Injil Córif or Síyara
2 YOHÁNNA
Síyara dusára Yohánnar Foriso
E síyara 2 Yohánna óilde ekkán ceñṛí. Yián or lekóya óilde sáhabi Yohánna. Ceñṛí yián ore Isá Mosih zormo ói fonzaic ottu ek cót bosór or dormiyan ot leká gíyeh. Yohánna ye lekóya bouli foriso nó deh, bólke nize ezzon buzurgó hoiyé (1:1). E síyara 2 Yohánnar lekár mul hotá yó síyara Yohánnar mul hotá lói ek ḍoilla. Híyane dahá zah de, Isá ye ezzon ore ezzone muhábbot goríbar ze hókum diiyé híyan yóggwa ye tulídoijje. Yóggwa ye aró hoiyé de, Allar hókum mozin solon óilde muhábbot. (1:5-6); síyara Yohánna 15:9-10. Manúc ókkole biccác goré de, Yohánna ye síyara Yohánna re edde 1 Yohánna, 2 Yohánna, 3 Yohánna ceñṛí gún ore Ífisas cóor ot tákite leikké.
Yohánna ye e ceñṛí gán leikké de, Allar basíloiya mayafuar hañse edde híbar fuain dor hañse. Óitofare ítara eggwá zomát accíl. E ceñṛí gán lekón or moksót óilde, Isáyi zomát ore nosíyot gorí bolla edde gollot taalim-doya ókkol or baabute úñciyari dí bolla.
Súrki ókkol
1. Har hañse lekér de híyan or foriso edde zetarár hañse lekér ítara re sólam (1:1-3)
2. Zomát ore nosíyot gorá edde ebbe ḍoóñr hókum man yaad goráidiya (1:4-6)
3. Gollot taalim-doyar baabute úñciyari (1:7-11)
4. Yohánna asé de zomát or imandár ókkol or torfóttu sólam (1:12-13)