombaje uNguluvi kiija,
avatanje na kivayimiilila avaanu woona.
Khanji,
mumuhonjesaaje uNguluvi kwa kiiva ya vaanu woona.
2 Yisakulwa kivafuunyila avatwa na vanji woona avanya wutawulilwa,
baheene tikhale kwa wulindamafu,
pina tikimufuunya uNguluvi na kiiva ni njendo inofu.
3 Iliswi ili linofu,
khanji likimushendeefya uNguluvi uMukulusaaji weesu.
4 Umwene isakula avaanu woona vakulusiwe na kishimanya ishiyooli.
5 Timeenye kiija ago ga shiyooli,
kwa kiiva uNguluvi ali yumo,
khanji umunya kivalingaania avaanu nu Nguluvi ali yumo,
umuunu uyu yu Kilisito Yeesu,
6 yuna wáhumyaga uwuumi waakwe afwe,
baheene avakuluse avaanu woona.
Ulu lulwene lubedelo luna uNguluvi wátupeelaga mu luhaavi luna wáviikhaga.
7 Mu ilyo,
navikhwagwa kiiva mukhomaaji na kiiva mwanandeje,
nisiideha,
nilogola ga shiyooli.
Khanji,
navikhwagwa kiiva mumanyisaaji wa vina vasili Vayahuudi,
baheene nive nimanyisa imola ya lihuuvi ni shiyooli.
8 Lino pina mukungaanile,
nisakula avagoosi pina vifuunya vave vanyenywile amawokho kushaanya,
vave na mahiiva manofu,
vafuunyaje kwa numbula nofu,
bila nkhalasi awu kikhaanania.
9 Woope avashimaayi vafwalaje wunofu amenda,
vave ni njendo nofu.
Vasikhadobokhaga ulutogo lwa kitava inyele,
awu ulwa kifwala ifiinu fya lutogo na fina fingʼalavatikha,
awu amenda aga lifungu likhome.a
10 Leelo vaveesaje ni njendo nofu,
ngaja shina yisakulwa kwa vashimaayi vina vayitiishe kimufuunya uNguluvi.
11 Avashimaayi vaveesaje vapulikhaaji,
khanji vayinatilaaji pina vikiyimanyisa.
12 Nisikimutawula uwashimaayi kimanyisa,
hata kimutema umugoosi.
Leelo aveesaje mupulikhaaji,
13 kwa kiiva uNguluvi wámuwumbaga uAdamu tangusiina,
baheene wámuwumba uHawa.
14 Khanji uAdamu asikhajanjilisiiwe,
leelo uwashimaayi yumwene yuna wájanjilisiwaagwa,
wánanganga indaji sa Nguluvi.b
15 Leelo uwashimaayi,
akhayanushila uwukulukho kwa nsila ya kisava umwana,
c nda ikiyitenekha kikhala mu lihuuvi,
ulugano,
mu wugolofu na kiiva ni njendo inofu.