ƗNongwa ɨNyinza ɨzya Yeesu ʉKilisiti nanshi sha zyahasimbwilwe nʉ
Maalʉko
Ʉtagaalizyo
Ɨshitaabu ɨshi shahasimbwilwe nʉ Maalʉko, ʉyo itaawa ɨlyɨnjɨ ahali yʉ Yoohani Maalʉko (bhaazya ɨMbombo ɨzya Bhasontwa 12:12; 13:13). Ahali nʼsahaala hu habhaazyo ʉYeesu ahali hu Yelusaleemu, ahabha nʼsundwe wa Yeesu. Ahali peeka nʉ Paulo mu mbombo ɨya‑alʉmbɨɨlɨle ɨNongwa ɨNyinza ɨzya Yeesu ʉKilisiti. Ɨshi pamandɨ ahabha peeka nʉ nʼsontwa ʉPeeteli.
Mu shitaabu ɨshi ayanga minji ɨgo ahali abhomba ʉYeesu ashile ɨgo ahali alʉmbɨɨlɨla. Tilola amayele aganjɨ ɨgo ahabhombile ʉYeesu, ahaponiizye abhantu, ahefwizye amapepo na hubhakhobhoshele abhantu ɨmbiibhi. Ɨgo galolesya ikhone lya Yeesu huje ahafumile hwa Ngʉlʉbhɨ, nantele huje ahɨnzɨle na‑afumye ʉwʉʉmi waakwe hubhasatule abhantu afume mwi‑ikhone lyɨ mbiibhi.
Ɨmbaatiho ɨzyɨ shitaabu ɨshi
1:1-2:28 ɄYeesu ahwanda ɨmbombo yaakwe mu mukowa ʉgwɨ Galilaaya
3:1-6:56 ɄYeesu amanyizya ɨzyɨ wumwɨnɨ ʉwa Ngʉlʉbhɨ, nantele abhomba amayele mu Galilaaya
7:1-8:26 ɄYeesu anyampaanya ɨmbombo yaakwe hwa bhantu abha mu nsi ɨzyɨnjɨ
8:27-10:52 ɄYeesu abhala hu Yelusaleemu
11:1-13:37 ɄYeesu amanyizya hu Yelusaleemu ɨnongwa ɨzi‑ikhone lyakwe nɨ zyɨ nsiku ɨzya hu malishilo
14:1-15:47 ɄYeesu akhatwa na‑akhomeelwe pa shikhobheehanyo
16:1-20 Azyʉshe hwa Yeesu