Ḅaruwa ya pfii ya Paulo kwa tsanganiko ḍya
WATESALONIKE
Ndwahiyo
Hii ni ḅaruwa ya pfii yorejweyo ni Paulo kwa Wakirist̯o weokuwa mudzi wa Tesalonike, wiwokuwa ḍyimbo ḍya Makedonia.
Paulo kaiḍabva hi hii ḅaruwa kwa kumuyaviza ḍuḍa Muungu kwamba, faro ya Watesalonike na matsako yao yagija kukuya muno (1:3). Ingawa hawa Wakirist̯o wekikunta d̯ina nyinji na nyinji, Paulo kawamba hiyo ndiyo njia ya Muungu ya kuzipima faro zao, na wala si adhaḅu (1:4-5).
Tesalonike kwiwa kunjia uvumi wa kwamba Ḅwana Yesu kesakuuja lumwenguni mweedha wa pfii (2:2). Hiḍi hiḍi dzambo ḍiwa ḍiwangiza chengeo Wakirist̯o wa Tesalonike. Kwa dzambo hiḍyo, wangine wao wayatsa kudzihendea kazi wadzilachie kantu, kwa kwamba wasikia kwamba Kirist̯o kakudzani si hat̯a kae. Paulo epfovipata maagu, kaworea hi hii ḅaruwa kuwakanya Watesalonike kwamba wadzit̯unze watseḍyuuriswa ni muntu yuḍejwonse. Kawamba, Ḅwana nkauje lumwenguni mumpaka huyu ‘muntu muzuka’ eyenamupfinga Muungu at̯upuke nguzi tswee (2:3-11). Kisa Kirist̯o kadzamushinda na amunange-nange. Makisa Paulo kawangiza mojo kwamba wagije kusumama faroni mwa Kirist̯o, koro Muungu kawatsana wapate kunjia maremboni mwakwe (2:13-17).
Na pia Paulo kawamba wadzit̯anye na Mukirist̯o yuḍejwonse asiyetsaka kuhenda kazi, na asiyetsaka kuyauḅa haya mayongweezo awapfiyeyo jeje (3:6-10).
Yeyo humu ḅaruwani kwa ufufi
Kedhya 1:1-2
Ḅwana akiuja kadzawahukumu wantu na njia ya hachi 1:3-12
Nsiku ya kuuja kwa Ḅwana ntaidzafika 2:1-12
Wani wantu wahikizika 2:13-17
Kuwayombea wasumwiiya wa chuuwo cha Muungu 3:1-5
Kula muntu ni kudzihendea kazi na mikonoye 3:6-15
Vyuuwo vya kwisia 3:16-18