Bopenen Uzi bombiki ze Jerusalen
12
Itiim bopenen Uzi na bolevita bonkak ki na Zorobabel, awk Seatiel, na Jesua uz : Seraias, Jeremias, Esdras, 2 Amarias, Maluki, Atus, 3 Sekanias, Reun, Meremoti, 4 Idu, Jineton, Abias, 5 Miamin, Maadias, Bilga, 6 Semaias, Joiaribi, Jedaias, 7 Salu, Amoki, Ilkias na Jedaias. Boiinz uki bo oko boyeek bopenen na pzaro boko zokil Jesua.8 Bolevita bo ika oo: Jesua, Binui, Kadmiel, Serebias, Juda na Matanias; boko na pzaro boko boknzonkunk iiz isi pzah Uzi. 9 Bakebukias, Uni, na pzaro boko, bo ka naz zurun zutihun. 10 Jesua buk Joiakin, Joiakin buk Eliasibi, Eliasibi buk Joiada, 11 Joiada buk Jonatas, Jonatas buk Jadua.
12 Zokil Joiakin, boyeek pliin psi bopenen Uzi bo ika o bosi kiiñ ksi: Seraias, Meraias; bosi; Jeremias, Ananias; 13 bosi: Esdras, Mesulan; bosi: Amarias, Joanan; 14 bosi: Meliku, Jonatas; bosi: Sekanias, José; 15 bosi: Arin, Adna; bosi: Meraioti, Elkai; 16 bosi: Idu, Zakarias; bosi: Jineton, Mesulan; 17 bosi: Abias, Zikri; bosi: Miniamin na bosi: Moadias, Piltal; 18 bosi: Bilga, Samua; bosi: Semaias, Jonatas; 19 bosi: Joiaribi, Matenai; bosi: Jedaias, Uzzi; 20 bosi Salai, Kalai; bosi Amok, Eber; 21 bosi: Ilkias, Asabias; bosi: Jedaias, Netanel.
22 Itiim isi boyeek pliin bolevita na bopenen Uzi zokil Eliasibi, Joiada, Joanan, na Jadua bo jawo zokil Dariu nliinnieek ninsi Persia hili lioo. 23 Bouk bolevita bompisoki bonhoki boyeek bosi pliin boko zoliuri osi ontuntlaŋ osi plin, ankint jau hankri zokil osi Joanan, awk Eliasibi. 24 Boyeek bolevita: Asabias, Serebias na Jesua, awk Kadmiel; bolevita boloŋo bo ka naz zurun boko, antom pzah Uzi, antom jak wolo iota; knzoŋ kloŋo ka seemb boko na iiz ze mi ñiinz Uzi Davidi jak mi. 25 Matanias, Bakebukias, Obadias, Mesulan, Talmon na Akubi bo ika o boieŋ ilumun bo ka baap injiu isi ku Uzi. 26 Boiinz uki bo hil tihun zokil Joiakin, awk Jesua, awk Jozadaki, zokil ominzun uz Neemias nmitran nyeek na nmpenen Uzi Esdras, ninjukjukun oiimna.
Piimnan omur
27 Piimnan omur osi Jerusalen antom pzu mnjona duzu olo, baña boya ber bolevita ze zun bo oonzi uzuuz , bo bina baka antom bo bi zinkun boko piimnan omur antom pzu mnjona duzu olo, na mnlina, antom bozah Uzi na iiz, isalteriu, isimbalu na iarpa. 28 Bokoulani na boieh na bonhoki zun ze liŋorzi ze kwaŋ Jerusalen na bonhoki ze ŋntank ŋnsi bonetofalita, 29 na bosi Beti-Jilgal uz, bosi ojir osi Jeba na Azmaveti; zonkont boieh hil lemp ŋntanka ze kwaŋ Jerusalen. 30 Bopenen Uzi na bolevita, bodo wojun usi pjinz-jinzun ieen boko isi baña, ilumun na omur uz.
31 Ka nji zu boyeek boloŋo bosi Juda antom bo paio duzu omur; nji ber inzoŋ ipuguz ieek isi boieh antom bozah Uzi. Phianz ojir orei duzu omur, zojir plumun pieek psi mulur. 32 Osaias na psoof boyeek bosi Judá, bo ya ze kfez knzoŋ boieh. 33 na Azarias, Esdras, Mesulan, 34 Judá, Benjamiŋ, Semaias na Jeremias; 35 bowk bopenen Uzi, bo yana ikornet: Zakarias, awk Jonatas, awk Semaias, awk Matanias, awk Mikaias, awk Zakur, bo zesi kiiñ ksi Asafi. 36 Na pzaro boko, Semaias, Azarel, Milalai, Jilalai, Maai, Netanel, Juda na Anani, na izij isi oieh injaka isi Davidi, ñiinz Uzi. Ninjujukun oiimna, Esdras, ya zurun boko. 37 Ze buum psi plumun plik, bo paio zorir osi kmbau ksi Davidi, duzu omur, boyaa zip duzu ku Davidi anjau ze plumun psi mnzup, zojir pmair onu. 38 Knzoŋ kpugzan khia zojir omai; ya ze kfez boko, duzu omur, na psoof baña, ptep ze zun ze znhalzi ba linsi ze zesi onfurnu ampjau omur onhani; 39 ndo zip plumun psi Efrain, plumun pieek pnzafpi, plumun pieek psi orik, zun ze znhalzi ba linsi ze zesi Meá na plumun pieek psi ŋnsaam; ndo ya naz ze plumun pieek psi boieŋ. 40 Hunkran, inzoŋ ipuguz yun isi pzah Uzi yadun antom seh kfah boko ze ku Uzi; na nji uz ze psoof bomitran. 41 Na bopenen Uzi Eliakin, Maaseias, Miniamin, Mikaias, Elioenai, Zakarias na Ananias, bo hili kaa kornet, 42 injaka uz Maaseias, Semaias, Eleazar, Uzzia , Joanan, Malkias, Elan na Ezer. Jezraias azoŋ knzoŋ ksi oieh, knhiehki makrin. 43 Zonu ominzun bo dol wojun ŋnsaam ŋnsumŋi, ka bo duko liilni, zonkont Uzi hul baka mnlina mieek; bohaz na bopoz boduko liilni, irim isi mnlina ze Jerusalen iteoo un onloi.
Utihun usi bopenen Uzi na bolevita
44 Zonu ominzun boiinz boloŋ bo hulo pkuŋ psi ku ksi knjiu zun bo kbanzi ŋun ŋhaloŋi, na isepru iseke injaroi, na uias undisiñene. Bo ka pzu za ŋun ŋhaloŋi, ŋmbiŋi ze ŋmponta, na iuaŋ imbau, ze mi un oiimna jaki, antom phul bopenen Uzi na bolevita, zonkont baña bosi Juda bo ika lindar bopenen Uzi na bolevita bo hili tihun zolo. 45 Wojun Boka do utihun Uzi, na wojun usi pjinz-jinzun. Boieh na boieŋ ilumun boka do utihun ze mi Davidi jak mi na awk lo Salomoŋ. 46 Zonkont okil ojona osi Davidi na Asafi, o hil o kaa, ña aknzoŋi boieh kero boka ieh antom pzah, na plindar Uzi. 47 Hunkranda, zokil Zorobabel na osi Neemias, baña Israel uzuuz boka hul boieh na boieŋ ilumun ŋun ŋhaloŋi antom bo hilun pka un bofiri zonu; boka hul uz ŋun ŋhaloŋi ba iimni ze bolevita; bolevita boka hul ojir odisiñene zodisiñe ze ŋun ŋhaloŋi ze kiiñ Aroŋ bonhoki bopenen Uzi.