Ibalula ya wutasi iya Pawulo kwa
Timoteo
UPawulo ikimuhunjila uTimoteo
1
1 Ibalula iyi yihumile kunyangu one Pawulo.
One nifiliikhwe kiiva mwanandejea wa Kilisitob Yeesu,
kwa ndaji ya Nguluvi uMukulusaaji weesu nu Kilisito Yeesu yuna luhuviililo lwesu.
2 Nikikuyandishila owe Timoteo muswamu wangu wa shiyooli yuna tihanjile mu lihuuvi.
Imota,
ulusungu nu wulindamafu kihuma kwa Nguluvi uWiheesu nu Kilisito Yeesu uMutwa weesu,
c five lumo noowe.
Amapavilo kwa vala vina vimanyisa isa wudehi
3 Ukhale mu lijumbi lya Efeso,
ngaja shina nakulombaga pina nikhandi niwuukha kiluta ku nyi ya Makedoniya,
kiija uvakhaanaje avaanu vina vimanyisa amamanyiso aga wudehi.
4 Uvakhaanaje vasikhayinatilaga insimo sina singaya lutono na mataawa ga fikholo fya vambuya sina singaya wudugo.
Amaswi ago goona gageene gihonsa kikhaanania hela,
gasikivatanga avaanu kimuhuviilila uNguluvi,
ngaja shina lushwali ulugulumilo lwakwe ulwa kivakulusa avaanu.
5 Ulugulumilo lwa ndaji yeesu,
lwijova,
avahuvililaaji va Yeesu vagananaje kwa numbula mbalafu,
kwa mahiiva amanofu,
ni lihuuvi lya shiyooli.
6 Leelo avaanu avanji vagaleshile ago,
vasetwishe,
vayinjiile kilogola amaswi gina gangaya lutono.
7 Visakula kiiva vamanyisaaji va ndaji sa Musa,
d leelo gina viijova na kikhangasa vasigameenye.
8 Timeenye kiija indaji sa Musa nofu,
umuunu nda ikisimanyisa shina idobokha uNguluvi.
9 Khanji,
tisakulwa kimanya kiija indaji sisivishiilwe kwa kiiva ya vagolofu,
leelo kwa kiiva ya vanansi na vina vasili vayinatilaaji,
vina vinanga na vina vasikimufuunya uNguluvi,
avaafu na vina vasili vavalafu,
vina viibuda avawihaanave na vanyinaave,
na vina viibuda avaanu avanji.
10 Khanji,
sivishiilwe kwa kiiva ya vaafu na vina viwaafukha na vagoosi vayaanave,
vina vitegama avaanu na kivagusa ku wuvanda,
avadehi na vina vikiyiyiiga isa wudehi,
lumo na ganji goona gina gasiyitinkhana na mamanyiso aga shiyooli.
11 Amamanyiso ga shiyooli ago gakwali mu Mola iNofu yina yiwonensa uwutupikho wa Nguluvi,
yuna isufisiwa.
Iyo yiyeene yina nipeliilwe nu Nguluvi niyikhome.
Imota ya Yeesu Kilisito kwa Pawulo
12 Nikimuhonjesa uKilisito Yeesu uMutwa weesu yuna anipeelile ingufu,
kwa kiiva wánimanyaga kiiva nili muyinatifu.
Wániviikha mu nsengo yaakwe,
13 hata yive ulwamwandi namuligaga uKilisito na kivalafya avaanu vaakwe.
Leelo wánisungupilaga kwa kiiva nikhandi niigaha ago kwa wuyasu nu wungaya lihuuvi.
14 Khanji,
uMutwa weesu,
uKilisito Yeesu,
wánisungupilaga mandu,
wánipeela ilihuuvi nu lugano kihuma kunyaakwe.
15 Iliswi ili,
lilyene lya kihuviililwa lina avaanu visakulwa valiyanushile kiija,
“UKilisito Yeesu wáyinsaga mu nyi avakuluse avanansi.”
Mu vanansi awo,
one nili munansi kishila woona.
16 Mu ilyo,
uKilisito Yeesu wánisungupila one yuna nikhandi munya wunansi kishila woona,
kwa kishilila kunyangu awonense ulugugumilo lwakwe loona.
Baheene nive shihwano kwa vala vina vakhamuhuviilila na kiposheela uwuumi wa shiluta.
17 Lino,
atupikhwe na atunwajwe shiluta na shiluta,
uMutwa yuna angaya wudugo,
asiifwa,
khanji asiwonekha,
yu Nguluvi mwene duguli.
Amina!
UPawulo ikimulajisa uTimoteo kiyinatila indaji
18 Muswamu wangu Timoteo,
indaji iyi yina nikikupeela iya kivakhaana avadehi,
yihwanana ni njowo sa shiyanso sha wukuwamalago wuna wajowaagwa kwa kiiva ya owe.
Amaswi aga vakuwamalago,
gakutanje kisenga wunofu insengo sa Nguluvi,
hata nda yive lukhamu wuli.
19 Jimbaga kiiva ni lihuuvi na kisenga gala hela,
gina mwimanya kiija manofu kwa Nguluvi nsiku soona.
Avaanu avanji vagabedaliile ago na kilekha kimuhuviilila uNguluvi.
20 Mu vaanu awo akwali uHimenayoe nu Isikanda.
Awo navawuusa mu shipuga sheesu,
nimulesheele uShetaani,
f kiija vamanyisiwe vasikhamuligaga uNguluvi.