Kiwonekha uMunansi na kiyinsa uMutwa uYeesu
2
1 Lino vahuvililaaji vayeesu,
tikivayandishila ulwa mola iya kiyinsa uMutwa weesu uYeesu Kilisito,
na shina tikhakungaana kunyaakwe.
a Tikivalomba kiija,
2 musikhatungumalaji na kiiva nu muninu kiija ilisiku ilya kiyinsa uMutwa uYeesu lyafikha.
Pamonga mungava mupuliishe ilyo mu mola simonga isa wukuwamalago,
awu isa kikhoma,
awu isa balula yina yihiiwa kiija yihumile kunyeesu.
3 Musikhayitikhaji umuunu yoyoona kivajanga kwa lyolyona,
kwa kiiva ilisiku ilyo lisikhayinsa tangusiina,
mbakha avaanu vinshi vagahe uwunansi mandu kwa Nguluvi na kiwonekha uMunansi uMukhome yula,
b yuna akhabudwa khabisa.
4 UMunansi uMukhome uyo,
akhava ikifikhaana fyona fina avaanu vikifijova manguluvi,
awu fina vikififuunya,
akhayitumfya mwene ku fyona.
Khanji akhayinjila na kikhala mu nanda ya Nguluvi,
akhayisufya ikiyijova mwene duguli kiija,
umwene yu Nguluvi.
5 Aasi!
Mungaya luuju kiija nikhandi nikivajovela injowo isi,
pina nikhandi lumo noomwe?
6 Omwe mumeenye ishiinu shina shikimusivila uMunansi uMukhome uyo kiwonekha lino,
kiija akhawoneshe uluhaavi luna lufwaya.
7 Hata ndeeno,
lino isenga insengo saakwe kwa wufiho,
na akhava apisenga kwa wufiho,
mbakha pina akhasa kiwuusiwa yuna ikimusivila.
8 Apo baheene akhawonekha.
Baheene uMutwa uYeesu akhamubuda na kimuyasilinkhania khabisa,
kwa wutupikho waakwe wuna wukhawonekha pina akhayinsa.
9 Uluhaavi luna akhayinsa uMunansi uMukhome uyo,
akhayinsa ni ngufu soona isa Shetaanic na kigaha ifimanyilo,
amiitu na mabikha minshi aga wudehi,
10 khanji akhavajanga kwa shila nsila,
woona vina viiyaga.
Viiyaga,
kwa kiiva vasikhayitiishe kishigana ishiyooli shina ndi shavakulusa.
11 Lulwene uNguluvi atawiile valongosewe kwa ngufu iso isa kiyasa,
kiija vagahuviilile aga wudehi.
12 Apo woona vina vasihuviilila ishiyooli leelo vishendeevela uwunansi,
vakhahigwa.
Avaanu vina vabagwilwe kwa wukulukho
13 Leelo ose tisakulwa kimuhonjesa uNguluvi wiila,
kwa kiiva yeenyu vahuvililaaji vayeesu,
omwe vina uMutwa uYeesu avageene.
Tikimuhonjesa uNguluvi kwa kiiva akhavabagwile kihuma pashiyanso isha kiwumbwa,
baheene muposheele uwukulukho,
kwa nsila ya kivalasiwa nu Numbula uMunofud na kishihuviilila ishiyooli.
14 UNguluvi wávashemeelaga muwuposheele uwukulukho uwo,
kwa nsila ya Mola iNofu yina takhomaga kunyeenyu,
baheene muveesaje muhanga mu wutupikho wa Mutwa weesu uYeesu Kilisito.
15 Lino vahuvililaaji vayeesu,
mujinaje na kiyinatila amamanyiso gina mwaposheelaga,
yive kishilila mu maswi geesu,
awu gina tavayandishilaga mu balula.