Kyaamz Matthe
Ceu Kheuz Yesuhz
1
An ni naeh craangz ceu kheuz Yesuhz Khris an cur truz thaz khunz Dawit boh Abraham.2 Abraham naeh paz Isaac,
Isaac naeh paz Yakop, Yakop naeh paz Yudah keuh kuanz mai,
3 Yudah naeh paz Peres boh Serah, mah keuh naeh Tamar,
Peres naeh paz Hesron,
Hesron naeh paz Ram,
4 Ram naeh paz Amminadap,
Amminadap naeh paz Nahson,
Nahson naeh paz Salmon,
5 Salmon naeh paz Boas, mah keuh naeh Rahap,
Boas naeh paz Obet, mah keuh naeh Rut, Obet naeh paz Yesse,
6 Yesse naeh paz khunz Dawit.
Khunz Dawit naeh paz Solomon, mah keuh naeh yah trimz Uriah,
7 Solomon naeh paz Rehoboam,
Rehoboam naeh paz Abiyah,
Abiyah naeh paz Asa,
8 Asa naeh paz Yehosaphat,
Yehosaphat naeh paz Yehoram,
Yehoram naeh paz Ussiah,
9 Ussiah naeh paz Yotham,
Yotham naeh paz Ahas,
Ahas naeh paz Hesekiah,
10 Hesekiah naeh paz Manasseh,
Manasseh naeh paz Amon,
Amon naeh paz Yosiah,
11 Yosiah naeh paz Yekhoniah keuh kuanz mai, maen meuz talz nyawpz lan prih Babilon.
12 Waaiz lan prih Babilon ne
Yekhoniah naeh paz Shealtiel,
Shealtiel naeh paz Serupbabel,
13 Serupbabel naeh paz Abiut,
Abiut naeh paz Eliakim,
Eliakim naeh paz Asor,
14 Asor naeh paz Sadok,
Sadok naeh paz Akhim,
Akhim naeh paz Eliut,
15 Eliut naeh paz Eleasar,
Eleasar naeh paz Matthan,
Matthan naeh paz Yakop,
16 Yakop naeh paz Yosep, an naeh tahz Mari an keut Yesuhz, an ihz raak Khris.
17 Abraham taw phraeoz khunz Dawit naeh seu kawlz ponz siupz, khunz Dawit taw phraeoz kraao ihz nyawpz lan keuh prih Babilon naeh seu kawlz ponz siupz, waaiz lan prih Babilon taw phraeoz Khris naeh seu kawlz ponz siupz.
Lawng Yesuhz Khris keut
18 An Yesuhz Khris keut samz, Yosep a wa maanyz Mari an ngaz naeh mah Yesuhz, meuz maat yaetz kawmz ne Mari keun meur tawiz Khuanz Seu Ngamz. 19 Yosep naeh ihz rak, nam sunz aez Mari sre luh rae kyaam praasz thengz pras pras. 20 Meuz hnhz kyaam boh ne teu maan kaang raaoz Phraz Cen Cen plaez toz lao tuhz yaetz reu muh daz, “Yosep, kheuz khunz Dawit aez, yak doz daehz bawnz leh Mari aez naeh yah mih. Kuanz ngaak tuhz klungz hnhz ne keun meur tawiz Khuanz Seu Ngamz eu. 21 Hnhz ngaz keut kuanz keur meh, mih bawnz peuk mus Hnhz Yesuhz, kawp daz Hnhz ngaz khyawt ihz Daehz thaz reung dengz kawi keuh.”
22 An ni aez keunyz mony reu ma Phraz Cen Cen tawiz ihz taangz Daehz daz, 23 “Yawt raez, trawsz teuk rac ne ngaz keun meur maang kuanz keur meh, ihz keui raak hnhz Emmanuel,” an loz daz, “Phraz Pen Caoh naeh kawmz ehz.”