<<    <     Neemias     3     >    >> 
Bolemp omur
3
Nieek bopenen Uzi aknduoi Eliasibi na boza bopenen Uzi bo nazoon lemp plumun pieek psi ŋmpalalu, bozu ilumun ŋmpalalu ze zun iolo. Bo zañi ze lemp ilumun an kint jau zun ze znhalzi ba linsi ze zesi Meá na ze zesi Ananel; bo soond ilumun iminziun uzuuz zurun Uzi. 2 Ze kwaŋ Eliasibi boiinz bosi Jerikó lemp ojir boko. Antom ka Zakur, awk Inri sa lemp ojir lo.
3 Bouk Asená bolemp plumun pieek psi ŋrik bozu ilumun polo zuz, ŋoplo ŋnignin na irarm ieek. 4 Ze kwaŋ boko Meremoti, awk Urias awk koz bolemp ojir boko. Mesulan awk Berekias, awk Mesezabel, alemp plumun lo pieek ze kwaŋ lo. Ka zadoki awk Baaná lemp ojir lo. 5 Ze kwaŋ lo boiinz bosi Tekoa bo lemp ojir boko, bomitra boko ieel plemp utihun usi boyeek utihun huli boko.
6 Jeoiada, awk Paseia, na Mesulan, awk Boesodeia, bo lemp plumun pieek pnzafpi bo zuupa mndera bo zu ilumun polo uzuuz na ŋoplo ŋnignin na ijonki. 7 Ze kwaŋ boko Melatias ninsi Jibeon na Adon ninsi Meromoti, uzuuz na boiinz Jibeon na bosi Mizpá bolemp ojir boiinz bosi Jibeon na boiinz bosi Mispa boko bo o zeu Nmitran ninsi ojirun krik ksi Eufrate. 8 Ka Uziel awk Araias an oi ze bo ialan ŋnsumbu alemp ojir lo. Ze kwaŋ lo Ananias awk nlemp owarser alemp osi lo; bo lins-linsun omur osi Jerusalen an kint jau zomur onhani. 9 Ka Refaias awk Ur, nmitran ze psoof Jerusalen alemp ojir lo. 10 Ze kwaŋ lo Jedaias, awk Arumafi, alemp omur zurun ku lo. Ka Atus awk Asabneias lemp ojir lo. 11 Malkias, awk Arin, na Asubi, awk Paat-Moab, bo lemp ojir oloŋ, na zun ze linsi ze zesi Ŋnfurnu. 12 Ze kwaŋ boko Salun awk Aloés, nmitran psoof zojir oloŋ ze Jerusalen, alemp ojir lo; bowk lo bohaz bozinkun lo.
13 Anun na bonhoki ze Zanoa bo lemp plumun pieek psi knjuŋ-juŋ, bo zu ilumun polo na ŋoplo ŋnignin na ijonki bo sa lemp uz ŋmetru 450 ŋnsi omur ankint jua ze plumun psi mulur.
14 Malkias, awk nmitran zojir osaak osi Beti-Akeren, alemp plumun psi mulur, azu ilumun ze zun yolo na ŋoplo ŋnignin na ijonki.
15 Salun, awk Kol-Ozi, nmitran zojir osaak osi Mizpá alemp plumun pieek psi plik azu knsondo duzu pholo, azu ilumun na ŋoplo na ijonki ze zun iolo. Asa lemp uz omur osi zun ze lami ze Sela, ze kwaŋ ojardin osi nliinanjau ze zun ze ietnoi ze kmbau ksi Davidi. 16 Ka Neemias awk Azbuki, nmitran ze psoof zojir osaak osi Beti-Zur, alemp anjau zurun ongune Davidi na baña lo, anjau zun ze lami ze zesi bo lempzi na ku ksi boieŋ. 17 Ze kwaŋ lo bolevita bolemp omur boko ze zun Reun awk Bani. Asabias, nmitran ze psoof ojir osi Keila alemp ojir lo. 18 Ka pzaro lo lemp ojir boko, zeu Bavai, awk Enadadi nmitran ze psoof ojir osi Keila. 19 Ze kwaŋ lo Ezer, awk Jesua, nmitran ninsi Mizpá lemp ojir oloŋ zurun opainoi phya ku ksi iŋani anjau ze kjok. 20 Ka Baruki awk Jabai tihun na ujuunslo uzuuz , alemp ojir oloŋ, ptep ze kjok an kint jau ze plumun ku ksi Eliasibi, nyeek bopenen Uzi. 21 Ze kwaŋ lo Meremoti, awk Urias, Urias awk Koz lemp ojir opugzan, ptep ze plumun psi ku ksi Eliasibi anjau ze ptoomi kolo. 22 Antom ka bopenen Uzi bo hili o ze kwaŋ Jerusalen sa lemp ojir boko. 23 Benjamiŋ na Asubi bo lemp omur zurun iku boko, kero bo toomi ka Azarias awk Maaseias, awk Ananias sa lemp omur lo ze kwaŋ ku lo. 24 Ze kwaŋ Azarias, Binui, awk Enadadi, lemp ojir lo ptep ze ku ksi Azarias, anjau ze mhuglar na kjok. 25 Palal, awk Uzai, lemp zurun kjok na urun zun ze znhalzi ba linszi ze mpunzi ze ku kminzkun ksi nliinkhoki duzu ze kwaŋ unaam usi kalauz. Ka Pedaias awk Parós, 26 bolemp ku kyeek ksi Uzi bo hili o ze Ofel, bo lemp anjau zurun plumun phieek psi mnzup, zojir pmair onu anjau zurun zun ze znhalzi ba linsi. 27 Ka boiinz Tekoa lemp ojir opugzan zurun zun ze linsi ba kañi ze mpunzi ankint jau zomur osi Ofel.
28 Bopenen Uzi boloŋ lemp ptep ze plumun phieek psi ŋnsumpliz, kana ña klemp zurun ku lo. 29 Zurun boko Zadoki awk Imer, lemp omur zurun ku lo. Ka Semaias awk Sekanias, nieŋ plumun psi pmair onu alemp ojir lo. 30 Ka Ananias awk Selemias, na Anun awk Zalafi nmpaajun, bolemp ojir boko. Ze kwaŋ boko Mesulan, awk Berekias, lemp zurun zun ak furunzi. 31 Antom ka Malkias, awk ñiinz nyalan ŋnsumbu a lemp anjau ze ku ksi bolemp ku kyeek ksi Uzi, na bo haapŋun, zurun plumun psi nieŋ, anjau ze kjok zun ze furi. 32 Bo yalan ŋnsumbu na bo haapa, bo lemp ojir boko ptep ze kjok zun ze furi ampjau ze plumun pieek psi ŋmpalalu.