Ɨkalaata ɨya hwande ɨya
Yoohani
Ʉtagaalizyo
Ɨkalaata ɨnɨ yahasimbwilwe nʉ nʼsontwa ʉYoohani hwa bhooziwa bhamo ɨbho ahabhagɨɨne nanshi abhaana bhaakwe. Ahubhalaabha abhooziwa ajendeelele ahwɨmɨɨlɨle shinza mu lwɨtɨho hwa Ngʉlʉbhɨ mwa Yeesu ʉKilisiti, nantele ahubhasunda akhaane ɨmanyizyo ɨzya bhamanyizyi abhi‑ilenga ɨbho bhahalɨɨho mu shibhanza. Ahubhiizusya abhooziwa huje ʉmwene ahali peeka nʉ Yeesu. Hu nongwa ɨyo amɨɨnye lyoli huje, ʉYeesu ahali nʉ mʼbɨlɨ ʉgwa muntu nanshi atɨ, nantele huje yʉ Mwana wa Ngʉlʉbhɨ. Ahubhakhajiilizya abhooziwa huje, bhahayibha nʉ wʉʉmi ʉwa wiila na wiila, nkashele bhajendeelela humʼmwɨtɨshe ʉYeesu. Ahubhabhʉʉzya huje, abhooziwa bhahwanziwa wiila hunʼgane ʉNgʉlʉbhɨ na‑aganane bhɨɨbho hu bhɨɨbho.
Ɨmbaatiho ɨzyɨ shitaabu ɨshi
1:1-4 ɄYeesu yʉ Lizwi ɨlyɨ wʉʉmi
1:5-2:27 Abhooziwa bhakhale mu lukhozyo, bhabhanje bhantu bha Ngʉlʉbhɨ abha‑asʉʉbhɨlwe
2:28-3:24 Abhooziwa bhaana bha Ngʉlʉbhɨ, bhagananaje
4:1-21 Abhooziwa bhabhanje maaso na bhamanyizyi abhi‑ilenga, bhajendeelele abhe peeka nʉ Ngʉlʉbhɨ
5:1-12 Huzimene ɨmbiibhi na‑abhe nʉ wʉʉmi ʉwa wiila
5:13-21 Amazwi aga hu malishilo