प्रभु यीशु मसीहे
प्रतिनिधि के किओ कम
मत्ती, मरकुस, लूका त यूहन्ने लिखो खुश खबरी अन्तर असी हेरो असु कि प्रभु यीशु परमेश्वरे राज्ये बारे मेह्णु की की शिचालता त अपु बारे की की बोता। अपु जिन्दगी अन्तर यीशु मसीह कदी इस्राएल देश केआं बाहर नेओथ गो। तेन ज्यादा केआं ज्यादा सढ़े टाई साल सेवा की त धरती केआं घेई गा। तेस टेम यीशु अपु बाराह चेले शिचालो थिए, जे तसे क्रूस पुठ मरुण केआं पता डरो त दुखी थिए। केहि केहि त अपु पुराणे कम-काज अन्तर वापस घेई बि गो थिए। तपल ईं लगुण लगो थी कि शयद यीशु मसीह शिचालो बोक त कम, हमेशा हमेशा लिए धरती केआं खतम भोई घेन्ते। पर हेरे त, अब दुनिया अन्तर सोबी केआं ज्यादा मेह्णु यीशु मसीह मानते। ईं की भु कि धरती हर कना मेह्णु प्रभु यीशु मसीहे चेले बणण लगे, त अभेईं बि तसे सतसंग बधते गो असे?
चले, ई कताब पढ़ कइ पता लान्ते कि यीशु मसीह स्वर्ग घेण केआं पता तसे चेली जुए की की भु त कीं कइ यीशु मसीहे सतसंग बधण लगा। ई कताब रोमी राजे अधिकारी थियुफिलुस जे लूके वैदे लिखो थी, जेन पेहले प्रभु यीशु मसीहे जीवने बारे होरी यक कताब लिखो असी। इस कताब पढ़ कइ हेरे कि यीशु चेली जुए की की भुओ थिउ।
विषय सूची
यरुशलेम शेहर अन्तर प्रभु यीशु बारे उगाही देण (1:1—7:60)
यहूदिया त सामरिया राज्य अन्तर उगाही देण (8:1—12:25)
पूरे धरती अन्तर उगाही देण (13:1—28:31)