ⵉⵥⴻⵀⵀⵉⴷⴻⵏ 93

1 ⵙⵉⴷⵉ ⵉⵃⴻⴽⴽⴻⵎ,

ⵏⴻⵜⵜⴰ ⵢⴰⵔⴹ ⵙ ⵍⵄⴰⴹⴰⵎⴰ,

ⵙⵉⴷⵉ ⵢⴰⵔⴹ ⵙ ⵊⵊⴻⵀⴷ ⴰⵎ ⵙ ⵢⵉⵊⵊ ⵏ ⵓⵃⴻⵣⵣⴰⵎ.

ⵡⴰⵀ, ⴷⴷⵓⵏⴻⵛⵜ ⵜⴱⴻⴷⴷ ⵜⴻⵎⵜⴻⵏ,

ⵡⴰⵔ ⵜᵉⵜⵜⴻⵏⵀⴻⵣⵣⵉ ⵛⴰ.   

2 ⵍⴽⵓⵔⵙⵉ ⵉⴳⴻⵍⵍⴷⴻⵏ ⵏⵏⴻⵛ ⵉⵎⵜⴻⵏ

ⵣⵉ ⵎⴻⵛⵃⴰⵍ ⵓⵢⴰ,

ⵛⴻⴽ ⵜⴻⴵⵉⴷ ⵣⵉ ⵍⴻⴱⴷⴰ.

3 ⵉⵖⴻⵣⵔⴰⵏ ⵙⵙⴳⴻⵄⵄⴷⴻⵏ, ⴰ ⵙⵉⴷⵉ,

ⵉⵖⴻⵣⵔⴰⵏ ⵙⵙⴳⴻⵄⵄⴷⴻⵏ ⵜⵎⵉⵊⵊⴰ ⵏⵙⴻⵏ.

ⵉⵖⴻⵣⵔⴰⵏ ⴰⴷ ⵙⵙⴳⴻⵄⵄⴷⴻⵏ

ⵍⵃⴻⵙⵙ ⵏ ⵣⵣⵀⵉⵔ ⵏⵙⴻⵏ.

4 ⵙⵉⴷⵉ ⴷⵉ ⵍⵓⵄⵍⴰ ⵉⵊⵀⴻⴷ ⵅ ⵣⵣⵀⵉⵔ

ⵏ ⵡⴰⵟⵟⴰⵙ ⵏ ⵡⴰⵎⴰⵏ ⵉⵊⴻⵀⴷⴻⵏ

ⵓ ⵅ ⵓⵀⴰⵊⵉ ⵏ ⵍⴻⴱⵃⴰⵔ.

5 ⵛⵛⵀⴰⴷⴰⵜ ⵏⵏⴻⵛ ⴰⵇⴰ ⴷⴰⵢⵙⴻⵏⵜ ⵍⴰⵎⴰⵏ.

ⵜⴰⵇⴻⴷⴷⴰⵙⵜ ⵜⵣⴻⵀⵀⴻⵊ ⵉ ⵜⴰⴷⴷⴰⵔⵜ ⵏⵏⴻⵛ,

ⴰ ⵙⵉⴷⵉ, ⴰⵍ ⵎⴰⵔⵔⴰ ⵓⵙⵙⴰⵏ.