မ်ဟ 150

လွင် အိူပ် ဇဝ်ဖြာ

1 တဲး အေ အိူပ် ဇဝ်ဖြာ။ တဲး အေ အိူပ် ဇဝ်ဖြာ အီ ကွယ် ခဲင် ဟုဝ် အန်။ တဲး အေ အိူပ် အာဖုင် ဒင်ခုဝ် တာင် အန် ဇဝ် အီ ကွယ် ခဲင် ဂါင်ဟြာဝ်။

2 တဲး အေ အိူပ် ဇဝ်ဖြာ ကူပ် ပဲ့ ဟဲ့ ဘူင် ပွုန် အန် ဇဝ် ဒွန် မျုဝ်။ တဲး အေ အိူပ် ဇဝ်ဖြာ ကူပ် ဟဲ့ တာင် အန် လွှိုမ် တူတ့်။

3 တဲး အေ ဘုတ် ဝဝ်၊ အိူပ် အန် ဇဝ်။ တဲး အေ ဘး ဘော ဒိင် ဘော ဒိင် ဒီရဝ်၊ ဝီ အိူပ် ဇဝ်ဖြာ။

4 တဲး အေ ဂါ၊ က်ု ဘော ဂြိုင်။ တဲး အေ ဘး ဒိင် ဘဲန် မျုဝ် ဘဲန် မျုဝ်၊ ဘုတ် ဘော ဝဝ်၊ ဝီ အိူပ် ဇဝ်ဖြာ။

5 တဲး အေ စှုဝ်း စှဲန့် အီ ဟမ် ဒါခိုယ်၊ အိူပ် ဇဝ်ဖြာ။ တဲး အေ စှုဝ်း ဘော စှဲန့် အီ ဟမ် တာင်။

6 ခဲ့ ကွယ် မျုဝ် အီ မိုဝ်း ဖွိုမ် လုဝ် အိူပ် ဇဝ်ဖြာ။ တဲး အေ အိူပ် ဇဝ်ဖြာ ပါယ် တီ ဆေဆေ။