မ်ဟ 1

ပီ မှုဝ် ထမ်

ဘပ် လှေး

ခါန်

လွင် အီ ဘျုဝ် ဒါခိုယ်

1 အာဆေ တူ ထူမ် ဂြုဝ်း ဒူအီ နဝ်း မိူက်၊ အန် ဒီ ဘျုဝ် ဒါခိုယ်။ အန် တူ ဒူပ် အီ ဘူင် မှာပ်၊ တူ ကွယ် ရိုမ် ဒူပ် ဂေ အီ လာယ် ကာယွင့်။

2 အာဆေ ဆီ ဘျုဝ် ဒါခိုယ်၊ အန် အိုင် ဒီ ထူမ် ဂြုဝ်း ပီ ဒမ် ဇဝ်ဖြာ။ အန် ဒီ ကာဒွါ့ ကာဖာ ဂြုဝ်း ဇဝ်ဖြာ ဒွင် ဝန် ဒွင် ခိူန်။

3 အာဆေ ဘူင် ပါယ် တီ၊ အန် ပီ ဟေ ဘွတ် အီ ကွယ် ခူပ် ဘ့လဲင် အိုမ်။ ဟီ ဇမ် အာခါန် ဒီ ဘ့လေ အန်၊ ဟေ တီ ဝီ မိုဝ်း ဘ့လေ ကိူန်။ လှာ အန် အာဝ် ဟူ ဟျီ့ အာဝ် ကာဟဝ်း။ ပီ ဘူင် ဒူအီ တီ ဒွန် မျုဝ်၊ အန် ဒီ အွင်။ အန် ဒီ ပွိုန်၊ အန် ဟူ စှိုမ်။

4 အာဆေ ယီ မိုဝ်း နဝ်း မိူက်၊ အန် တူ ပီ ဒူအီ အီ ဒူပ် ဇဝ်ဖြာ။ အာဆေ တူ ညှိုမ် ဒူပ် ဇဝ်ဖြာ၊ အန် ပီ ဒျီပ် ငှုဝ်။ ခုန် ဒီ တး ဘုတ် အန် လေး ဟာဝ်၊ အာဝ် ဟူ မိုဝ်း။

5 ဆေ ဇဝ်ဖြာ ဘျာတ် ဒါရာ ဂေ၊ ဂေ ဒီ စှိုမ်။ ဂေ အီ မိုဝ်း မှာပ်၊ ဂေ တူ ပွိုန် ကွယ် ရိုမ် ဒူပ် ဒူအီ အီ မိုဝ်း နဝ်း ဆိူဝ် နဝ်း မှာန်။

6 ဇဝ်ဖြာ နပ် တူတ့် န့တေန့် ဒူင် ဝဝ့် ဂေ အီ မွှိုမ်။ ဂေ အီ တူ ဒူပ် န့တေန့် ဒါရာ ဇဝ်ဖြာ၊ ဂေ ဒီ စှိုမ် အာဆာက် ဂေ။