Zya zikhondɨɨye hwa bhenyeelezi abhɨ shibhanza
3
Huli ni‑izwi lya likhondɨɨye hulyɨtɨshe huje,
“Ʉmuntu ya‑ahwanza ɨmbombo ɨya‑abhe mwenyeelezi wɨ shibhanza,
a ahwanza mbombo nyinza.”
2 Hwa huje ʉyo ahwanza abhe mwenyeelezi wɨ shibhanza,
bhagandi ahunʼnyanje ɨmbiibhi nazimo.
Abhanje nʉ nʼshɨ weeka,
agandi asʉngwe abhashɨ abhanjɨ.
Abhanje muntu wa‑ahwijela,
nantele wa‑ali nʉ tengamazu nɨ nshɨnshɨ.
Abhanje muntu wɨ mpyana hwa bhajenu,
nantele abhanje amɨɨnye amanyizye.
3 Agandi abhe mʼmwezi,
awe ya‑akhoma abhantu,
awe wa‑ali ni‑ibho,
lyoli abhanje mwoloolo.
Nantele,
agandi abhe nʼkʉnda mpɨɨya.
4 Asʉngaje ɨnyumba yaakwe shinza,
abhaana bhaakwe bhabhanje bha bhatiniha nɨ nshɨnshɨ lwonti.
5 Nkashele ʉmuntu apotiilwe asʉnje ɨnyumba yaakwe,
agasʉnga bhʉlɨ bhʉlɨ ɨshibhanza sha Ngʉlʉbhɨ?
6 Nantele,
agandi abhe muntu wa‑afyʉlɨɨlwe igolo lwene,
pɨpo huli na habhaazyo ɨho agahwibaada.
Ahwibaade ʉhwo hunza hunʼsonzye agwɨle mu mbiibhi na‑alongwe nanshi ʉSeetano wope sha‑ahalongwilwe.
7 Abhanje muntu ʉyo abhantu bha saga bhooziwa bhahunʼnyanga shinza,
nka bhasahalyaje nka limo ɨlya hunʼdwejele.
Ɨpo ʉSeetano nka‑atolwe hunʼkhate mu lwonzo lwakwe.
Zya zikhondɨɨye hwa bhaavwi abhɨ shibhanza
8 Shɨɨsho bhope bha muhubhasalula huje,
bhabhe bhaavwi bhɨ shibhanza,
b bhakhondɨɨye huje bhabhanje nɨ njendo ɨnyinza.
Bhagandi abhe bhagulugulu,
awe bhamwezi,
awe bhakʉnda mpɨɨya.
9 Bhabhanje bhantu bha bhakhata izwi ɨlyɨ lwɨtɨho ʉlwo ʉNgʉlʉbhɨ ahabhɨɨshɨle pa pazelu hwaliitɨ,
bhayeetaje abhombe ɨmbiibhi.
10 Lwa musɨɨle hubhabhɨɨshe,
bhope bhakhondɨɨye huje mubhajelaje nasʉʉti.
Nkashele ɨbhoneha huje,
abhantu saga bhahubhayanga ɨnongwa ɨmbiibhi nazimo,
ɨpo mubhabhɨɨhaje mu mbombo ɨyo ɨya hwavwe.
11 Abhashɨ bha bhaavwic bhope bhakhondɨɨye huje bhabhanje nɨ njendo ɨnyinza.
Bhagandi abhe bhashɨ bha bhali ni‑ilomu,
leelo bhahwijelaje.
Bhabhanje bhalʉnjɨsu huli zyonti.
12 Ʉmwavwi wowonti ʉwɨ shibhanza abhanje nʉ nʼshɨ weeka,
agandi asʉngwe abhashɨ abhanjɨ,
nantele asʉngaje abhaana bhaakwe shinza,
peeka na bhanjɨ bhonti abha mu nyumba yaakwe.
13 Bhonti bha bhabhombile shinza ɨmbombo ɨyɨ waavwi,
bhahayibha nɨ nshɨnshɨ afume hwa bhooziwa abhamwabho,
saga bhahayoogopa ayanje ɨnongwa ɨzyɨ lwɨtɨho lwabho hwa Yeesu ʉKilisiti.
ɄNgʉlʉbhɨ atilanjile ɨmbombo ɨngoosi ɨzya Yeesu
14 Anɨ ɨhusimbila amazwi ɨga poshe ɨsʉʉbhɨla huje,
nahayɨnza lubhilo ʉhwo.
15 Nkashele nakhaabha,
hashe ʉnza‑amanye haani zyonti zya zikhondɨɨye hwa bhantu bha Ngʉlʉbhɨ,
ɨbho bha bhali shibhanza sha Ngʉlʉbhɨ wa‑ali mwʉmi.
Bha bhali lwalo lwɨ lyoli,
nantele linyooha lyɨ lyoli.
16 Lyoli,
ziila ʉNgʉlʉbhɨ atilanjile zya ziswijizya,
zya zyɨzi.
Ahabhonɨɨshe lwa‑ali nʉ mʼbɨlɨ,
ʉMʼpepo ʉMʼfinjiled ahasimishizya huje,
wɨ lyoli.
Abhantumie bhahanʼnola.
Ɨnongwa zyakwe zyahalʉmbɨlɨlwaga hwa bhantu abhɨ nsi zyonti,
bhahamʼmwɨtɨha ʉmwene.
ɄNgʉlʉbhɨ ahamʼmwega abhale hu mwanya pa mwamu waakwe.