Ɨkalaata ɨya nʼsontwa ʉPaulo hwa
Tiito
Ʉtagaalizyo
Ɨkalaata ɨnɨ yahasimbwilwe nʉ nʼsontwa ʉPaulo hwa Tiito ʉyo ahali Nʼnyunaani mwoziwa. Ahali akhala nʉ Paulo hwonti ʉhwo ahali abhala alʉmbɨɨlɨle ɨNongwa ɨNyinza ɨzya Yeesu ʉKilisiti. Pamandɨ ʉPaulo ahanʼsonteelezya alongozye ɨvibhanza ɨvya mu nsi ɨyɨ Kileete yɨ‑ɨli muuhati mu nsʉmbi.
Mu kalaata ɨnɨ, ʉPaulo ahumʼmʉʉzya ʉTiito huje, abhasalule abhantu alongozye ɨvibhanza ɨbho bhali nɨ njendo ɨnyinza. Nantele, ahubhabhʉʉzya nanshi ɨsho bhahwanziwa hubhamanyizye abhantu abha mu shibhanza ɨbho bhali mu vipʉga ɨvyɨ waaji ʉwinji, nanshi ɨmpʉga ɨya bhalume abhagoosi, abhashɨ abhagoosi, abhasahaala na bhakalwe. Hu malishilo ahumʼmwizusya ʉTiito huje abhooziwa bhonti bhabhanje nʉ tengaanu nantele bhabhanje bholoolo. Bhagandi abhe nʉ lʉgʉ ni‑idali, nantele bhagandi alehane.
Ɨmbaatiho ɨzyɨ shitaabu ɨshi
1:1-4 ɄPaulo ahunʼnamuha ʉTiito
1:5-16 Ɨmbombo ya Tiito ɨya‑alwɨle ɨNongwa ɨNyinza na huzikhaane ɨmanyizyo ɨzi‑ilenga
2:1-15 Zya zikhondɨɨye hwa bhantu abha hu shibhanza
3:1-15 Ɨnjendo ɨnyinza ɨzya bhooziwa na mazwi aga hu malishilo