Ester 5

Ester Beunar nliinonah na Aman

Zonu oajzan Ester timo iunu isi ahar nlin, yah naz zun ze minzun ze mezu palans, zurun zanzu ku nlin. Nlin ika zoori, ze pzoori lo psi plin, ze ten zoneeji zanzu ku. 2 Kero ka nliiniin ahar lo Ester nazi zun zminzun ka lindar lo, solun lo plaŋra phuro abupunk ze kñene. Ester ñogi bup plaŋra pminzpun ze kdunslu. 3 Nlin iep Ester: "Nhari nji fundari, Ester yee ka zip na wi? Yee ujeun pñaun? Ŋan oto pho psoof plin ni wo phulo un ominzun." 4 Ester jaka: "Ze nliin nyeek digzan akbi hankri, na Aman zonah nji bamni nliinnieek." 5 Nlin jaa, nde duan Aman abi osar-osar, antom pdol un Ester jeui. Hunkran nliin nyeek na Aman boyadun onah Ester lempi. 6 Kero boka daan pkeme, nliinyep Ester: Yee woun pñaun? Wo phulo un ominzun. Yee ujeun? Wo pseha ŋanun oto pho psoof plin ni. 7 Ester Semb jaa: Un nji jeui pñaun oli: 8 Ze nji iin ŋjona zurun nliinnieek, ze nliindizan phulin un nji ñauni, alo na Aman bokbi faan zonah njoti oplemp. Antom ol nji sembun uiepro nliinnieek. 9 Aman pun zonu ominzun na mnlina, aliilni kero ka iin Mardokeu ze plumun phieek psi nlin, ze mi anunk pnazo ka azi modo yaa, ka deuzar Mardokeu makrin. 10 Ka abaap oreu lo ya mez, hilan pdu boindu lo na har lo Zeres, 11 Azuup baka khieek ksi mnira lo, na bowk bonsumki bosi akawki uz, na mi nliinzumi lo nieek, hul lo kfah duzu boyeek na botihun nlin. 12 Aman pot jaa: Ka ahar nlin, one Ester nji nkoni abeunarun onah adoli. Apot beunari nhia na nliinfaan. 13 Ze ŋun ŋminzŋi uzuuz , mbazi duko na mnlina ze mi nji jai ka iin Mardokeu njudeu un, ka zori ze plumun nlin. 14 Ahar lo Zeres na boindu lo uzuuz jak lo: Lempun psiki phalpi ŋmetro 25 oalr polo. Faan ol ujakun nliinahilan psik Mardokeu ze polo. Antom uneej na nliinzonah na mnlina. Aman digzan ozaŋu, hilan plemp psiki pminzpun.