Aman zuo pdeŋ Mardokeu
6
Zurim uminzuu nliinazi hilun pŋoinz. Hunkran ahildun pjek oliuri ojona one ontuntlaŋ osi plin lo boleir olo zurun lo. 2 Opiso za Mardokeu zuup zonkont botihun bopugz bonjai ka ieŋ plumun pieek psi nlin, bonhoki Bigta na Teres, bonjeuki pfiŋ nliinAsueru. 3 Nlin yeproo: Yee Mardokeu lukoun zonkont pña pminzpun? Bo poz bozala jak lo: Azi dolo un oloŋ. 4 Nlin yeproo: Nonzi o zunaam? Aman ba ze neej zunaam palans pjak nliinbaña ir psik Mardokeu ze psiki alempri lo. 5 Bopoz bozala jak lo: Aman kneejink zunaam. Nlin jak Aman neejun. 6 Kero Aman neeji, nliin nyeek yep lo: Yee hilun pdolo ze ña nliin nyeek jeui pzu ulujul? Aman zaaf ze mezu lo: Non nliinjeun pzu ulujul ampei nji? 7 Hunkran Aman sembdun nliinnieek: Ñinz nliinjeu pzu ulujul, 8 antom bobina yun nliin nyeek agzoi ptimo, bobamun onsumpliz nliinagzoi pdapo, bozu kdaŋu ze ween Mardokeu. 9 Yun itimo na onsumpliz io phulo ze kñen nyeek ampei phiekzo zurun nlin. Ñinz nliinjeui pzu ulujul bodapun lo onsumpliz phianzun lo ze kmbau. Nieek aminzun ajaka hurun zurun lo. Hunkran ou pdolo ze ñiinz nliinjeu pzu ulujul. 10 Nlin jak Aman: Mintun ujek yun itimo na onsumpliz, wya do ze mi ujakmi ze Mardokeu njudeu anjaun ka tihun ze plumun nlin. Ika hhutun un oloŋ ze irim uzuuz isi ujaki ampdolo. 11 Hunkran Aman berdun yun itimo, tiimun Mardokeu; zu lo duzu onsumpliz, ya na lo ze ŋrua kmbau ze zurun lo: Hunkran oun pdolo ze ñiinz nliinjeui pzu ulujul.12 Zotomr ŋun ŋminzŋi, Mardokeu kak plumun nlin, ka Aman ler weene, zii phya mez lo na kjozi khieek. 13 Azuup ahar lo Zeres, na boindu lo uzuuz , ŋun uzuuz ŋnzipŋi na lo. Bo zaŋ lo na ahar lo Zeres jak lo: Ze mi utepmunk pjet zurun Mardokeu, ao ninsi kiiñ ksi bojudeu uzo pka kpe duzu lo, ka wo bi pjet zurun lo.
14 Kero bohum kalado na lo, botihun nliinjaui, jek Aman osar-osar phian onah osi Ester bamni.