Zya zikhondɨɨye abhombwe mu shibhanza
2
Ɨhajiilizyo zyanɨ ɨzya hwande hwa huje mubhaputilaje abhantu bhonti hu mpuuto ɨzyɨ waaji nʉ waaji na hunʼsalifye ʉNgʉlʉbhɨ hu nongwa yaabho.
2 Mubhaputilaje abhamwɨnɨ na bhagoosi abhanjɨ bhonti huje,
tikhalaje mu tengaanu,
aje tibhanje bhooziwa na‑abhombe zya zikhondɨɨye pa maaso ga Ngʉlʉbhɨ.
3 Ɨzyo nyinza,
zya zihunʼkhondeezya ʉMʼfyʉli weetu ʉNgʉlʉbhɨ,
4 halɨ ʉmwene ahwanza huje,
abhantu bhonti bhamanye zya zili zyɨ lyoli,
bhawaaje ʉfyʉli.
5 Timɨɨnye huje,
ɨzyo zyɨ lyoli,
alɨngaane na‑aje huli nʉ Ngʉlʉbhɨ weeka mwene,
nantele huli nʉ muntu weeka wa‑ahubhakʉndanya abhantu nʉ Ngʉlʉbhɨ.
Ʉmuntu ʉyo yʉ Yeesu ʉKilisiti.
6 Ʉmwene ahahwifumiizye abhe lisombo hwa bhantu bhonti.
Ɨnongwa ɨzyo zya ziila ʉNgʉlʉbhɨ ahafumiizye hu habhaazyo ɨho hakhondɨɨye.
7 Hwɨ‑ɨzyo,
nahabhɨhwɨlwe huje,
ɨmbanje nʼnʉmbɨɨlɨli,
nantele nʼsontwa,
na hubhamanyizye abhantu bha saga Bhayahuudi mu lwɨtɨho na mu lyoli.
Ɨga gɨ‑ɨyanga saga gi‑ilenga lwonti!
8 Ɨshi,
poponti pa mubhʉngaana apuute,
ɨhwanza huje,
abhalume bhabhʉsyaje ɨnyoobhe zyabho humʼpuute ʉNgʉlʉbhɨ hu mwoyo ʉnʼsangalusu,
sinta lyoyo,
awe lidali.
9 Bhope abhashɨ,
ɨhwanza huje,
bhahwijelaje,
akwate amenda hubhanje hwi‑idala lya likhondɨɨye nɨ nshɨnshɨ.
Ahwilɨngaanye hwabho husahabhanje hwa‑atabhe isisi,
awe akwate ɨnyambo ɨzyɨ mpɨɨya ɨngoosia awe vya vifumilana nɨ zahaabu na menda agɨ mpɨɨya ɨngoosi.b
10 Lyoli ahwikente hwabho hubhe hwi‑idala ɨlyɨ njendo ɨnyinza,
nanshi shɨ‑ɨkhondɨɨye mu bhashɨ bha bhayanga pa pazelu huje,
bhahunʼtiniha ʉNgʉlʉbhɨ.
11 Nantele,
abhashɨ bhakhondɨɨye huje,
bhamanyilaje hu woloolo na hu tinisu wonti.
12 Anɨ saga ɨhwɨtɨɨhana huje,
pabhe nʉ nʼshɨ wa‑amanyizya na hunʼtabhaale ʉnʼnume mu shibhanza,
lyoli akhondɨɨye huje,
atejelezyaje,
13 pɨpo ʉNgʉlʉbhɨ ahatalile humʼpele ʉAadamu,
ʉEeva nka‑ahabhɨnjɨɨlɨla apelwe.
14 Nantele,
saga yʉ Aadamu ʉyo ʉSeetano ahanʼgobɨɨye,
lyoli nʼshɨ ʉyo ʉSeetano ahanʼgobɨɨye,
wope ahabha mʼmomba mbiibhi.c
15 Leelo,
abhashɨ bhahayihuwaaga ʉfyʉli hwi‑idala ɨlya‑apaape ʉmwana,
d nkashele bhajendeelela abhe nʉ lwɨtɨho,
ʉkʉndwa,
nɨ njendo ɨzyɨ sangalusu.