Neemias 11

Baña bonhiaki o ze Jerusalen

Boyeek baña bonhoki ze Jerusalen, ka baña bonduklokunk bodat baña zonejo antom punun ña aloŋ zondisiñene antom punun ña boyaa o ze kmbau. Kiimna ksi Jerusalen; ze baña kñenkloŋ bonduklokunk bo o zimbau iloŋo. 2 Baña zah boiinz bonhiaki o ze Jerusalen ze kiut boko.

3 Baña uki bowkun boyeek bosi ojir osi Juda bonhoki ze Jerusalen; zimbau isi Juda bo o ña khia zosaak lo, zimbau boko, iohi ze Israel, bopenen Uzi, bolevita, botihun ze ku Uzi na kiiñ botihun bosi Salomoŋ. 4 Baña boloŋ bosi Israel, na bopenen Uzi bolevita, botihun ze ku Uzi na kiiñ ksi botihun Salomoŋ bo hil o zimbau iloŋ isi Judá, kana ña khia zozee lo. Bouk Juda boloŋ na bowk Bejamin bo hil o ze Jerusalen. Itiim indai o isi boyeek ojir osaak bonhiaki ya o ze Jerusalen kiiñ ksi Judá: Aataias, awk Uzias, awk Zakarias awk Amarias, awk Sefatias, awk Maalalel bosi kiiñ ksi Perez; 5 na Maaseias, awk Baruki, awk Kol-Ozi, awk Azaias, awk Adaias, awk Joiaribi, awk Zakarias, bosi kiiñ ksi Sela. 6 Kiiñ ksi Perez uzuuz bonhoki ze Jerusalen bo o 468 boiinz bosi kziu.

7 Baña bondaaki bo oko bosi kiiñ ksi Benjamiŋ: Salu, awk Mesulan, awk Joed, awk Pedaias, awk Kolaias, awk Maaseias, awk Itiel, awk Jesaias. 8 Gabai na Salai uz, boko uzuuz bo o 928. 9 Joel, awk Zikri, a ika o ween boko; Judá, awk Senua, a ika o ña nyeek nmpugzan ze kmbau. 10 Boyeek bopenen Uzi: Jedaias, awk Joiaribi, Jakin, 11 Seraias, awk Ilkias, awk Mesulan, awk Zadok, awk Meraioti, awk Aitubi, nyeek ninsi ku Uzi, 12 bo ika o ze pzaro boko, bo hil aka tihun ze ku Uzi boiinz 822. Adaias, awk Jeroan, awk Pelalias, awk Anzi, awk Zakarias, awk Pasur, awk Malkias, 13 na pzaro boko, bo ika o ween usi kmboot boko boiinz 242. Amasai, awk Azarel, awk Azai, awk Mesilemoti, awk Imer, 14 na pzaro boko, boiinz bosi kziu 128. Zabdiel, awk Jedolin, bo ika o ween boko.

15 Bolevita: Semaias, awk Asubi, awk Azrikan, awk Asabias, awk Buni. 16 Sabetai na Jozabadi, bo io boyeek bolevita, duzu utihun bani pho ze ku Uzi. 17 Matanias, awk Mika, awk Zabdi, awk Asafi, a ika o nyeek knzoŋ kai ktep pzah Uzi na ibuur. Bakebukias aka kfah kpuguzan. Abda, awk Samua, awk Galal, awk Jedhutun. 18 Bolevita uzuuz ze kmbau kiimna bo o 284.

19 Boieŋ ilumun ku ksi Uzi: Akubi, Talmon na pzaro boko bo njai ka ieŋ ilumun bo o 172.

Bonhoki zimbau Judá

20 Bondukloki ze Israel, ze bopenen Uzi, na bolevita, bo o kana ña ze piij lo zimbau uzuuz isi Judá. 21 Botihun ze ku Uzi bo hil o ze Ofel; Zia na Jispa bo hilun kaa onkont boko. 22 Ña nkai pkuŋ psi bolevita ze Jerusalen a ika o Uzzi, awk Bani, awk Asabias, awk Matanias, awk Mika. Uzzi a do klika ksi kiiñ ksi Asafi, a ika o ze kiiñ ksi boieh ze ku Uzi. 23 O ika kaa prim psi nliinilampi zonkont boko, phai boko ze inzoŋ. Ze knzoŋ khil kaa utihun zonu kolo osi kzuoi. 24 Petaias, awk Mesezabel, ze kiiñ ksi Zerá, awk Judá, a ka yana ŋun uzuuz ŋnsi baña kaŋi zurun nliinnieek ninsi Persia.

Bonhoki ze ŋntank boko

25 Baña boloŋ bo zesi Judá, bo hil o ze Kiriat-Arba, ze Dibon na Jekabzeel, na ŋntank boko ze kwaŋ, 26 Bo sa o uz ze Jesua, Molada, Beti-Palet, 27 Azar-Sual, ze Berseba, na ŋntank ze kwaŋ; 28 injaka ze Ziklag uz, Mekona na ŋntank ze kwaŋ, 29 ze En-Rimon, Zorá, ze Jarmut; 30 ze Zanoa, ze Adulan, na ŋntank boko; ze Lakís na isaal boko isi kjar ze kwaŋ, Azeka na ŋntank olo ze kwaŋ. Hunkran, baña bosi Juda odun ptep ze Berseba anjau zunjir usi Inon. 31 Baña bosi kiiñ ksi Benjamiŋ bo sa ika o zojir osi duzu ze Jeba, zurun Mikmás, Aija, Betel, na ŋntank ze kwaŋ, 32 ze Anatot, Nob, Anania, 33 Azor, Ramá, Jitain, 34 Adidi, Zeboin, Nebalat, 35 Lodi na Onu, zunjir usi bo tihun ŋnsantu. 36 Inzoŋ iloŋ isi bolevita bo hili o ze Juda boya o zosaak osi Benjamiŋ.