Sansan ze Gaza
16
Onu olon Sansan ya ze Gaza, ka iinñaaznehap oleef, ka ya fur na lo. 2 Baña Gaza bi te Sansan oza; Ka bo ya kund zun ze minzun, ka bo zu boieŋ ze plumun pieek psi kmbau zurim uminzun. Ka bo iŋnoo zurim umizun uzuuz , ka bo jaa: Nja phioŋa an onu kint odailo pjinz; antom nja fiŋ lo. 3 Ka Sansan piinz anjau ze psoof ujuŋ, ka deŋo, dut plumun pieek psi kmbau, na irarm, ijaj ipuguz isi iferu na ijonki polo uzuuz , ka lap polo zisak, an kint jau duzu onkuŋ ooi zurun Ebron.Sansan na Dalila
4 Kero ŋun ŋminzŋi, zipi, ka bi jeuñaazaloŋ anduoi Dalila, an oi ze psoof onkuŋ osi Soreki. 5 Ka bo huli bofilisteu ya ze Dalila jak lo: Buŋ na antom uzuun ten men wo pme zun philun lo oonzi, antom nja hilun bup lo, nja tan lo, nja ka kpe duzu lo. Ndo phulu aloŋ, aloŋ ze ndo onkunt na osent oloŋ osi onsaam prat. 6 Dalila jak Sansan: Zuapan zun philun un pieek oonzi, usa zuupin uz mnsi uzuun ilumi ptano ña ka kpe duzu nu. 7 Sansan jak lo: Ze nji tanoo na iliun jaand yalu ya ni po kaii, nja ka duku kdaf injaka ñiinz aloŋo. 8 Bo huli bofilisteu bina iliun yalu iani po kaii. Dalila tan lo na iolo. 9 O ka boiinz bo hili menoo ze kuarti lo. Ka jak lo: Sansan! Bofilisteu kbilink ze wi! Kafal iliun injaka mmuz mnsi uroo turmi. Hunkran kmenun ksi philun lo ko ze meoo.
10 Dalila jak Sansan: Wi udolin irah, uzupin ujubl. Zuapan un onhilni ptanu. 11 Ka jak lo: Ze nde tani linsni na ptala phalu pani po tani, njo pduko pdaf injaka ñiinz aloŋo. 12 Dalila jek itala yalu tan lo na yolo, ajaka: Bofisteu kbikink ze wi Sansan! a hil ka ze kuarti lo boiinz bombetki. Ka fal yolo ze iñen lo injaka pmuuz ploŋ. 13 Dalila jak Sansan: Ter krank uzuun ze dolin irah, uzupin ujubul. Zuapan un uzuun hilni ptano. A jaka: Zujek ksuuk jaand ksi oiel ni, zulir kolo zoklani na mmuz mlir uñañun kolo na gati, njo pduko pdaf injaka ñiinz aloŋo. Hunkran Dalila zudun lo ka ŋoinzi, ka jek ksuuk jaand kun ksi oiel, lir kolo zoklan na mmuz mlir. 14 Ka ñañun isuuk na gati,
15 Ka Dalila yep lo: Bon uilnu pja ufundari ka uzi az ze nji? Uka ŋias ŋgajinz udoŋi nji irah anjau krank uzo zuupin zun philunu oonzi. 16 Ze mi akfuptamunk lo ze ŋnu uzuuz , na olado lo, Sansan duku na onor oieek azi pot hilun pmindo. 17 Kero ka azuup lo uzuuz mnsi kmenu, ka jak lo: Ka ombañ ozo zipi zoiel ni, zokont njoko nazareu, aiimnani, nnsi Uzi kero njum o ze pu niini. Ze nji tioo, ofoz opun ze nji, njo pduko pdaf injaka ñiinz aloŋ.
18 Kero Dalila toom pme un oi lo uzuuz , ka ilam pdu boyeek bofilisteu, ka jak boko: Nde biri uias undabi, zonkoŋ azupin ŋun uzuuz ŋnsi amenuŋi." Ka boyeek bofilisteu bi ze lo, ka bo bina onsaam bi ulo" 19 Dalila zu Sansan ka ŋoizi duzu isou lo, ka du ñiinz aloŋ ka bi tii lo isuuk jaand yun isi oiel. Dalila ba dulo, kero ofoz lo puni 20 Ajaka: "Sansan! bofilisteu kbikunk ze wi!" Sansan lut zu ŋoi, ka jaŋzani: Njo pun ze mi nji jomunk ka do, njo plau ueeni" Ka azi hil me ja NYEEK hutun naa. 21 Bofilisteu bupa, bo kotla kil kpuguz boiana yaa ze gaza, tan lo na ikorent ipuguz isi bronzi, bo zua plon trigu ze pjuuk. 22 koiel ka tep phal ze ween lo.
Pkez psi Sansan
23 Konua bo huli bofilisteu zoñnori antom pdol wojun usi uzi boko bukndwobi dagon. Bo dukoo liilni zurun dagon, bo jaa: uzindo hul ndo nmbir ndo Sansan ziñen ndo. 24 Kero baña iin lo, bo zah uzi boko, zonkont bo jaa: Uzi ndo zu nmbir ndo ziñen ndo, anjai ka sok osaak ndo, pot sa fiŋ baña ndo makri. 25 Kero bo liilun uzuuz , bo jaa: Nde dun Sansan abi dol irah zurun, ndo, bo ya du Sansan antom a ya dol irah zurun boko. Bo zua antom anaz ze psoof isap. 26 Sansan jak nmpoz ambupi lo ze kñene: Ya na nji zisap indaiun inluzun iunk ku ki, antom nleuo ze iolo. 27 Uzag usi dagon sum boiinz na bohaz. Usa ka uz bo huli bofilisteu uzuuz ; duzu bo hil o boiinz nkunt ngajinz na bohaz, bo hili ze ten Sansan udo boko irah.
28 Sansan du NYEEK jaa: NYEEK, Uzi nji ñaunu ulelin, hulin ofooza uiasbi, Uzi, antom hilun pbotun bofilisteu pko zonkont ikil ni ipuguz. 29 Hunkran Sansan bupdun isap ipuguz imiziun in oi ze psoof iluz ni bol pminzpun hunkra Sansan tardun oleef ze psoof boko; Kñen lo krei, koZojir oloŋ, kñen kmai sa oZojir oloŋ. 30 "Ka Sansan jaa: Njo pkez na bofilisteu!" Ze zolo ka juz makri; ka ku jet duzu bo huli, na baña uzuuz boouki ze kolo. Ze minzmun baña bo zesi afiŋi ze pkez lo bo pe bo zesi afiŋi kero a um ili. 31 Pzaro lo na bowk oniin aliin ze plin boko uzuuz bo ya jeka son ya moi zongune aliin aknduoi Manoua, ze psoof Zora na Estaol. Ka zoŋ Israel ŋlur ŋntaaj ŋmpuguz.