Itiim baña bonsolki na Esdras
8
Itiim indai oko isi boyeek kmbot, na bompisouki na boko, bompunki ze Babilonia na nji ze okil Artaserksis hili lioo: 2 Jerson, ninsi kiiñ Fineias; Daŋiel ninsi kiiñ Itamar; Atus ninsi kiiñ Davidi. 3 Ninsi bowkoliin Sakonias; Zakarias ninsi kiiñ Parós, na boiinz 150 bon hili piso itiim na lo; 4 Elionai, bowk Zeraias, ninsi kiiñ ksi Paat-Moabi, na boiinz 200; 5 Sekanias, awk Jaaziel, ninsi kiiñ ksi Zatu, na boiinz 300; 6 Ebedi, awk Jonatas, ninsi kiiñ ksi Adin, na boiinz 50; 7 Jesaias, awk Atalias, ninsi kiiñ ksi Elan, na boiinz 70; 8 Zebadias, awk Mikael, ninsi kiiñ Sefatias, na boiinz 80; 9 Obadias, awk Jeiel, ninsi kiiñ ksi Joabi, na boiinz 218; 10 Selomiti, awk Josifias, ninsi kiiñ ksi Bani, na boiinz 160; 11 Zakarias, awk Bebai, ninsi kiiñ ksi Bebai, na boiinz 28; 12 Joanan, awk Akatan, ninsi kiiñ ksi Asgadi, na boiinz 110; 13 Elifeleti, Jeuel na Senaias, one nmbalan Adonikan, na boiinz 60; 14 Utai na Zabudis; ninsi kiiñ ksi Bigvai, na boiinz 70.Esdras ber bolevita
15 Nji koulan baka ze kwaŋ krik knhiaki ze Aava; ndo zoñnor ŋnu ŋgajinz da. Nji ten baña na mnjona na bopenen Uzi; mbazi iin za nlevita aloŋ. 16 Hunkr nji dudun boyeek boloŋ: Eliezer, Ariel, Semaias, Elnatan, Jaribi, Elnan, Natan, Zakarias, Mesulan, Joiaribi uz na Elnatan one boiinz bonlipki. 17 Nji hil baka ze Idu, nyeek ninsi Kasifia, nji zu olado ze mntum boko antom bo jak Idu na pzaro boko, bon hili ze tihun ze ku Uzi, antom bo hilan nja baña bosi utihun ze ku Uzi. 18 Ze mi mnjona na philun Uzi hili o duzu nja, bo hilan nja Serebias, ñiinz aloŋ an kai kme, awk aliin Mali, awk Levi, awk Israel, bowk uzuuz na baza, bo hili o boiinz 18. 19 Ka bo hilan ndo Asabias, uz na Jesaias ninsi awk aliin Merari, na pzaro lo na boywmi, bonhoki boiinz 20. 20 Na botihun 220 ze ku Uzi, bopiso itiim boko uzuuz . (Nlin Davidi na boyeek lo bomberki botihun ku Uzi, bozu boko antom bozinkun botihun Uzi zutihun boko.
Ibuur na pham pde
21 Ze, kwan krik Aava, nji hul prim antom nja amp de, nja yol yeene zurun Uzi nja, antom nja hilun pñaun wolo uyas bi na mnjona ze nja, ze bowk nja, na ŋun uzuuz ŋnsi njai psona. 22 Nji molo pñaun nliinahuli boghutun na bozinzin ŋnsumpliz antom bozoknar nja zonkont bobido na nja ze book, zonkont njanko jak nliinkñen Uzi ak kzinku bomberki wolo uzuuz , ma ofoz wolo na oreu wolo o duzu bon hhutunkunk wolo. 23 Hunkra ndo dukodun ampde, ñaun Uzi nja antom bo hul nja paat pnuropi; uzuun seemb ibuur nja.
Wojun unhalobi usi ku Uzi
24 Nji dat bopenen bondisiñene na bopenen Bopugz bosi Uzi: Serebias, Azabias, na baña bondisiñene ze pzaro boko. 25 Nji hul baka praata, mhuru, injuju isi nlin, bozaŋ lo, boyeek lo na baña uzuuz bosi Israel bon hili o zolo, hili huli injaka wojun unturobi usi ku ksi Uzi nja. 26 Nji jaau ŋun ŋminzŋun kero nji hul ŋolo. Ŋil kaa, nkilu nkunt 22 ŋnsi praata, injuju isi praata injaaui nkilu 3,4 na nkilu nkunt 3,4 ŋnsi mhuru. 27 Itisel ŋntaaj Bopugz isi mhuru injaaui nkilu 8,5 na injuju Bopugz isi iferu inurohi injai ka jiil, inkai ulur mhuru. 28 Nji jak boko: "Ndeko baña bon imunki ze NYEEK, injaka injuju indai uz, iraat indai na mhuru, wojun usi baña ulki na ijuuns injinzii ze NYEEK, Uzi boliinde. 29 Nde baapna na mnjona ande jaau ma zurun boyeek bopenen Uzi na botihun Uzi na boyeek kembot baña Israel na Jerusalen, na injiu ku Uzi. 30 Ze minzmi nmpenen Uzi andau na ntihun Uzi bosi praata penjauopi; na mhuru na injuju, amtom boyana boko ze ku Uzi ze Jerusalen.
Paat ze Jerusalen
31 Ze ŋnu ŋndisiñene na ŋnu Bopugz ŋnsi pli pseke ndo pun zun zminzun ze kwaŋ krik Aava phya ze Jerusalen. Kñen Uzi nja hil o duzu nja, lipr nja ze kñene bobido na nja, na bok kmbusarki nja ze book. 32 Ndo jau ze Jerusalen, ioŋ zolo ŋnu ngajinz. 33 Zonu owakna, ze ku Uzi nja, Meremoti, awk nmpenen Uzi aknduoi Urias, jaau praata pminzpun, mhuru na injuju, Eleazar, awk Fineias, hil ona ya, nlevita Jozabadi, awk Jesua, na Noadias, awk Binui. 34 Ka bo kuuŋun, jaau ŋolo uzuuz ; zuyas uminzun nkilu ŋminzŋun pisoo
35 Bompunki ze pjuuk antom kaki bo tur wojun usi Uzi usi Israel: Ŋit nkal 12 ŋnsi Israel uzuuz , ŋmpalalu nkal 96, na ŋuk ŋmpalalu 77, ŋmpi nkal 12 injaka wojun usi pjwa. Ŋolo uzuuz ŋnturoo ze NYEEK. 36 Bo hul olado nliinze ntihun nliinna bomitran bosi ojirun-Eufrates. boko bo tep pzinkun baña na ku Uzi.