ⵉⵥⴻⵀⵀⵉⴷⴻⵏ 87

1 ⴰⵣⴻⵀⵀⴻⴷ, ⵉⵣⵍⵉ ⵏ ⴰⵢⵜ ⵏ ⵇⵓⵔⴰⵃ.

ⴷⵙⴰⵙ ⵏⵏⴻⵙ ⴰⵇⴰ-ⵜ ⵅ ⵉⴷⵓⵔⴰⵔ ⵉⵇⴻⴷⴷⵙⴻⵏ.

2 ⵙⵉⴷⵉ ⵉⵜⵜⴻⵅⵙ ⵜⵉⵡⵡⵓⵔⴰ ⵏ ⵚⵉⵀⵢⵓⵏ

ⴰⵟⵟⴰⵙ ⵅ ⵎⴰⵔⵔⴰ ⵜⵉⵣⴻⴷⴷⵖⵉⵏ ⵏ ⵢⴰⵄⵇⵓⴱ.

3 ⵜⵉⵎⴻⵙⵍⴰⵢⵉⵏ ⵢⵓⵄⵍⴰⵏ ⵇⵇⴰⵔⴻⵏ ⵅⴰⵎ,

ⴰ ⵜⴰⵏⴷⵉⵏⵜ ⵏ ⴰⵔⴻⴱⴱⵉ. ⵙⵉⵍⴰⵀ.

4 ⵏⴻⵛⵛ ⴰⴷ ⴱⴰⵔⵔⵃⴻⵖ ⵔⴰⵀⴰⴱ ⴷ ⴱⴰⴱⵉⵍ

ⵖⴰⵔ ⵢⵉⵏⵏⵉ ⵉ ⴷ ⴰⵢⵉ ⵉⵙⵙⵏⴻⵏ.

ⵅⵣⴰⵔ, ⴼⵉⵍⵉⵛⵉⵜ ⴷ ⵡⴻⵏⵏⵉ ⵣⵉ ⵚⵓⵔⵉ

ⴰⴽ-ⴷ ⵓⴽⵓⵛⵉ ...

‘ⵡⴰⵏⵉⵜⴰ ⵉⵜⵜⵡⴰⵅⴻⵍⵇⴻⴷ-ⴷⴷ ⴷⵉⵏ!’

5 ⵎⴰⵛⴰ ⵅ ⵚⵉⵀⵢⵓⵏ ⴰⴷ ⵉⵏⵉⵏ:

‘ⵉⵏⴰ ⵎⴰⵔⵔⴰ ⵜⵜⵡⴰⵅⴻⵍⵇⴻⵏ-ⴷⴷ ⴷⴰⵢⴻⵙ!’,

ⴰⵎⵄⵓⴵⵉ ⵅ ⴽⵓⵍⵛⵉ ⴰⴷ ⵜⵜ ⵉⵙⵙⴻⵎⵜⴻⵏ.

6 ⵙⵉⴷⵉ ⴰⴷ ⵉⵣⴻⵎⵎⴻⵎ ⴷⵉ ⵍⵉⵙⵜⴰ ⵏ ⵍⴻⴳⵏⵓⵙ:

‘ⵡⴰⵏⵉⵜⴰ ⵉⵅⵍⴻⵇ-ⴷⴷ ⴷⵉⵏ’. ⵙⵉⵍⴰⵀ.

7 ⵏⵉⵜⵏⵉ ⵜⵜⵖⴻⵏⵏⴰⵊⴻⵏ ⴰⵎ ⵛⴻⵟⵟⵃⴻⵏ:

‘ⵜⴰⵍⴰⵡⵉⵏ ⵉⵏⵓ ⵎⴰⵔⵔⴰ ⴷⴰⵢⴻⵎ!’