Ɨkalaata ɨya hwande ɨya
Yoohani
ɄYeesu yʉ Lizwi ɨlyɨ wʉʉmi
1
Tihubhalʉmbɨɨlɨla ɨnongwa zyʉ‑ʉla wa‑ali Lizwi ɨlyɨ wʉʉmi,
ʉyo ali afume hu wandilo.
a Atɨ tahamʼmwʉmvwɨzye na hunʼnole hu maaso geetu tɨɨtɨ,
na humʼpalamansye nɨ nyoobhe zyetu.
2 Ʉyo wa‑ali wʉʉmi wa wiila ahalolɨɨshe,
natɨ tahanʼnolile.
Ɨshi tisimishizya huliimwɨ na hubhabhʉʉzye ɨnongwa ɨzyɨ wʉʉmi ʉwo wa wahali hwa Daada ʉNgʉlʉbhɨ,
wope wahalolɨɨshe huliitɨ.b
3 Tihubhalʉmbɨɨlɨla ɨnongwa zya tahazilolile na huzyʉmvwe,
huje namwɨ mubhe peeka naatɨ mu lwʉmvwano ʉlwo tili nalwo nʉ Daada nʉ Mwana waakwec ʉYeesu ʉKilisiti.d
4 Tihubhasimbila ɨzi,
huje tishe tee.
Akhale mu lukhozyo
5 Ɨntumi zya tahazyʉmvwɨzye afume hwa Yeesu,
zya zyɨzyo tihubhalʉmbɨɨlɨla amwɨ huje ʉNgʉlʉbhɨ lukhozyo,
saga ali nɨ hiisi nkɨ‑ɨmo muuhati mwa mwene.
6 Ɨshi,
nkashele tiyiga tili nʉ lwʉmvwano nʉ Ngʉlʉbhɨ,
ʉhwu tijendeelela akhale mu hiisi,
ɨpo tiyanga ilenga,
nantele saga tibhomba ɨzya nalyoli.
7 Leelo,
nkashele tilemba mu lukhozyo,
nanshi ʉNgʉlʉbhɨ sha‑alemba,
ɨpo natɨ tibha palishimo tɨɨtɨ hu tɨɨtɨ.
Nantele,
idanda lya Mwana waakwe ʉYeesu lihutisangalusya ʉbhiibhi weetu wonti.
8 Nkashele tiyiga saga tili nɨ mbiibhi,
tihwigobela tɨɨtɨ,
yope ɨlyoli saga tili nayo mu mooyo geetu.
9 Ɨshi leelo,
nkashele tilaata na‑alambe hwa Ngʉlʉbhɨ weetu huje titulile ɨmbiibhi,
ʉmwene nʼgolosu nantele nʼnʉnjɨsu,
ahutikhobhoshela na hutizelufye ʉbhiibhi wonti.
10 Nkashele tiyiga saga tibhombile ɨmbiibhi,
tihumʼmɨɨha ʉNgʉlʉbhɨ abhe nʼgobezi,
nantele izwi lyakwe nalimo lwonti mu mooyo geetu.