Mardokeu ñaun Ester azinkun boko
4
Kero Mardokeu bi mee uzuuz un onzipi, apas iunu lo, timo ŋnlaku zuu ofoou ze weene, ka pun ze psoof kmbau, ze hurun maakrin na kjozi. 2 Ka jau ze plumun kmbau, zonkont ñantimoi olaku azi hilun phya pneej kmbau. 3 Zimbau uzuuz kana zun olado ominzun ladnozi, kmbau jaka gumplo, ojaka ka omindo oyeek ze psoof bojudeu. Bo bur na Uzi pam pde, huri, buuri; bonsumuki ze piinzz ze ŋnlaku ofoou.4 Kero bompili na botihun Ester zuuplo onkont Mardokeu, ahar nliinduko na omindo oyeek. Ka hilan iunu antom Mardokeu timo, antom apunun olaku. Azi seemb pte baka. 5 Ester du Ataka ntihun asi nliinzui antom atihunar ahar nliinka hil lo aya mee un oknzipi na Mardokeu, ka ezi kaa. 6 Ataka ya ze Mardokeu zun baña sumunzi ze kmbau zurun plumun nlin. 7 Mardokeu zuuplo uzuuz un oknzipi na lo, sa pot zuuplo prez Aman lukpi nliinpsi prat antom ptoom na bojudeu uzuuz . 8 Sapot hul lo karta uz kmpisoki, boleirki ze Susan, antom ptoom na bojudeu; jaklo: Jaŋu Ester ka ahar nliinuzup lo; uil lo uz aya lado na nliin, añaun lo aka kñago ksi bopugi. 9 Ataka kaki zuup Ester ŋun uzuuz ŋnsi Mardokeu lAdoŋi. 10 Ester hil ataka aya jak Mardokeu: 11 Botihun nliinuzuz, bopugi bosi ŋnsaak mee na ŋnjona jaa, ñiinz o ñaz aneeji zun nliinze mezu ojardin, ze azi duoo, oiimna o zo loŋ; ña aminzun aka pkez, men nliinoko psolun lo plaŋra lo phuru, antom burburun phila lo. Ozip ŋnu ŋtaaj ŋngajinz nsi njani pduo pneej zun nlin. 12 Kero Mardokeu zupoo nkuni Ester, 13 Ahul Ester nkuni kndaaki: Ika jaŋzan ukaa mburi ze mez nliinampempen bojudeu uzuuz , 14 Zuam plado ze krankanki, pzinku na mburi hilun biZojir oloŋ ze bojudeu, ka wi wo pkez na bowko liin aliinu. Nonzi mee? Ámen un injaka ondai zuun wi ka wo ahar nlin. 15 Ester hilan Mardokeu nkuni jak lo: 16 Yan zoñun bojudeu uzuuz bonhoki ze Susan, nde buur na Uzi zonkont ni pam pde na pdaan; ŋnu ŋgazinz na ŋrim ŋolo. Hunkran nji na bompili ni ndo pbuur na Uzi pam pde pam pdaan. Ka njo phya ze zun nliin, ŋanun onhani pho zoiimna. Njoto pkez, nji kez. 17 Hunkran Mardokeu yadun ya do ze mi Ester jak munk lo a do.