67
O Debleskri bacht well pral i phub
2 Dewel, kre tiro dji menge pre, un tchip tiri bacht ap mende!
Dik tu latches ap mende!
3 Palle dikenn i menshe ap i tseli phub,
har tu sikreh men tiro drom.
Un i menshe an i tsele themma dikenn
har tu leh men win dran o tchilatchepen.
4 Maro Dewel, mu parkrenn pen pash tute i menshe dran hake themma,
mu sharenn le tut halauter!
5 Mu stenn un giwenn le i bachtjatar:
Te rakreh tu o tchatchepen win pral lende,
djah tu pal o tchatchepen.
Pral hake themma ap i phub hal tu o rai.
6 Maro Dewel, mu parkrenn pen pash tute i menshe dran hake themma,
mu sharenn le tut halauter!
7 I phub mukas latcho chapen bares te well;
o Dewel, maro Dewel das men bacht.
8 Awa, o Dewel das men bacht.
Mu hadenn les hake menshe ap i phub!