ⵎⵉⵅⴰ
ⵍⵃⵓⴽⵎ ⵅ ⵙⴰⵎⴰⵔⵢⴰ ⴷ ⵓⵔⵛⴰⵍⵉⵎ
1
1 ⴰⵡⴰⵍ ⵏ ⵙⵉⴷⵉ ⵉ ⴷⴷ-ⵢⵓⵙⵉⵏ ⵖⴰⵔ ⵎⵉⵅⴰ, ⴰⵎⵓⵔⴰⵛⵜⵉ, ⴷⴻⴳ ⵡⵓⵙⵙⴰⵏ ⵏ ⵢⵓⵜⴰⵎ ⴷ ⴰⵃⴰⵥ ⴷ ⵃⵉⵥⵇⵉⵢⴰ, ⵉⵊⴻⴵⵉⴷⴻⵏ ⵏ ⵢⴰⵀⵓⴷⴰ, ⴰⵡⴰⵍ ⵉ ⵉⵥⵔⴰ ⵅ ⵙⴰⵎⴰⵔⵢⴰ ⴷ ⵓⵔⵛⴰⵍⵉⵎ. 2 “ⵙⵍⴻⵎ-ⴷⴷ, ⵎⴰⵔⵔⴰ ⴽⴻⵏⵏⵉⵡ, ⴰ ⵍⴻⴳⵏⵓⵙ,
ⵉⵍⵉⵎ ⵜⴼⴻⵜⵏⴻⵎ, ⴰ ⵛⴻⵎ, ⵜⴰⵎⵎⵓⵔⵜ ⴷ ⵓⵄⴻⵎⵎⴰⵔ ⵏⵏⴻⵙ!
ⵙⵉⴷⵉ ⵉⵏⵓ, ⵙⵉⴷⵉ, ⴰⴷ ⵢⵉⵍⵉ ⴷ ⴰⵛⴻⵀⵀⴰⴷ ⵅⴰⵡⴻⵎ,
ⵙⵉⴷⵉ ⵉⵏⵓ ⵥⵉ ⵣⵥⴰⵡⴻⵛⵜ ⵏⵏⴻⵙ ⵉⵇⴻⴷⴷⵙⴻⵏ. ■
3 ⵎⴰⵖⴰⵔ ⵅⵥⴰⵔⴻⵎ, ⵙⵉⴷⵉ ⵉⴼⴼⴻⵖ-ⴷⴷ ⵥⴻⴳ ⵡⴻⵎⵛⴰⵏ ⵏⵏⴻⵙ ⵏ ⵜⵥⴻⴷⴷⵉⵖⵜ,
ⵓ ⵏⴻⵜⵜⴰ ⴰⴷ ⴷⴷ-ⵉⵀⵡⴰ ⵓ ⴰⴷ ⵉⵚⵓⵔⴼ ⵅ ⵍⴻⴳⵄⵓⴷⵉ ⵏ ⵜⴻⵎⵎⵓⵔⵜ. ■
4 ⵉⴷⵓⵔⴰⵔ ⴰⴷ ⴼⴻⵙⵢⴻⵏ ⵙⴰⴷⵓ ⵏⵏⴻⵙ,
ⵓ ⵜⵉⵖⵥⵓⵔⵉⵏ ⴰⴷ ⵜⵜⵡⴰⴱⴹⴰⵏⵜ,
ⴰⵎ ⵛⵛⵎⴻⵄ ⵥⵥⴰⵜ ⵉ ⵡⵓⴷⴻⵎ ⵏ ⵜⵎⴻⵙⵙⵉ,
ⴰⵎ ⵡⴰⵎⴰⵏ ⵏⵏⵉ ⴷⴷ-ⵉⵜⵜⵡⴰⴼⴰⵔⵔⵖⴻⵏ ⵥⵉ ⵜⴻⵢⵙⴰⵔⵜ. ■
5 ⴰⵢⴰ ⵎⴰⵔⵔⴰ ⵉⵜⵜⴻⵎⵙⴰⵔ ⵥⵉ ⵙⵙⵉⴱⴱⴻⵜ ⵏ ⵓⵅⴻⵟⵟⵓ ⵏ ⵢⴰⵄⵇⵓⴱ,
ⵓ ⵥⵉ ⵙⵙⵉⴱⴱⴻⵜ ⵏ ⴷⴷⵏⵓⴱ ⵏ ⵜⴰⴷⴷⴰⵔⵜ ⵏ ⵉⵙⵔⴰⵉⵍ.
ⵎⵉⵏ ⵉⴵⴰⵏ ⴷ ⵅⴻⵟⵟⵓ ⵏ ⵢⴰⵄⵇⵓⴱ?
ⵎⴰ ⵡⴰⵔ ⵉⴵⵉ ⴷ ⵙⴰⵎⴰⵔⵢⴰ?
ⵓ ⵎⵉⵏ ⴵⴰⵏ ⴷ ⵍⴻⴳⵄⵓⴷⵉ ⵏ ⵢⴰⵀⵓⴷⴰ?
ⵎⴰ ⵡⴰⵔ ⵜⴻⴵⵉ ⴷ ⵓⵔⵛⴰⵍⵉⵎ?
6 ⵏⴻⵛⵛ ⴰⴷ ⴰⵔⵔⴻⵖ ⵙⴰⵎⴰⵔⵢⴰ ⴷ ⵍⵅⴰⵔⴱⴻⵜ ⴷⴻⴳ ⵉⵢⵢⴰⵔ,
ⴷ ⴰⵎⴰⵔⵊⵓⵄ ⵎⴰⵏⵉ ⵉ ⵖⴰ ⵥⵥⵓⵏ ⵜⴰⵥⴰⵢⴰⵔⵜ,
ⵓ ⵏⴻⵛⵛ ⴰⴷ ⵏⴹⴰⵔⴻⵖ ⵉⵥⵔⴰ ⵏⵏⴻⵙ ⴷⵉ ⵜⴻⵖⵥⵓⵔⵜ,
ⵓ ⴰⴷ ⵄⴰⵔⵔⵉⵖ ⵅ ⴷⵙⵓⵙⴰ ⵏⵏⴻⵙ.
7 ⵎⴰⵔⵔⴰ ⵍⴻⵅⵢⴰⵍⴰⵜ ⵏⵏⴻⵙ ⵉⵏⴻⵇⵛⴻⵏ ⴰⴷ ⵜⵜⵡⴰⵍⴻⴷⴵⴻⵏⵜ
ⵓ ⵎⴰⵔⵔⴰ ⵍⵎⵓⵏⴻⵜ ⵏⵏⴻⵙ ⵏ ⴼⴰⵔⵇ-ⵛⵛⵖⴻⵍ ⴰⴷ ⵜⵜ ⵙⵙⵛⴻⵎⴹⴻⵏ ⵙ ⵜⵎⴻⵙⵙⵉ,
ⵓ ⵎⴰⵔⵔⴰ ⵍⴻⵅⵢⴰⵍⴰⵜ ⵏⵏⴻⵙ ⵉⵏⴻⵇⵛⴻⵏ ⴰⴷ ⵜⴻⵏⵜ ⴰⵔⴻⴷⴷⴵⴻⵖ ⵏⴻⵛⵛ,
\qt ⵎⴰⵖⴰⵔ ⵏⴻⵜⵜⴰⵜ ⵜⵢⴰⵔⴻⵡ ⵉ-ⵜⴻⵏⵜ ⵥⵉ ⵍⵎⵓⵏⴻⵜ ⵏ ⴼⴰⵔⵇ-ⵛⵛⵖⴻⵍ,
ⵓ ⵏⵉⵜⴻⵏⵜⵉ ⴰⴷ ⴷⴷ-ⴷⴻⵡⵍⴻⵏⵜ ⵄⴰⵡⴻⴷ ⴷ ⵍⵎⵓⵏⴻⵜ ⵏ ⴼⴰⵔⵇ-ⵛⵛⵖⴻⵍ.”
ⴰⵛⴹⴰⵏ ⴰⵎⴻⵇⵇⵔⴰⵏ ⵏ ⵎⵉⵅⴰ
8 “ⵅ ⵓⵢⴰ ⴰⴷ ⵛⴻⴹⵏⴻⵖ ⵓ ⴰⴷ ⵡⵜⴻⵖ ⴰⴳⴻⵊⴷⵓⵔ,
ⴰⴷ ⵓⵢⵓⵔⴻⵖ ⵙ ⵍⴻⵃⴼⴰ ⴷ ⴰⵄⴰⵔⵢⴰⵏ,
ⴰⴷ ⵙⵙⵎⵉⵄⵡⴻⵖ ⴰⵎ ⵡⵓⵛⵛⴰⵏⴻⵏ ⵏ ⵍⴻⵅⵍⴰ,
ⵓ ⴰⴷ ⵙⵖⵓⵢⵢⴻⵖ ⴰⵎ ⵢⴻⵙⵙⵉⵙ ⵏ ⵏⵏⵄⴰⵎⴻⵜ. ■
9 ⵎⴰⵖⴰⵔ ⵉⵢⴻⵥⵥⵉⵎⴻⵏ ⵏⵏⴻⵙ ⵏⴻⵇⵇⴻⵏ,
ⵎⴰⵖⴰⵔ ⴰⵢⴰ ⵢⵓⵙⴰ-ⴷⴷ ⴰⵍ ⵢⴰⵀⵓⴷⴰ,
ⵉⵡⴻⵙⵙⴻⵄ ⵍⵃⵓⴽⵎ ⴰⵍ ⵜⵉⵡⵡⵓⵔⴰ ⵏ ⵍⴳⴻⵏⵙ ⵉⵏⵓ,
ⴰⵍ ⵓⵔⵛⴰⵍⵉⵎ.
10 ⵡⴰⵔ ⵜⵜⴱⴰⵔⵔⵃⴻⵎ ⵛⴰ ⵎⴰⵏ ⴰⵢⴰ ⴷⵉ ⵊⴰⵜ,
ⵉⵎⴻⵟⵟⴰⵡⴻⵏ, ⵍⵍⴰ, ⵡⴰⵔ ⵜᵉⵜⵜⵔⵓⵎ.
ⴷⵉ ⴱⴰⵢⵜ-ⵍⵉ’ⴰⴼⵔⴰ ⵥⵓⵥⵥⴰⵔⴻⵖ ⵓⵛⴰⵍ ⵅ ⵢⵉⵅⴻⴼ ⵉⵏⵓ. ■
11 ⵄⴷⵓ, ⵛⴻⵎ ⵜⴻⵏⵏⵉ ⵉⵥⴻⴷⴷⵖⴻⵏ ⴷⵉ ⵛⴰⴼⵉⵔ,
ⴷ ⴰⵄⴰⵔⵢⴰⵏ ⵓ ⵙ ⵍⴻⵃⵢⴰ.
ⵜⴻⵏⵏⵉ ⵉⵥⴻⴷⴷⵖⴻⵏ ⴷⵉ ⵚⴰⵏⴰⵏ ⵡⴰⵔ ⵜⴻⴼⴼⴻⵖ ⵛⴰ.
ⵜⴰⵖⵓⵢⵢⵉⵜ ⵏ ⵡⴻⵛⴹⴰⵏ ⵏ ⴱⴰⵢⵜ-ⵀⴰ-ⵉⵟⵚⵉⵍ
ⵜⴻⴽⴽⴻⵙ ⵥⵥⴰⵢⵡⴻⵎ ⴰⴱⴻⴷⴷⵉ ⵏⵏⴻⵙ ⴰⴽⵉⴷⵡⴻⵎ. ■
12 ⵎⴰⵖⴰⵔ ⵜⴻⵏⵏⵉ ⵉⵥⴻⴷⴷⵖⴻⵏ ⴷⵉ ⵎⴰⵔⵓⵜ,
ⵜᵉⵜⵜⴻⵇⵏⵓⵏⵏⵓⵢ ⵖⴰⵔ ⵎⴰⵔⵔⴰ ⵜⵉⵖⴻⵎⵎⵓⵔⴰ ⴷⵉ ⵟⵟⵡⴻⵄ ⵏ ⵍⵅⴰⵔ,
ⵎⵉⵏⵥⵉ ⴰⵇⴰ ⵉⵀⵡⴰ-ⴷⴷ ⵍⵖⴰⵔ ⵏ ⵙⵉⴷⵉ,
ⴰⵍ ⵜⴰⵡⵡⴰⵔⵜ ⵏ ⵓⵔⵛⴰⵍⵉⵎ. □ ■
13 ⵃⴻⵥⵥⵎⴻⵎ ⵉⵢⵙⴰⵏ ⵏ ⵜⴰⵥⵍⴰ ⵥⵥⴰⵜ ⵉ ⵓⴽⴰⵔⵔⵓ,
ⴰ ⵛⴻⵎ, ⵜⴻⵏⵏⵉ ⵉⵥⴻⴷⴷⵖⴻⵏ ⴷⵉ ⵍⴰⵅⵉⵛ!
ⵏⴻⵜⵜⴰⵜ ⴷ ⴱⴻⵟⵟⵓ ⵏ ⴷⴷⴻⵏⴱ ⵏ ⵢⴻⴵⵉⵙ ⵏ ⵚⵉⵀⵢⵓⵏ,
ⵎⴰⵖⴰⵔ ⴷⴰⵢⴻⴽ ⵜⵜⵡⴰⴼⴻⵏ ⵉⵅⴻⵟⵟⴰⵏ ⵏ ⵉⵙⵔⴰⵉⵍ.
14 ⵙ ⵓⵢⴻⵏⵏⵉ ⴻⵡⵛ ⴰⵔⵔⵉⵖⴰⵍⵓⵜⴻⵏ ⵏ ⵓⵎⵙⴻⴱⴹⵉ
ⵉ ⵎⵓⵔⴰⵛⴰⵜ-ⵊⴰⵜ!
ⵜⵓⴷⵔⵉⵏ ⵏ ⴰⴽⵥⵉⴱ ⴰⴷ ⴷⴻⵡⵍⴻⵏⵜ ⴷ ⵍⵖⴻⵛⵛ
ⵉ ⵉⵊⴻⴵⵉⴷⴻⵏ ⵏ ⵉⵙⵔⴰⵉⵍ.
15 ⵄⴰⵡⴻⴷ ⵏⴻⵛⵛ ⴰⴷ ⴰⵎ ⴷⴷ-ⴰⵡⵢⴻⵖ ⴰⵡⵔⵉⵜ,
ⴰ ⵛⴻⵎ ⵜⴻⵏⵏⵉ ⵉⵥⴻⴷⴷⵖⴻⵏ ⴷⵉ ⵎⴰⵔⵉⵛⴰ!
ⴰⵄⵓⴵⵉ ⵏ ⵉⵙⵔⴰⵉⵍ ⴰⴷ ⴷⴷ-ⵢⴰⵙ ⴰⵍ ⵖⴰⵔ ⵄⴰⴷⵓⵍⵍⴰⵎ.
16 ⴻⴳⴳ ⵉⵅⴻⴼ ⵏⵏⴻⵎ ⴷ ⵜⴰⵇⴻⵛⵛⴰⵔⵜ ⵓ ⵃⴻⴼⴼ ⵉ ⵉⵅⴻⴼ ⵏⵏⴻⵎ
ⴷⵉ ⵙⵙⵉⴱⴱⴻⵜ ⵏ ⵉⵃⴻⵏⵊⵉⵔⴻⵏ ⵏⵏⴻⵎ ⵉⵄⵉⵥⵥⴻⵏ.
ⴰⵔⵔ ⵜⴰⵇⴻⵛⵛⴰⵔⵜ ⵏⵏⴻⵎ ⴷ ⵜⴰⵎⴻⵇⵇⵔⴰⵏⵜ
ⴰⵎⴻⵛⵏⴰⵡ ⴰⴳⵉⴷⴻⵔ,
ⵎⵉⵏⵥⵉ ⵜⵜⵡⴰⵡⵢⴻⵏ ⵥⵥⴰⵢⴻⵎ ⵖⴰⵔ ⵜⵎⴻⵃⴱⴰⵙⵜ.”