ⵉⵥⴻⵀⵀⵉⴷⴻⵏ 98

1 ⴰⵣⴻⵀⵀⵉⴷ.

ⵖⴻⵏⵏⵊⴻⵎ ⵉ ⵙⵉⴷⵉ ⵉⵊⵊ ⵏ ⵢⴻⵣⵍⵉ ⵏ ⵊⴷⵉⴷ,

ⵎⴰⵖⴰⵔ ⵏⴻⵜⵜⴰ ⵉⴳⴳⴰ ⵍⵎⵓⵄⵊⵉⵣⴰⵜ.

ⴰⴼⵓⵙ ⵏⵏⴻⵙ ⴰⴼⵓⵙⵉ ⴷ ⵓⵖⵉⵍ ⵏⵏⴻⵙ ⵉⵇⴻⴷⴷⵙⴻⵏ

ⵙⵙⵏⴻⵊⵎⴻⵏ ⵜ.

2 ⵙⵉⴷⵉ ⵉⵙⵙⵛⴻⵏ ⴰⵙⴻⵏⵊⴻⵎ ⵏⵏⴻⵙ,

ⵉⵙⵙⴰⵔⴳⴻⴱ ⵜⴰⵙⴻⴳⴷⴰ ⵏⵏⴻⵙ

ⵣⵣⴰⵜ ⵉ ⵜⵉⵟⵟⴰⵡⵉⵏ ⵏ ⵍⴻⴳⵏⵓⵙ.

3 ⵏⴻⵜⵜⴰ ⵉⵄⵇⴻⵍ ⵅ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ,

ⵅ ⵍⴰⵎⴰⵏ ⵏⵏⴻⵙ ⵉ ⵜⴰⴷⴷⴰⵔⵜ ⵏ ⵉⵙⵔⴰⵉⵍ.

ⵎⴰⵔⵔⴰ ⵜⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ ⵥⵔⵉⵏⵜ ⴰⵙⴻⵏⵊⴻⵎ

ⵙ ⵓⴼⵓⵙ ⵏ ⵏ ⴰⵔⴻⴱⴱⵉ ⵏⵏⴻⵖ.

4 ⴷⵓⵇⵇⵣⴻⵎ ⵙ ⵓⵙⵍⵉⵡⵍⴻⵡ ⵉ ⵙⵉⴷⵉ,

ⵎⴰⵔⵔⴰ ⵜⴰⵎⵎⵓⵔⵜ,

ⵙⵖⵓⵢⵢⴻⵎ, ⵙⵍⵉⵡⴻⵍⵡⴻⵎ, ⵣⴻⵀⵀⴷⴻⵎ.

5 ⵣⴻⵀⵀⴷⴻⵎ ⵉ ⵙⵉⴷⵉ ⵙ ⵍⴳⴰⵎⴱⵔⵉ,

ⵙ ⵍⴳⴰⵎⴱⵔⵉ ⵓ ⵙ ⵜⵎⵉⵊⵊⴰ ⵏ ⵢⴻⵣⵍⵉ,

6 ⵙ ⵍⴻⴱⵡⴰⵇ ⴷ ⵍⵃⴻⵙⵙ ⵏ ⵓⵙⵓⴹⵉ

ⴷⴻⴳ ⵓⵢⵉⵛⵛ ⵏ ⵉⵛⴰⵔⵔⵉ.

ⴷⵓⵇⵇⵣⴻⵎ ⵙ ⵓⵙⵍⵉⵡⵍⴻⵡ

ⵣⵣⴰⵜ ⵉ ⵡⵓⴷⴻⵎ ⵏ ⵓⵊⴻⴵⵉⴷ, ⵙⵉⴷⵉ.

7 ⴻⵊⵊ ⴰⴷ ⵉⵣⵀⴰⵔ ⵍⴻⴱⵃⴰⵔ

ⴷ ⵎⴰⵔⵔⴰ ⴰⵄⴻⵎⵎⴰⵔ ⵏⵏⴻⵙ,

ⴷⴷⵓⵏⴻⵛⵜ ⴷ ⵢⵉⵏⵏⵉ ⴷⴰⵢⴻⵙ ⵉⵣⴻⴷⴷⵖⴻⵏ.

8 ⴻⵊⵊ ⵉⵖⴻⵣⵔⴰⵏ ⴰⴷ ⵡⵜⴻⵏ ⵛⴰⵎⵅⴰ ⵙ ⵉⴼⴰⵙⵙⴻⵏ,

ⵉⴷⵓⵔⴰⵔ ⴰⴷ ⵙⵙⵍⵉⵡⵍⴻⵡⴻⵏ ⵊⵎⵉⵄ

9 ⵣⵣⴰⵜ ⵉ ⵡⵓⴷⴻⵎ ⵏ ⵙⵉⴷⵉ,

ⵎⴰⵖⴰⵔ ⵏⴻⵜⵜⴰ ⴰⴷ ⴷⴷ-ⵢⴰⵙ

ⵃⵉⵎⴰ ⴰⴷ ⵉⵃⴽⴻⵎ ⵜⴰⵎⵎⵓⵔⵜ.

ⵏⴻⵜⵜⴰ ⴰⴷ ⵉⵃⴽⴻⵎ ⵜⴰⵎⵎⵓⵔⵜ ⵙ ⵜⵙⴻⴳⴷⴰ,

ⵍⴻⴳⵏⵓⵙ ⵙ ⵍⵃⴻⵇⵇ.