ⵉⵥⴻⵀⵀⵉⴷⴻⵏ 112

1 ⵀⴰⵍⵍⵉⵍⵓ-ⵢⴰⵀ!

ⴰⵍⵉⴼ. ⵙⵙⴻⵄⴷ ⵏ ⵡⴻⵔⵢⴰⵣ

ⵏⵏⵉ ⵉⵜⵜⴻⴳⴳⵯⴻⴷⴻⵏ ⵙⵉⴷⵉ,

ⴱⵉⵜ. ⵡⴻⵏⵏⵉ ⵉⴼⴰⵔⵔⵃⴻⵏ ⴰⵟⵟⴰⵙ

ⵅ ⵜⵡⴻⵚⵚⴰ ⵏⵏⴻⵙ.   

2 ⴳⵉⵎⴻⵍ. ⵜⴰⵔⵡⴰ ⵏⵏⴻⵙ

ⴰⴷ ⵉⵍⵉⵏ ⵊⴻⵀⵀⴷⴻⵏ ⴷⵉ ⵜⴻⵎⵎⵓⵔⵜ,

ⴷⴰⵍⵉⵜ. ⵊⵊⵉⵍ ⵏ ⵢⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ

ⴰⴷ ⵉⵜⵜⵡⴰⴱⴰⵔⴻⴽ.

3 ⵀⵉ. ⵍⵅⵉⵔ ⴷ ⵡⴰⴳⵍⴰ

ⴰⴷ ⵛⵛⵓⵔⴻⵏ ⵜⴰⴷⴷⴰⵔⵜ ⵏⵏⴻⵙ,

ⵡⴰⵡ. ⵜⴰⵙⴻⴳⴷⴰ ⵏⵏⴻⵙ ⵜᵉⵜⵜⵖⵉⵎⴰ ⵉ ⵍⴻⴱⴷⴰ.

4 ⵣⴰⵢⵉⵏ. ⵉ ⵢⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ

ⴰⴷ ⴰⵙⴻⵏ ⵜⴻⵖⵍⵉ ⵜⴼⴰⵡⵜ ⴷⵉ ⵜⴰⴵⴻⵙⵜ.

ⵅⵉⵜ. ⵏⴻⵜⵜⴰ ⴷ ⴰⵃⵏⵉⵏ ⴷ ⴰⵔⵃⵉⵎ ⴷ ⵓⵎⵙⴻⴳⴳⴻⴷ.

5 ⵜⵉⵜ. ⴰⵔⵢⴰⵣ ⵏⵏⵉ ⵉⵜⵜⵃⵉⵏⵏⴰ ⵓ ⵢⴰⵔⴻⵟⵟⴻⵍ,

ⴰⴷ ⵢⵉⵍⵉ ⵎⵍⵉⵃ,

ⵢⵓⴷ. ⴰⵇⴰ ⵉⵄⴻⴷⴷⴻⵍ ⵜⵉⵎⴻⵙⵍⴰⵢⵉⵏ ⵏⵏⴻⵙ ⵏⵉⵛⴰⵏ.

6 ⴽⴰⴼ. ⵎⴰⵖⴰⵔ ⵏⴻⵜⵜⴰ ⵡⴰⵔ ⵉⵜⵜⵖⵉⵎⵉ

ⵉⵜⵜⴻⵏⵀⴻⵣⵣⴰ ⵉ ⵍⴻⴱⴷⴰ.

ⵍⴰⵎⵉⴷ. ⴰⴷ ⴷⵉⵏ ⵜⵉⵍⵉ ⵍⵉⴷⴰⵔⴻⵜ

ⴷⴻⴳ ⵓⵎⵙⴻⴳⴳⴻⴷ ⵉ ⵍⴻⴱⴷⴰ.

7 ⵎⵉⵎ. ⵏⴻⵜⵜⴰ ⵡⴰⵔ ⵉⵜⵜⴻⴳⴳⵯⴻⴷ

ⵣⵉ ⵏⵏⴰⴱ ⵉ ⵡⴰⵔ ⵉⵃⵍⵉⵏ,

ⵏⵓⵏ. ⵓⵍ ⵏⵏⴻⵙ ⵉⵎⵜⴻⵏ, ⵉⵜⵜⵛⴰⵍ ⵅ ⵙⵉⴷⵉ.

8 ⵙⴰⵎⵉⵅ. ⵓⵍ ⵏⵏⴻⵙ ⵉⵎⵜⴻⵏ, ⵡⴰⵔ ⵉⵜⵜⴻⴳⴳⵯⴻⴷ,

ⵄⴰⵢⵉⵏ. ⴰⵍ ⵖⴰ ⵉⵅⵣⴰⵔ

ⵖⴰⵔ ⵢⵉⵏⵏⵉ ⵜ-ⵉ-ⴷⴷ ⵉⵃⴻⵚⵚⴰⵔⴻⵏ.

9 ⴱⵉ. ⵉⵣⵓⵣⵣⴰⵔ, ⵉⵜⵜⵉⵛ ⵉ ⵉⵎⴻⵣⵍⴰⴹ.

ⵜⵙⴰⴷⵉ. ⵜⴰⵙⴻⴳⴷⴰ ⵏⵏⴻⵙ

ⵜᵉⵜⵜⵖⵉⵎⴰ ⵉ ⵍⴻⴱⴷⴰ,

ⵇⵓⴼ. ⵉⵛⵛ ⵏⵏⴻⵙ ⴰⴷ ⵉⵜⵜⵡⴰⵙⵙⵓⵄⵍⴰ ⵙ ⵛⵛⴰⵏ.

10 ⵔⵉⵅ. ⴰⴷ ⵜ ⵉⵥⴰⵔ ⵓⵄⴻⴼⴼⴰⵏ, ⴰⴷ ⵉⴼⴼⵓⴳⴻⵎ.

ⵛⵉⵏ. ⵏⴻⵜⵜⴰ ⴰⴷ ⵉⵖⴻⵣⵣ ⵙ ⵜⴻⵖⵎⴰⵙ,

ⵅⴻⵏⵏⵉ ⴰⴷ ⵉⴼⵙⵉ.

ⵜⴰⴼ. ⵎⴻⵥⵔⵉ ⵏ ⵉⵄⴻⴼⴼⴰⵏⴻⵏ ⴰⴷ ⵉⴱⴹⴻⵍ.