မ်ဟ 3

လွင် ဆာခိုဝ် ဆိန့်ဝး၊ တဲး ဇဝ်ဖြာ စွယ်

အာဒါဝိတ် တဝ်း မှုဝ် နီ ဒေါ တဝ် အန် ဒီ အာဘာဆာလူမ်။

1 အိုယ် မဲ ဇဝ်ဖြာ၊ ဂေ ရန်ဆူ အုဝ်၊ ဂေ ဟဲ့ ကိူန် ကာဆဝ်။ ဂေ ဘဲန် ဝီ ဘဲန် ဝီ ဆီ ကာဂုဝ်း ဒီ အုဝ်။

2 ဂေ ဘော ကာမွုန် လွင် အုဝ် တဝ်း၊ “ဇဝ်ဖြာ တူ ပွိုန် စွယ် တဲး အန် လွတ်။”

3 မာလဲ၊ မဲ ဇဝ်ဖြာ ဟဲ့ ရဲ ဟဲ့ ဂွင့် အုဝ်။ မဲ ဇဝ် ဟဲ့ ဒွါ အာဖုင် ဒင်ခုဝ် ဒီ အုဝ်၊ ကွဲ့ တဲး အုဝ် ယုဝ်။

4 အုဝ် ဟဲ့ မှာန့် ကာဆဝ် ဒီ ဇဝ်ဖြာ။ ဟဲ့ ဟွတ့်၊ အန် ဇဝ် အီ ကွယ် ဒီ နွန် ဘွတ်၊ အန် ဟဲ့ ထူမ် ဂြုဝ်း အုဝ်။

5 အုဝ် ဟဲ့ ပွိုန် ဒီ အိတ် ဆီချာ ကော ဇမ် ပန် ဒီ ဝီ န့ဆိုဝ်း အုဝ် ကူပ် ဟဲ့ ရဲ ဟဲ့ ဂွင့် ဇဝ်ဖြာ ဒီ အုဝ်။

6 ဂေ ရန်ဆူ အုဝ် အီ ကိူန် ဘဲန် မှိုန့် ဘဲန် ဆဲန်၊ ဂေ ဟဲ့ ကွယ် ရူပ် အုဝ်။ အုဝ် ယီ တူ ယုဝ် ဂေ။

7 အိုယ် မဲ ဇဝ်ဖြာ၊ အုဝ် မှာန့် တဲး မဲ ဇဝ် စွယ် အုဝ်၊ တဲး အုဝ် လွတ်။ မဲ ဇဝ် ဘော နပ် ဒီ ဘူင် ဒီ ရန်ဆူ အုဝ်၊ တဲး န့ ပီ မဲ ကာထ ကာလာ ဂေ၊ ဘက် ဝဲန် ဘော ဟြာင် ဂေ ဒူအီ မိူက် တီ။

8 မဲ ဇဝ်ဖြာ ဘော မုး ဇဝ်ဖြာ အီ နပ် ဒီ ချွတ် အီ။ မှာန့်၊ တဲး မဲ ဇဝ် မွင့်ကာရာ ဒွါ ဒီ ဒူအီ အာမျုဝ် မဲ ဒွန် အီ။