ⵏⴰⵃⵓⵎ
ⴰⵡⴰⵍ ⵏ ⵏⴰⵃⵓⵎ ⵅ ⵏⵉⵏⵡⴰ
1
1 ⵍⵃⵓⴽⵎ ⵉⵙⵙⴰⴳⴳⵯⴰⴷⴻⵏ ⵅ ⵏⵉⵏⵡⴰ. ⴰⴷⵍⵉⵙ ⵏ ⵜⵎⴻⵥⵔⵉⵡⵜ ⵏ ⵏⴰⵃⵓⵎ, ⴰⵍⵇⵓⵛⵉ.□ ⵙⵉⴷⵉ ⴷ ⵡⴻⵏⵏⵉ ⵉⵏⴻⵇⵇⵎⴻⵏ
2 ⴰⵍⵉⴼ. - ⴰⵔⴻⴱⴱⵉ ⵉⵜⵜⴰⵙⵎⴻⵏ ⵓ ⵙⵉⴷⵉ ⵉⵏⵜⴰⵇⴰⵎ,
ⵙⵉⴷⵉ ⴷ ⴰⵏⴻⵇⵇⴰⵎ ⵓ ⵏⴻⵜⵜⴰ ⴷ ⴱⴰⴱ ⵏ ⵡⴻⵙⵄⴰⵔ.
ⵙⵉⴷⵉ ⴷ ⴰⵏⴻⵇⵇⴰⵎ ⵉ ⵍⵄⴻⴷⵢⴰⵏ ⵏⵏⴻⵙ,
ⵏⴻⵜⵜⴰ ⵉⴳⴳⴰ ⵍⵄⴻⴷⵢⴰⵏ ⵊⴰⵔ ⵜⵉⵟⵟⴰⵡⵉⵏ ⵏⵏⴻⵙ. □ ■
3 ⵙⵉⴷⵉ ⵖⴰⵔⴻⵙ ⵜⵜⴰⵙⵉⵄ ⵏ ⵍⵅⴰⴹⴰⵔ ⵓ ⵊⵊⴻⵀⴷ ⵏⵏⴻⵙ ⵉⵎⵖⴰⵔ
ⵓ ⵏⴻⵜⵜⴰ ⵡⴰⵔ ⵉⵜⵜⴱⴰⵔⵔⵉ ⵄⴻⵎⵎⴰⵔⵚ ⵡⴻⵏⵏⵉ ⵉⵜⵜⴻⴳⴳⴻⵏ ⴷⴷⴻⵏⴱ.
ⴱⵉⵜ. ⴰⴱⵔⵉⴷ ⵏ ⵙⵉⴷⵉ ⴷⵉ ⵜⵃⴰⵔⵢⴰⴹⵜ ⵓ ⴷⴻⴳ ⵓⵙⴻⵎⵎⵉⴹ,
ⵉⵙⴻⵢⵏⵓⵜⴻⵏ ⴰⵇⴰ ⴰⵜⴻⵏ ⴷ ⵜⴰⵄⴻⵊⵊⴰⵊⵜ ⵏ ⵉⴹⴰⵔⴻⵏ ⵏⵏⴻⵙ. □
4 ⴳⵉⵎⴻⵍ. - ⵏⴻⵜⵜⴰ ⵉⵡⴻⴱⴱⴻⵅ ⵍⴻⴱⵃⴰⵔ, ⵉⵜⵜⴰⵔⵔⴰ ⵉ-ⵜ ⵢⵓⵥⴻⵖ,
ⵎⴰⵔⵔⴰ ⵉⵖⴻⵥⵔⴰⵏ ⵉⵜⵜⴻⵊⵊⴰ ⵉ-ⵜⴻⵏ ⵜⵜⴰⵥⵖⴻⵏ.
ⴷⴰⵍⵉⵜ. ⴱⴰⵛⴰⵏ ⴷ ⴽⴰⵔⵎⴰⵍ ⵙⵍⴰⵡⴻⵏ,
ⵓⵍⴰ ⴷ ⵏⵏⵓⵡⴰⵔ ⵏ ⵍⵓⴱⵏⴰⵏ ⵉⵙⵍⴰⵡ. □
5 ⵀⵉ. - ⵉⴷⵓⵔⴰⵔ ⵜⵜⴰⵔⵊⵉⵊⵉⵏ ⵥⵥⴰⵢⴻⵙ,
ⵓ ⵜⵉⵡⵔⵉⵔⵉⵏ ⴼⴻⵙⵙⵢⴻⵏⵜ,
ⵡⴰⵡ. ⵓ ⵜⴰⵎⵎⵓⵔⵜ ⵜᵉⵜⵜⵡⴰⵙⵙⴳⴻⵄⵄⴻⴷ-ⴷⴷ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ,
ⵓⵍⴰ ⴷ ⵎⴰⵔⵔⴰ ⵡⵉ ⵅⴰⵙ ⵉⵥⴻⴷⴷⵖⴻⵏ! ■
6 ⵣⴰⵢⵉⵏ. - ⵡⵉ ⵉⵥⴻⵎⵎⴰⵔⴻⵏ ⴰⴷ ⵉⵇⵇⵉⵎ ⵉⴱⴻⴷⴷ ⵥⵥⴰⵜ ⵉ ⵡⴻⵙⵅⴻⴹ ⵏⵏⴻⵙ,
ⵓ ⵡⵉ ⵉⵥⴻⵎⵎⴰⵔⴻⵏ ⴰⴷ ⵉⴽⴽⴰⵔ ⵥⵥⴰⵜ ⵉ ⵍⵃⴰⴷⵓⵇ ⵏ ⵡⴻⵖⴹⴰⴱ ⵏⵏⴻⵙ?
ⵅⵉⵜ. ⴰⵙⵄⴰⵔ ⵏⵏⴻⵙ ⵉⵜⵜⵡⴰⴽⴻⴱⴱ-ⴷⴷ ⴰⵎ ⵜⵎⴻⵙⵙⵉ
ⵓ ⵜⵉⵚⵓⴹⴰⵔ ⵜⵜⵡⴰⵇⴻⴵⵄⴻⵏⵜ-ⵉ-ⴷⴷ ⵥⵥⴰⵢⴻⵙ.
7 ⵜⵉⵜ. - ⵉⵛⵏⴰ ⵙⵉⴷⵉ
ⵉ ⴷⴷⵓⵔⵔⵉ ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ.
ⵢⵓⴷ. ⵏⴻⵜⵜⴰ ⵉⵙⵙⴻⵏ ⵎⴰⵔⵔⴰ ⵉⵏⵏⵉ ⵖⴰⵔⴻⵙ ⵢⴰⵔⴻⵥⵥⵓⵏ ⴰⴷⵓⵔⵔⵉ. ■
8 ⴽⴰⴼ. - ⵙ ⵢⵉⵛⵜ ⵏ ⵍⵃⴻⵎⵍⴻⵜ ⵉⴼⴻⵢⵢⴹⴻⵏ
ⴰⴷ ⵢⵓⵇⴰ ⴰⵎⵛⴰⵏ ⵏⵏⴻⵙ
ⵓ ⵍⵄⴻⴷⵢⴰⵏ ⵏⵏⴻⵙ ⴰⴷ ⵜⴻⵏ ⵉⴹⴼⴰⵔ,
ⵖⴰⵔⴻⵙ ⴰⵍ ⵖⴰ ⵢⴰⴷⴼⴻⵏ ⵖⴰⵔ ⵜⴰⴵⴻⵙⵜ.
9 ⵎⵉⵎ. - ⵎⵉⵏ ⵜⵅⴰⵔⵔⵚⴻⵎ ⵅⴻⵏⵏⵉ ⵅ ⵙⵉⴷⵉ?
ⵏⴻⵜⵜⴰ ⴰⴷ ⵜ ⵢⵓⵇⴰ ⵇⴰⵄ.
ⴰⵖⵓⴼⵉ ⵡⴰⵔ ⴷⴷ-ⵉⵜⵜⵉⵙ ⵎⴰⵔⵜⴰⵢⴻⵏ.
10 ⴰⵇⴰ ⵏⵉⵜⵏⵉ ⵜⵜⵡⴰⵎⵓⴷⴻⵏ ⵄⴰⴷ ⴰⵎⴻⵛⵏⴰⵡ ⵛⴱⴰⵔⵇ ⴰⴽ-ⴷ ⵉⵙⴻⵏⵏⴰⵏⴻⵏ,
ⵓ ⵖⴻⵍⵍⴰⵏ ⴰⵎ ⵉⵎⴻⵙⵛⴰⵔⴻⵏ,
ⴰⵎⵎⵓ ⵉ ⵖⴰ ⵜⵜⵡⴰⵛⵛⴻⵏ ⵏⵉⵜⵏⵉ ⵇⴰⵄ ⴰⵎⴻⵛⵏⴰⵡ ⴰⵍⵓⵎ ⵢⵓⵥⵖⴻⵏ.
11 ⵣⵥⴰⵢⴻⴽ ⵉ ⴷⴷ-ⵉⴼⴼⴻⵖ
ⵡⴻⵏⵏⵉ ⵉⵜⵜⵅⴰⵔⵔⵚⴻⵏ ⴷⵉ ⵎⵉⵏ ⵡⴰⵔ ⵉⵃⵍⵉⵏ ⵅ ⵙⵉⴷⵉ,
ⴰⵎⵛⴰⵡⴰⵔ ⵉ ⵡⴰⵔ ⵉⵙⴻⴽⴽⵡⵉⵏ ⵡⴰⵍⵓ.
12 ⴰⵎⵎⵓ ⵉⵙⵙⵉⵡⴻⵍ ⵙⵉⴷⵉ:
ⵡⴰⵅⵅⴰ ⵏⵉⵜⵏⵉ ⵜⵜⴼⴻⵍⵃⴻⵏ ⵓ ⴵⴰⵏ ⴷⴻⴳ ⵡⴰⵟⵟⴰⵙ,
ⵡⴰⵅⵅⴰ ⴰⵎⴻⵏⵏⵉ ⵏⵉⵜⵏⵉ ⴰⴷ ⵜⵜⵡⴰⵇⴻⵙⵙⴻⵏ ⵓ ⵏⴻⵜⵜⴰ ⴰⴷ ⵉⵄⴷⵓ.
ⵡⴰⵅⵅⴰ ⵏⴻⵛⵛ ⴳⴳⵉⵖ ⵅⴰⴽ ⴰⵖⵉⵍ,
ⵎⴰⵛⴰ ⵏⴻⵛⵛ ⵡⴰⵔ ⵅⴰⴽ ⵜⵜⴻⴳⴳⴻⵖ ⴰⵖⵉⵍ ⵄⴰⴷ.
13 ⵍⴻⵅⵅⵓ ⴰⴷ ⴰⵔⵥⴻⵖ ⴰⵥⴰⵢⵍⵓ ⵏⵏⴻⵙ ⵉ ⵅⴰⴽ ⵉⵎⵎⴰⵔⵙⴻⵏ
ⵓ ⵏⴻⵛⵛ ⴰⴷ ⵛⴰⵔⵔⴳⴻⵖ ⵜⵉⵙⵖⵓⵏⵉⵏ ⵏⵏⴻⴽ.
14 ⵙⵉⴷⵉ ⵉⵡⴻⵚⵚⴰ ⵅⴰⴽ,
ⴰⵇⴰ ⵡⴰⵔ ⵥⵥⴰⵢⴻⴽ ⵉⵜⵜⵉⵍⵉ ⵄⴰⴷ ⵃⴻⴷ ⵙ ⵢⵉⵙⴻⵎ ⵏⵏⴻⴽ.
ⵏⴻⵛⵛ ⴰⴷ ⵇⴻⴹⵄⴻⵖ ⵍⴻⵅⵢⴰⵍⴰⵜ ⵉⵏⴻⵇⵛⴻⵏ ⴷ ⵍⴻⵅⵢⴰⵍⴰⵜ ⵉⴼⴻⵙⵢⴻⵏ ⵥⵉ ⵜⴰⴷⴷⴰⵔⵜ ⵏⵏⴻⴽ.
ⵏⴻⵛⵛ ⴰⴷ ⴳⴳⴻⵖ ⴰⵏⴹⴻⵍ ⵏⵏⴻⴽ,
ⵎⴰⵖⴰⵔ ⵓⴼⵉⵖ ⵛⴻⴽ ⵜⴻⴼⵙⵓⵙⴻⴷ.