1
1 Koi Pātar hīn kei madit taktaka kei madit Gaia kōma hiva lekha hi kei maziak.
2 Ka lōm madit,
ratha tianga nei ansōn tir anga han,
alom peia rikhua ansēl hiaia nei om theina ranga le adam ahara nei om theina ranga bōr kei na zong pe ani na.
3 Unāi ngāi bila senkhat ahong u na chongtaka nei lēng zia le chongtaka kal nei chōi zia ei na hong manriat sika achālaka ka rāi asāna.
4 Ka nāi ngāi chongtaka ei lēng u thang kei riata ka rāisānna rong nōk chu hava nēka atei rāisānna lian don lāi makung.
5 Ka lōm madit,
unāi ngāi le khuala mi ngāi ranga achung u na nei pōng nei sōl u ha aiamrua taka nei thō ani na.
6 Amānīn na mi maditna rui ha kuibing ngāi kōma ei manthei u ani na.
Pathianin ei phāmpui ang taka amāni ei sē u na lampuia ei nāng na zon pe ten achālaka ei sa rang ani na.
7 Asik chu hava ngāi ha Krista raminga asuaka āsē ani u na.
Nam atei ngāi kōm āta itē sanna la u mak.
8 Hasika han,
chongtak dorbō nei dompui theina ranga hava zāt mi ngāi chu koinīn nei kiavāng rang ei nāng ani na.
9 Kuibing kōma han alakte
chu lekha ka maziak zeia.
Tenchu Diotrepha,
amāni bila ulian changna andit hān na pom mak.
10 Hasika han ka hong ten,
asin thō ngāi,
koini chunga chong āsia ei ril ngāi hong manriat ka ti.
Hava duai han ahun la ti mak,
ama lenin unāi ngāi pom mak,
hanūk āpom zōt ngāi um ei khāra,
amān kuibing āta ei masuak ani na.
11 Ka lōm madit,
āsia thō om chu la nō tānla āsa thō om chu la ro.
Tukareng sin āsa athō chu Pathian āta mi ani na.
Tenchu tukareng āsia athō chu Pathian mu mak.
12 Demetria rui chu loko rengin ei manpāk ani na,
chongtakin um ei manpāk ani na.
Ama ruia koinīn um nei riatpuina hi adik ani ti nei riat ani na.
13 Na kōm chong ātampa anziak rang ka dōna,
tenchu lekhati le ziakkuanga amanga ānziak rang zōt makung.
14 Tenchu anrapa ana mu ranga kān iama.
Hava tika māi anmu hianga la chong inti.
Phūkdāina na chunga om rase.
Hivana koini na lōm andit ngāiin chibai ana hong thō u.
Araming u chipa havana lōm andit a om ngāi kōma chibai na mantung
pe ro.