Aman sikoo
7
Hunkran nliinna Aman boya onah ahar nliinaknduoi Ester. 2 Kero boka daan pkem zonu opuguzan osi onah, nliinpot yeproo: Ester ahar nlin, ezi o kñauni nu? Wo phulo ka. Ie ujeun? Ŋanun o pho psoof plin, wo phulo un ominzun. 3 Ester ahar nliinseemb jak lo: Ze nji iin kñago zurun nlin, ze nliindigzani, a khulin phila ni; ol njou pñaun. Nlin sa burburun bopugi ni; Ol nji jeun. 4 Nji na bopugi ni ndo hapoo, bo jeu psok ndo antom pfiŋ ndo ptoom na ndo. Ze men ndo ika hapo injaka bojuuk, nji o pjou. Ze o molo, mbaza nliinkmindo un onsumi. 5 Nlin Asueru yep ahar lo Ester: Nonaa? Ña aminzan on zoon asi ujuunslo zui lo pdo unu, injaka ondai? 6 Ester jak lo: Nmbir ndo ambidoi, nan ndo ao ñiinz anhuzink weene aknduoi Aman. Ze ori ominzun Aman peŋ maakrin zurun nliinna ahar nlin. 7 Nlin nazo zonah ominzu osi pkeme, na oreu, pun zojardin osi palans. Aman nazo buŋ Ester ahar nliinzonkont phila lo, zonkont aiin jaa nliindeuzara pdo lo khuzina. 8 Zokakr nliinzojardin pneej zun onah, Aman o jeti duzu pzoori Ester zonpi. Nlin yeproo: Wai, ajeu muum ahar nliinzurun ni ze mezu ku ni? Kero nliintoom plado olado ominzun, boler Aman mnkil phya pfiŋ. 9 Arbona, ntihun aktihiunarunk nlin, jaa: Ze mez Aman okaa psiki ŋmetro 25 psi ahilampi plempr Mardokeu, ñiinz anladounk pburburun phila nlin. Nlin jaa: Nde sik naa ze pa. 10 Hunkran bosikdun Aman ze punu alempunk psikn Mardokeu. Ka oreu nliinbi yetoo.