ⵉⵥⴻⵀⵀⵉⴷⴻⵏ 113

1 ⵀⴰⵍⵍⵉⵍⵓ-ⵢⴰⵀ, ⵙⵄⵓⴵⴻⵎ, ⴽⴻⵏⵏⵉⵡ ⵉⵎⵙⴻⵅⵅⴰⵔⴻⵏ ⵏ ⵙⵉⴷⵉ,

ⵙⵄⵓⴵⴻⵎ ⵉⵙⴻⵎ ⵏ ⵙⵉⴷⵉ!

2 ⴰⴷ ⵉⵜⵜⵡⴰⴱⴰⵔⴻⴽ ⵉⵙⴻⵎ ⵏ ⵙⵉⴷⵉ,

ⵥⵉ ⵍⴻⵅⵅⵓ ⵖⴰⵔⴻⵙ ⴰⵍ ⵍⴻⴱⴷⴰ.   

3 ⵣⵉ ⵎⴰⵏⵉⵙ ⴷⴷ-ⵜⵏⴻⵇⵇⴰⵔ ⵜⴼⵓⵛⵜ ⴰⵍ ⵎⴰⵏⵉⵙ ⵜⵖⴻⴵⵉ ⵜⴼⵓⵛⵜ,

ⴰⴷ ⵉⵜⵜⵡⴰⵙⵙⵄⵓⴵⴰ ⵉⵙⴻⵎ ⵏ ⵙⵉⴷⵉ.  

4 ⵙⵉⴷⵉ ⵢⵓⵄⵍⴰ ⵅ ⵎⴰⵔⵔⴰ ⵍⴻⴳⵏⵓⵙ,

ⵜⵉⵡⴰ ⵉ ⵉⵊⴻⵏⵡⴰⵏ ⴷ ⴰⵄⵓⴵⵉ ⵏⵏⴻⵙ.

5 ⵎⴰⵏ ⵡⴻⵏ ⵉⴵⴰⵏ ⴰⵎ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ,

ⵡⴻⵏⵏⵉ ⵉⵥⴻⴷⴷⵖⴻⵏ ⴷⵉ ⵍⵓⵄⵍⴰ ⵇⴰⵄ,

6 ⵡⴻⵏⵏⵉ ⵢⵓⴹⴰⵔⴻⵏ,

ⵎⴰⵃⴻⵏⴷ ⴰⴷ ⵉⵥⴰⵔ ⴷⴻⴳ ⵉⵊⴻⵏⵡⴰⵏ ⵓ ⵅ ⵜⴻⵎⵎⵓⵔⵜ!

7 ⵡⴻⵏⵏⵉ ⴷⴷ-ⵉⵙⵙⵏⴻⴽⴽⴰⵔⴰⵏ ⴰⵎⵓⵇⵍⵉⵍ ⵥⵉ ⵜⵄⴻⵊⵊⴰⵊⵜ,

ⵉⵊⴻⴱⴷ-ⴷⴷ ⴰⵎⴻⵥⵍⵓⴹ ⵥⴻⴳ ⵡⴻⴼⵔⴰⴹ   

8 ⵎⴰⵃⴻⵏⴷ ⴰⴷ ⵜ ⵉⵙⵙⵖⵉⵎ ⴰⴽ-ⴷ ⵜⴰⵔⵡⴰ ⵏ ⵜⴰⵚⵉⵍⴻⵜ,

ⴰⴽ-ⴷ ⵜⴰⵔⵡⴰ ⵏ ⵜⴰⵚⵉⵍⴻⵜ ⵏ ⵍⴳⴻⵏⵙ ⵏⵏⴻⵙ.

9 ⵡⴻⵏⵏⵉ ⵉⵙⵙⴻⵥⴷⴰⵖⴻⵏ ⵜⴻⵏⵏⵉ ⵡⴰⵔ ⵉⵜⵜⵉⵔⵡⴻⵏ ⴷⵉ ⵜⴰⴷⴷⴰⵔⵜ,

ⴰⵎ ⵉⵛⵜ ⵏ ⵜⵢⴻⵎⵎⴰⵜ ⵏ ⵉⵃⴻⵏⵊⵉⵔⴻⵏ ⵜⴼⴰⵔⵃ. ⵀⴰⵍⵍⵉⵍⵓ-ⵢⴰⵀ.