Aman hulo kfah ze plin
3
Kero ŋun ŋminzŋi toomi, nliinAsueru denŋ Aman, ninsi kiiñ Agag, paiun lo zolo injaka ña nekroi na nlin. 2 Botihun uzuuz bonhoki ze plumun phieek, ika jaka juuz, antom kŋup zurun Aman, zonkont nliini jak baña zonkonk lo. Ka Mardokeu azi jaka juuz ka azi ŋup zurun lo. 3 Botihun boloŋ bonhoki ze plumun nliiniep Mardokeu: Iezi kaa uzi ze do ŋun nliinjakŋi? 4 Zonu kzipi, bojaka lana yaa, ka yeel pte baka. Bozuup Aman antom pten men olado Mardokeu hilun phulo oguus, zonkont ajakunk boko a o njudeu. 5 Kero Aman ikran jaa Mardokeu azo pjuuz, ka azo pŋup zurun lo, adeuz makrin. 6 Kero ka bi mee baña bonhoki bopugi Mardokeu, ka behro pfiŋ lo nkolo, ber mnsi ai pfiŋ bopugi Mardokeu uzuuz , bonhoki ze plin Asueru uzuuz oi bojudeu.Bojeu pfiŋ bojudeu
7 Ze ŋnlur ŋndisiñene na ŋnlur ŋmpuguz ze plin Asueru ze pli ptepi, oi pli psi Nisan, bo do phienk antom pdat onu na pli psi boi plemp un bojewi, konejo jet ze pli pndisiñene na pli puguzan, onhoi pli psi Adar. 8 Aman jak nliinAsueru: Okaa bopugi bonhoki ze psoof ŋnrasa ŋhoŋi ze plin un uzuuz . Botaslori; ba kaa ŋiimna ŋmpazŋi na ŋnsi baña uzuuz . Bozi digzan pdo ŋun nliin nyeek jakŋi. Zonkont un ominzun bozi hilun pduko na phila. 9 Ze nliindigzani oiimna oloŋo kpiso antom pfiŋ boko uzuuz , njo pzu ŋntonolada 340 ŋnsi onsaam praat ze knjiu ksi nliinze boiinz boi pdol utihun uminzun. 10 Hunkran nliinpunudun kmiun lo ksi karimbu ze pkoñ lo hul Aman, awk Amedata, ninsi kiiñ Agag, nmbir bojudeu, 11 Ka nliinjak lo: Dukon nonsaam un osi praat ka bopugi bondawki nji zu baka ziñen nu: Dolun baka ze mi ujeumi.
Nlin digzan bojudeu fiŋo uzuuz
12 Ze ŋnu ŋndisiñene na ŋnu ŋgajinz ze pli pseke ka du bopis nliinnieek. Ka bopis ŋun Aman jaki botihun bosi nliinnieek, bomitran na boyeek bopugi, ze ŋnjir ŋnsaak, ze mi bojai ka pis, ze bopugi ze mi bo jai kalado. Bo pisi ze ktiim Asueru zu karimbu ksi nliinnieek. 13 Ikarta hil o ze iñene bo zuup inkuni ze ŋnsaak uzuuz ŋnsi nlin, antom pzuup olado nliinjaki osi psok, pfiŋ bojudeu uzuuz , ptep ze bozala, bomplili, boiinz, bohaz, boyeek ampkint pjau ze bopoz, zonu oloŋ oi 13 ze pli pndisiñene na pli puguzan psi Adar. Antom bojek ŋun bokaŋi uzuuz . 14 Karta kloŋ ko pzuupo injaka oiimna, ze kmbau; korasa ka pseh kme zonkont kolo antom pkaa kme kolo antom pbamno onu ominzun. 15 Hunkran bozuup nkuni ksi nliinyadun osar-osar, ze mi nliinjak mi boko. Oiimna ominzun zupoo ze kmbau klinski ksi Susan. Nlin na Aman bozori, ze daan kero kmbau Susan gumplo.a