R
Rabbi Ko hebretikro lab kharella: ‘Miro sikepaskro’.
Rat O menshengro rat hi o Debleske i kutch koowa. Ko Israelitari, kai o rat chas, was maredo (dik: 3. Mose 7:27). Ap ko tsiro, kai o Mose i Israelitarjen dran o them Egiptia anas, kras o Dewel lentsa win, kai o rat kol marede viechendar, hoi jon leske chatchran, leske kokres hi. Ko rat sikras i Israelitarjen, kai o Dewel lengri doosh krik las. Un jaake nai djiwan le leha khetne un his leskre menshe. O Jesus Kristo sikras peskre malen un kolen, kai ap leste patslo wan, kai leskro rat, hoi job ap o trushel lenge ratas, o Debleske jaake bud moldo hi, te lell o Dewel i doosh un i phagi kolendar krik, kai ap peskro tchaweste – o Jesus Kristeste – patsenna. Un jaake wenn le leskre menshe un djiwenn leha khetne.
Remarja
