ذِي ڒخْڒَا 26

إِتّْوَاحْسبْ إِسْرَائِيل إِ ثْوَاڒَا وِيسّْ ثْنَاينْ

‏1 إِسِّيوڒْ سِيذِي أَكْ-ذ مُوسَا ذ أَلِيعَازَارْ، مِّيسْ ن هَارُونْ، أَكهَّانْ، إِنَّا:

‏2 ”حسْبمْ مَارَّا ثَامسْمُونْثْ ن أَيْثْ ن إِسْرَائِيل، أَزدْجِيفْ أَزدْجِيفْ، زِي عِيشْڒِينْ ن إِسڭّْوُوسَا سنّجْ، عْلَاحْسَابْ ثَادَّارْثْ ن إِبَابَاثنْ نْسنْ، كُوڒْ إِجّنْ ذِي إِسْرَائِيل نِّي د-إِتّفّْغنْ أَكْ-ذ ڒْعسْكَارْ.“    ‏3 مُوسَا ذ أَلِيعَازَارْ، أَكهَّانْ، سِّيوْڒنْ أَكِيذْسنْ ذِي ڒوْضَاثْ ن مُوآبَ، غَارْ لْ'ؤُرْذُونْ أَرنْذَاذْ ن أَرِيحَا ؤُشَا نَّانْ ‏4 ”زِي عِيشْڒِينْ ن إِسڭّْوُوسَا سنّجْ!“ أَمْ مَامّشْ ث يُومُورْ سِيذِي إِ مُوسَا.

إِنَا ذ أَيْثْ ن إِسْرَائِيل نِّي ثُوغَا د-إِفّْغنْ زِي ثمُّورْثْ ن مِيصْرَا:   

‏5 رُوبِينْ ثُوغَا ذ أَمنْزُو ن إِسْرَائِيل. أَقَا إِنَا ذ إِحنْجِيرنْ ن رُوبِينْ: زِي حَانُوكْ ڒَادْجْ ن إِحَانُوكِييّنْ، زِي فَالُّو ڒَادْجْ ن إِفَالُّووِييّنْ،   

‏6 زِي حَاصْرُونْ ڒَادْجْ ن إِحَاصْرُونِييّنْ، زِي كَارْمِي ڒَادْجْ ن إِكَارْمِييّنْ.

‏7 ثِينَا ثُوغَا ذ ڒَادْجَاثْ ن إِرُوبِينِييّنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْڒَاثَا ؤُ-ربْعِينْ-أَڒفْ ؤُ-سبْعَا-مْيَا ؤُ-ثْڒَاثِينْ ن يرْيَازنْ.

‏8 ثَارْوَا ن فَالُّو ثُوغَا أَثنْ: مْغِيرْ إِلِييَابْ.

‏9 ثُوغَا إِحنْجِيرنْ ن إِلِييَابْ: نِيمُويِيلْ، ذَاثَانْ ذ أَبِيرَامْ. إِنَا، ذَاثَانْ ذ أَبِيرَامْ، ثُوغَا أَثنْ ذ إِمْڒَاغَانْ ن ثْمسْمُونْثْ إِنِّي إِغوّْغنْ ضِيدّْ إِ مُوسَا ذ هَارُونْ، جْمِيعْ أَكْ-ذ ؤُبَارُّو ن قُورَاحْ، ؤُمِي غوّْغنْ ضِيدّْ إِ سِيذِي.     

‏10 ثَامُّورْثْ ثَارْزمْ أَقمُّومْ نّسْ ؤُشَا ثْسَارْضْ إِ-ثنْ، جْمِيعْ أَكْ-ذ قُورَاحْ، ڒَامِي إِمُّوثْ ؤُبَارُّو نِّي ؤُمِي ثِيمسِّي ثشَّا مِيثَاينْ ؤُ-خمْسِينْ ن يرْيَازنْ. ذوْڒنْ نِيثْنِي ذ إِجّْ ن وعْڒَامْ.

‏11 مَاشَا إِحنْجِيرنْ ن قُورَاحْ وَارْ مُّوثنْ شَا.

‏12 إِنَا ثُوغَا ذ إِحنْجِيرنْ ن شِيمْعُونْ عْلَاحْسَابْ ڒَادْجَاثْ نْسنْ: زِي نِيمُويِيلْ إِقَارْسْ ڒَادْجْ ن إِنِيمُويِيلِييّنْ، زِي يَامِينْ ڒَادْجْ ن إِيَامِينِييّنْ، زِي يَاكِينْ ڒَادْجْ ن إِيَاكِينِييّنْ،

‏13 زِي زَارَاحْ ڒَادْجْ ن إِزَارَاحِييّنْ، زِي شَاوُولْ ڒَادْجْ ن إِشَاوُولِييّنْ.

‏14 ثِينَا ثُوغَا ذ ڒَادْجَاثْ ن إِشِيمْعُونِييّنْ: ثْنَاينْ ؤُ-عِيشْرِينْ-أَڒفْ ؤُ-مِيثَايْنْ ن يرْيَازنْ.

‏15 إِنَا ثُوغَا ذ إِحنْجِيرنْ ن جَاذْ عْلَاحْسَابْ ڒَادْجَاثْ نْسنْ: زِي صِيفُونْ إِقَارْسْ ڒَادْجْ ن إِصِيفُونِييّنْ، زِي حَاجِّي ڒَادْجْ ن إِحَاجِّيوِييّنْ، زِي شُونِي ڒَادْجْ ن إِشُونِييّنْ،

‏16 زِي ؤُزْنِي ڒَادْجْ ن إِيُوزْنِييّنْ، زِي عِيرِي ڒَادْجْ ن إِعِيرِييّنْ،

‏17 زِي أَرُوذْ ڒَادْجْ ن إِرُوذِييّنْ، زِي أَرِييِيلِي ڒَادْجْ ن إِرِييِيلِييّنْ.

‏18 ثِينَا ثُوغَا أَثنْثْ ذ ڒَادْجَاثْ ن جَاذْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي أَربْعِينْ-أَڒفْ ؤُ-خمْسَا-مْيَا.

‏19 ثَارْوَا ن يَاهُوذَا ثُوغَا أَثنْ ذ عِيرْ ذ ؤُنَانْ. مَاشَا مُّوثنْ عِيرْ ذ ؤُنَانْ ذِي ثمُّورْثْ ن كنْعَانْ.    ‏20 إِنَا ثُوغَا أَثنْ ذ إِحنْجِيرنْ ن يَاهُوذَا عْلَاحْسَابْ ڒَادْجَاثْ نْسنْ: زِي شَايْلَا إِقَارْسْ ڒَادْجْ ن إِشِيلَايّنْ، زِي فَارِيصْ ڒَادْجْ ن إِفَارَاصِييّنْ، زِي زَارَاحْ ڒَادْجْ ن إِزَارَاحِييّنْ.

‏21 إِنَا ثُوغَا أَثنْ ذ إِحنْجِيرنْ ن فَارِيصْ: زِي حَاصْرُونْ إِقَارْسْ ڒَادْجْ ن إِحَاصْرُونِييّنْ، زِي حَامُولْ ڒَادْجْ ن إِحَامُولِييّنْ.    ‏22 ثِينَا ثُوغَا أَثنْثْ ذ ڒَادْجَاثْ ن يَاهُوذَا ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ستَّا ؤُ-سبْعِينْ-أَڒفْ ؤُ-خمْسَا-مْيَا ن يرْيَازنْ.

‏23 إِنَا ثُوغَا أَثنْ ذ إِحنْجِيرنْ ن إِسَّاكَارْ عْلَاحْسَابْ ڒَادْجَاثْ نْسنْ: زِي ثُولَاعْ إِقَارْسْ ڒَادْجْ ن إِثُولَاعِييّنْ، زِي بُووَا ڒَادْجْ ن إِپُووَانِييّنْ، ‏24 زِي يَاشُوبْ ڒَادْجْ ن إِيَاشُوبِييّنْ، زِي شِيمْرُونْ ڒَادْجْ ن إِشِيمْرُونِييّنْ. ‏25 ثِينَا ثُوغَا أَثنْثْ ذ ڒَادْجَاثْ ن إِسَّاكَارْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي أَربْعَا ؤُ-ستِّينْ-أَڒفْ ؤُ-ثڒْثْ-مْيَا ن يرْيَازنْ.

‏26 إِنَا ثُوغَا أَثنْ ذ إِحنْجِيرنْ ن زَاپُولُونْ عْلَاحْسَابْ ڒَادْجَاثْ نْسنْ: زِي سَارِيذْ إِقَارْسْ ڒَادْجْ ن إِسَارِيذِييّنْ، زِي إِلُونْ ڒَادْجْ ن إِلُونِييّنْ، زِي يَاحْلِييِيلْ ڒَادْجْ ن إِيَاحْلِييِيلِييّنْ. ‏27 ثِينَا ثُوغَا أَثنْثْ ذ ڒَادْجَاثْ ن إِزَاپُولُونِييّنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ستِّينْ-أَڒفْ ؤُ-خمْسَا-مْيَا ن يرْيَازنْ.

‏28 إِنَا ثُوغَا أَثنْ ذ إِحنْجِيرنْ ن يُوسُوفْ عْلَاحْسَابْ ڒَادْجَاثْ نْسنْ: مَانَاسَّا ذ إِفْرَايِيمْ.

‏29 إِنَا ثُوغَا أَثنْ ذ إِحنْجِيرنْ ن مَانَاسَّا: زِي مَاكِيرْ إِقَارْسْ ڒَادْجْ ن إِمَاكِيرِييّنْ. مَاكِيرْ يجّْ-د جِيلْعَاذْ. زِي جِيلْعَاذْ إِقَارْسْ ڒَادْجْ ن إِجِيلْعَاذِييّنْ.   

‏30 إِنَا ثُوغَا أَثنْ ذ إِحنْجِيرنْ ن جِيلْعَاذْ: زِي إِعَازَارْ إِقَارْسْ ڒَادْجْ ن إِعَازَارِييّنْ، زِي حَالَاقْ ڒَادْجْ ن إِحَالَاقِييّنْ، ‏31 زِي أَسْرِييِيلْ ڒَادْجْ ن إِسْرِييِيلِييّنْ، زِي شَاكَامْ ڒَادْجْ ن إِشَاكَامِييّنْ، ‏32 زِي شِيمِيذَاعْ ڒَادْجْ ن إِشِيمْذَاعِييّنْ، زِي حَافَارْ ڒَادْجْ ن إِحَافَارِييّنْ.

‏33 ؤُشَا صَالُوفْحَاذْ، مِّيسْ ن حَافَارْ، وَارْ ثُوغِي غَارسْ إِحنْجِيرنْ، مْغِيرْ ثِيحنْجِيرِينْ. إِنَا ثُوغَا أَثنْ ذ إِسْمَاونْ ن يسِّيسْ ن صَالُوفْحَاذْ: مَاحْلَا، نُوعَا، حُوجْلَا، مِيلْكَا ذ ثِيرْصَا.   

‏34 ثِينَا ثُوغَا أَثنْثْ ذ ڒَادْجَاثْ ن مَانَاسَّا ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْنَاينْ ؤُ-خمْسِينْ-أَڒفْ ؤُ-سبْعَا-مْيَا ن يرْيَازنْ.

‏35 إِنَا ثُوغَا أَثنْ ذ إِحنْجِيرنْ ن إِفْرَايِيمْ، عْلَاحْسَابْ ڒَادْجَاثْ نْسنْ: زِي شُوثَالَاحْ إِقَارْسْ ڒَادْجْ ن إِشُوثَالَاحِييّنْ، زِي بَاكَارْ ڒَادْجْ ن إِبَاكَارِييّنْ، زِي ثَاحَانْ ڒَادْجْ ن إِثَاحَانِييّنْ.

‏36 إِنَا ثُوغَا أَثنْ ذ إِحنْجِيرنْ ن شُوثَالَاحْ: زِي عِيرَانْ ڒَادْجْ ن إِعِيرَانِييّنْ.

‏37 ثِينَا ثُوغَا أَثنْثْ ذ ڒَادْجَاثْ ن وَارَّاونْ ن إِفْرَايِيمْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْنَاينْ ؤُ-ثْڒَاثِينْ-أَڒفْ ؤُ-خمْسَا-مْيَا ن يرْيَازنْ.

إِنَا ثُوغَا أَثنْ ذ أَرَّاونْ ن يُوسُوفْ، عْلَاحْسَابْ ڒَادْجَاثْ نْسنْ.

‏38 إِنَا ثُوغَا أَثنْ ذ إِحنْجِيرنْ ن بِينْيَامِينْ عْلَاحْسَابْ ڒَادْجَاثْ نْسنْ: زِي بِيلَاعْ إِقَارْسْ ڒَادْجْ ن إِبِيلَاعِييّنْ، زِي أَشْبِيلْ ڒَادْجْ ن إِشْبِيلِييّنْ، زِي أَحِيرَامْ ڒَادْجْ ن إِحِيرَامِييّنْ، ‏39 زِي شَافُوفَامْ ڒَادْجْ ن إِشَافُوفَامِييّنْ، زِي حُوفَامْ ڒَادْجْ ن إِحُوفَامِييّنْ.

‏40 إِنَا ثُوغَا أَثنْ ذ إِحنْجِيرنْ ن بَالَاعْ: أَرْذْ ذ نُوعْمَانْ. زِي أَرْذْ إِقَارْسْ ڒَادْجْ ن إِرْذِييّنْ، زِي نُوعْمَانْ ڒَادْجْ ن إِنُوعْمَانِييّنْ.

‏41 إِنَا ثُوغَا أَثنْ ذ إِحنْجِيرنْ ن بِينْيَامِينْ، عْلَاحْسَابْ ڒَادْجَاثْ نْسنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي خمْسَا ؤُ-ربْعِينْ-أَڒفْ ؤُ-ستَّا-مْيَا ن يرْيَازنْ.

‏42 إِنَا ثُوغَا أَثنْ ذ إِحنْجِيرنْ ن ذَانْ عْلَاحْسَابْ ڒَادْجَاثْ نْسنْ: زِي شُوحَامْ إِقَارْسْ ڒَادْجْ ن إِشُوحَامِييّنْ. ثِينَا ثُوغَا ذ ڒَادْجَاثْ ن ذَانْ، عْلَاحْسَابْ ڒَادْجَاثْ نْسنْ.

‏43 مَارَّا ڒَادْجَاثْ ن إِشُوحَامِييّنْ عْلَاحْسَابْ إِنِّي زَّايْسنْ إِتّْوَاحسْبنْ ثُوغَا أَثنْثْ ذِي أَربْعَا ؤُ-ستِّينْ-أَڒفْ ؤُ-أَربْعَا-مْيَا ن يرْيَازنْ.

‏44 إِنَا ثُوغَا أَثنْ ذ إِحنْجِيرنْ ن أَشِيرْ عْلَاحْسَابْ ڒَادْجَاثْ نْسنْ: زِي يِيمْنَا إِقَارْسْ ڒَادْجْ ن إِيِيمْنِييّنْ، زِي يِيشْوِي ڒَادْجْ ن إِيِيشْوِييّنْ، زِي بَارِيعَا ڒَادْجْ ن إِبَارِيعِييّنْ.

‏45 إِنَا ثُوغَا أَثنْ ذ إِحنْجِيرنْ ن بِيرِيعَا: زِي حَابِيرْ إِقَارْسْ ڒَادْجْ ن إِحَابَارِييّنْ، زِي مَالْكِييِيلْ ڒَادْجْ ن إِمَالْكِييِيلِييّنْ. ‏46 إِسمْ ن يدْجِيسْ ن أَشِيرْ ثُوغَا-ت ذ سَارَاحْ.

‏47 إِنَا ثُوغَا أَثنْ ذ إِحنْجِيرنْ ن أَشِيرْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي ثْڒَاثَا ؤُ-خمْسِينْ-أَڒفْ ؤُ-أَربْعَا-مْيَا ن يرْيَازنْ.

‏48 إِنَا ثُوغَا أَثنْ ذ إِحنْجِيرنْ ن نَافْثَالِي عْلَاحْسَابْ ڒَادْجَاثْ نْسنْ: زِي يَاحَاسْيِيلْ إِقَارْسْ ڒَادْجْ ن إِيَاحَاسِيلِييّنْ، زِي جُونِي ڒَادْجْ ن إِجُونِييّنْ، ‏49 زِي يَاصِيرْ ڒَادْجْ ن إِيَاصِيرِييّنْ، زِي شِيلِّيمْ ڒَادْجْ ن إِشِيلِّيمِييّنْ.

‏50 ثِينَا ثُوغَا أَثنْثْ ذ ڒَادْجَاثْ ن نَافْثَالِي، عْلَاحْسَابْ ڒَادْجَاثْ نْسنْ ؤُشَا إِنِّي زَّايْسنْ إِتّْوَاحسْبنْ ثُوغَا أَثنْ ذِي خمْسَا ؤُ-ربْعِينْ أَڒَافْ ؤُ-أَربْعَا-مْيَا ن يرْيَازنْ.

‏51 إِنَا ذ إِنِّي إِتّْوَاحسْبنْ زڭْ أَيْثْ ن إِسْرَائِيل: ستَّا-مْيَا ؤُ-وَاحِيثْ-أَڒفْ ؤُ-سبْعَا-مْيَا ؤُ-ثْڒَاثِينْ ن يرْيَازنْ.

‏52 إِسِّيوڒْ سِيذِي أَكْ-ذ مُوسَا، إِنَّا:

‏53 ”جَارْ إِنَا أَذْ ثتّْوَابْضَا ثمُّورْثْ ذ ڒْوَارْثْ، عْلَاحْسَابْ ڒْقدّْ ن إِسْمَاونْ نْسنْ. ‏54 إِ ونِّي ؤُمِي غَارْ إِدْجْ أَطَّاسْ ن إِوْذَانْ، أَذْ ثوْشذْ كْثَارْ ذ ڒْوَارْثْ ؤُشَا إِ ونِّي ؤُمِي غَارْ إِدْجْ ذْرُوسْ ن إِوْذَانْ، أَذْ ثوْشذْ قلّْ ذ ڒْوَارْثْ. كُوڒْ إِجّنْ عْلَاحْسَابْ إِنِّي إِتّْوَاحسْبنْ أَذْ أَسْ إِمّوْشْ ثَاسْغَارْثْ نّسْ.    ‏55 ثَامُّورْثْ أَذْ ثتّْوَابْضَا س ثْقدُّوحْثْ. نِيثْنِي أَذْ وَارْثنْ عْلَاحْسَابْ إِسْمَاونْ ن ثْقبَّاڒْ ن إِبَابَاثنْ نْسنْ.    ‏56 أَذْ ثتّْوَابْضَا ثسْغَارْثْ ن كُوڒْ إِجّْ س ثْقدُّوحْثْ جَارْ إِنِّي إِدْجَانْ س وَاطَّاسْ ذ إِنِّي إِدْجَانْ س ذْرُوسْ.

‏57 \bdit ثُوغَا-ثنْ\add* إِنَا ذ إِنِّي إِتّْوَاحسْبنْ زِي لَاوِي عْلَاحْسَابْ ڒَادْجَاثْ نْسنْ:\bd* زِي جَارْشُونْ ڒَادْجْ ن إِجَارْشُونِييّنْ، زِي قَاهَاثْ ڒَادْجْ ن إِقَاهَاثِييّنْ، زِي مَارَارِي ڒَادْجْ ن إِمَارَارِييّنْ.    ‏58 ثُوغَا ثِينَا ذ ڒَادْجَاثْ ن إِلَاوِييّنْ: ڒَادْجْ ن إِلِيبْنِييّنْ، ڒَادْجْ ن إِحِيبْرُونِييّنْ، ڒَادْجْ ن إِمَاهْلِييّنْ، ڒَادْجْ ن إِمُوشِييّنْ، ڒَادْجْ ن إِقُورَاحِييّنْ. ؤُشَا قَاهَاثْ يجّْ-د عَامْرَامْ. ‏59 ثَامْغَارْثْ ن عَامْرَامْ قَّارنْثْ أَسْ جُوكَابَاذْ، يدْجِي ن لَاوِي، ثنِّي د-إِتّْوَارْونْ إِ لَاوِي ذِي مِيصْرَا. ذ نتَّاثْ ثُورُووْ-د هَارُونْ ذ مُوسَا ذ مَارْيَامْ، ؤُتْشْمَاثْسنْ، إِ عَامْرَامْ.    ‏60 إِ هَارُونْ تّْوَارْونْ أَسْ-د نَاذَابْ ذ أَبِيهُو، أَلِيعَازَارْ ذ إِثَامَارْ. ‏61 مَاشَا نَاذَابْ ذ أَبِيهُو مُّوثنْ، ؤُمِي د-إِوْينْ ثِيمسِّي ثَاغْرِيبْثْ زَّاثْ إِ وُوذمْ ن سِيذِي.    ‏62 ثُوغَا إِنِّي زَّايْسنْ إِتّْوَاحسْبنْ، مَارَّا إِوثْمَانْ ن إِجّْ ن ؤُيُورْ سنّجْ، ذِي ثْڒَاثَا ؤُ-عِيشْرِينْ-أَڒفْ. إِنَا مَاشَا وَارْ تّْوَاحسْبنْ شَا جَارْ أَيْثْ ن إِسْرَائِيل، مِينْزِي وَارْ ذ أَسنْ ثمّوْشْ ثسْغَارْثْ ذ ڒْوَارْثْ جَارْ أَيْثْ ن إِسْرَائِيل.

‏63 إِنَا ثُوغَا أَثنْ ذ إِنِّي إِتّْوَاحسْبنْ س ؤُفُوسْ ن مُوسَا ذ أَلِيعَازَارْ، أَكهَّانْ. نِيثْنِي حسْبنْ أَيْثْ ن إِسْرَائِيل ذِي ڒوْضَاثْ ن مُوآبَ، غَارْ لْ'ؤُرْذُونْ أَرنْذَاذْ ن أَرِيحَا. ‏64 وَارْ ثُوغِي جَارْ أَسنْ ؤُڒَا ذ إِجّْ زڭْ إِنِّي إِتّْوَاحسْبنْ ن مُوسَا ذ هَارُونْ، أَكهَّانْ، ؤُمِي حسْبنْ نِيثْنِي أَيْثْ ن إِسْرَائِيل ذِي ڒخْڒَا ن سِينَا. ‏65 مِينْزِي خَاسنْ ثُوغَا إِنَّا سِيذِي أَذْ مّْثنْ س ثِيذتّْ ذِي ڒخْڒَا. وَارْ زَّايْسنْ إِقِّيمْ ؤُڒَا ذ إِجّْ، مْغِيرْ كَالِيبْ، مِّيسْ ن يَافُونِّي، ذ يَاشُووَا، مِّيسْ ن نُونْ.“