Indaji kwa vayimililaaji va shipuga
3
1 Iliswi ili lya shiyooli,
“Umuunu yuna isakula insengo ya kiiva muyimililaaji wa shipuga sha vahuvililaaji va Yeesu,
uyo ahagwile insengo nofu.”
2 Lulwene niijova,
umuyimililaaji ave muunu yuna asipiikhwa kwa lyolyona,
yuna asili mushemi,
a umunya kiyiyangalila,
khanji umunya kiyisunga,
muunu wa lugoto,
musajisaaji,
yuna ameenye kivamanyisa avaanu iLiswi lya Nguluvi.
3 Asikhaveesaga mugaasi,
asikhaveesaga na mabaatu,
aveesaje muhuugu.
Khanji asikhaveesaga munya wupafu wa hela.
4 Aveesaje muunu munya kiyangalila wunofu inanda yaakwe,
yuna ameenye kimanyisa avaana injendo inofu,
khanji vave vikimutiila.
5 Kiiva,
umuunu yuna ipootwa kiyangalila inanda yaakwe yumwene,
akwiliile wuli kishiyangalila ishipuga sha vahuvililaaji va Nguluvi?
6 Khanji,
asikhaveesaga muunu yuna akulusiiwe lilino,
kwa kiiva asiyihale.
Kiiva kiyihala ukho,
kusimugahe ahigwe ngaja shina wáhigwagwa uShetaani.
7 Leelo,
ave muunu yuna ibedelwa finofu hata na vina vasikimuhuviilila uNguluvi,
baheene asikhapikhwagwa na kipiitwa mu mutego gwa Shetaani.
Indaji kwa vina vikivatanga avayimililaaji
8 Shiisho ndeeno,
vina vikivatanga avayimililaaji vave vana njendo nofu,
vina vasili vamyansi,
vasili vagaasi,
vasikhaveesaga nu wupafu wa hela.
9 Leelo,
vave vaanu vina viyinatila kwa mahiiva amanofu,
iliswi lina likhandi lifihiilwe khanji lina tikilihuviilila.
10 Awo woope vajelwe tangusiina,
nda vawoneshe vasipiikhwa,
baheene vasenje insengo iyo.
11 Khanji avashimaayi vaanaveb vave vanya njendo nofu,
vina vasili vahomegania,
vina vikiyiyangalila,
vayinatifu mu goona.
12 Avaanu awo vina vikivatanga avayimililaaji,
vasikhaveesaga vashemi,
c leelo vaveesaje vaanu vina vikivayangalila wunofu avaana vaanave nasi nanda saanave.
13 Vina visenga wunofu insengo ya kitanjilisa,
viiva vitiilwa.
Apo viiva ni ngufu na vasitiila kiyalaalisa imola ya lihuuvi lyanave mwa Kilisito Yeesu.
Ishiyooli sha lihuuvi lyesu
14 Nikikuyandishila injowo isi,
kuno nigulumiile kiyinsa kunyaakho luhaavi lufupi luna luyinsa.
15 Leelo nda nidiile,
ugamanyaje amaswi gina gisakulwa kisengwa na vahuvililaaji va Yeesu.
Avaanu awo vaveene nanda ya Nguluvi,
yuna muumi,
khanji nsimbili nu luutu lwa shiyooli.
16 Tiyiitikha kiija,
uNguluvi wáwonensa iliswi lya wufiho lina lili mu lihuuvi lyesu.
Iliswi ilyo lilyene ili,
UNguluvi wáyiwonensa mu muvili gwa muunu,
wábedelwa nu Numbula uMunofud kiija mugolofu,
wáwonekha kwa vamalayikha,
e
wákhomwagwa ku nyi soona,
avaanu va nyi vamuhuviilila,
wátolwagwa kiluta kushaanya kwa wutupikho wa Nguluvi.