Injil Córif or Síyara
3 YOHÁNNA
Síyara tisára Yohánnar Foriso
E síyara 3 Yohánna óilde ekkán ceñṛí. Yián or lekóya óilde sáhabi Yohánna. Ceñṛí yián ore Isá Mosih zormo ói fonzaic ottu ek cót bosór or dormiyan ot leká gíyeh. Yohánna ye lekóya bouli foriso nó deh, bólke nize ezzon buzurgó hoiyé (1:1). Héndilla síyara 2 Yohánna 1 ot óu hoiyé de asé. Maincé biccác goré de, Yohánna ye síyara Yohánna re edde 1 Yohánna, 2 Yohánna, 3 Yohánna ceñṛí gún ore Ífisas cóor ot tákite leikké.
Yohánna ye e ceñṛí gán leikkíl de, Gayus nam or ek imandár or hañse. Yóggwa ye Gayus ore dustó ḍaikké, aar íba re nosíyot goijjé de, imandár báiyain zetará zaga-zaga tobolik or sofór gorér ítara re meémandari goittó.
Súrki ókkol
1. Ceñṛí gán or foriso (1:1)
2. Gayus or taarif gorá edde imandár báiyain dore meémandari goittó howá (1:2-8)
3. Diyutrifes or edde Demetriyus or baabute (1:9-12)
4. Ahéri hotá (1:13-14)