Obukro Sansaŋ
13
Bowk Israel pot do khuzina zurun NYEEK. NYEEK zu baka ze kñen bofilisteu ŋnlur 40.2 Oka ñiinzan akndwoi Manoa zontank Zora, ze kiiñ ksi Daŋ. Har azi ka khuk; ka azi buk nmpoz aloŋ. 3 Oiili NYEEK bi zurun ñaaz aminzun jaklo: Wi uzo buki, uzi ka khuk, wo plempo buk nmpoz aloŋ. 4 Bambun ika daan pkem, ka ika ka daan pran pnhikpi, ka ika ka de un oiimna Uzi ani pjeu. 5 Zonkont wo plempo, buk nmpoz zobukro lo ombañ ozo pzwo zoyel lo. Nmpoz o pho nazireu, aiimnani zojir Uzi ze ptep ze pu aniin amp pjuwa zobukro lo. Aptep burburun Israel ze kñen bofilisteu. 6 Kero ñaaz jau ze mez zuup ahina jak lo: Ñiinz aloŋ nnsi Uzi bi ze nji na mkil mliinkumi in jaka oiili Uzi. Mbazi yepa zun apunzi, azi zuupin ktiim lo, 7 Ajakin njo pleempo buk nmpoz. Sa pot jakin mbazi poto pdaan pkem phikpi, nji kde un Uzi iimnani, zonkon nmpoz opho nazireu, aiimnani zu Uzi, ze ptep zo bukro lo amp jau zo kezr lo."
8 Manoá lado na NYEEK, jak lo: "Ai NYEEK ni! Nji ñaunu antom hutun ñiinz Uzi aminzun apot akak abi jukjukun ndo, ze mi ndo mi pkul nmpoz ai bi pbuko." 9 Uzi tee ibur Manoá; Oiili Uzi kakrñaazkero ka o zopaur, ka ahina azi oza na lo. 10 Kañaazzii ya zuup ahina, jak lo: " Ñiinz an hilunk bi ze nji zonu ondaun apotink bili." 11 Manoá nazoon ya ze kfez ahar, ka bo jau ze ñiinz aminzun, ka yep lo: "Wi woun ñiinz anladounk na ñazi?" jak lo: "Iin, njia." 12 Manoá yepa: "Zo yar olado un bi dolo, nmpoz aminzi opkulo pjan ze phila lo, na utihun lo?" 13 Oiili NYEEK jak Manoá: " A aharu ka bamun ŋun uzuuz ŋnsi nji jak ŋi lo a do. 14 Azo pde un oloŋ ompuni ze pzim mhuba; azo pdaan pkem, kazo pdaan pkem piikpi, kazo pde un Uzi iimnani . A ka pdo ŋuŋu uzuuz ŋnsi nji jak ŋi lo."
15 Manoá jak oiili NYEEK: Nji ñaunu uduko na ndo, antom ndo juŋru ouk opi." 16 Oiili NYEEK jak Manoá: "ŋanu nji duko, mbazo pde ode nu. Zu jewi zuna wojun unturobi, antom utur bolo usi NYEEK." Manoá azi bamb oiili NYEEK ka." 17 Manoá yep oiili NYEEK: "Ka ktiim un jaka ja, antom ndo hilun phulo ulujul zo iar olado un bi dolo?" 18 Oiili NYEEK yepa: "Ezi ka uka yepro ktiim ni? Ko ktiim kani pka mnjaŋzin." 19 Manoá jek ouk opi, na un onhaloi osi ŋun ŋnde, ka tur olo duzu plaak pieek phul NYEEK. NYEEK dol un ani pka mnjaŋzin zurun Manoá na ahar. 20 Kero oiek uroo pahio ze pkak phya duzu, oiili NYEEK pahio zuroo. Manoá na ahar bo iina, limoo na minkil zo zee.
21 Oiili osi NYEEK ozi pot bili ze Manoá na ahar; hunkran Manoá bi lun mee o oiili NYEEK. 22 Ka jak ahar: "Nja pkez, ze mi nja iimink Uzi." 23 Ka ahar seemb lo: "Ze NYEEK jeu pfiŋ nja, azo pdigzan wojun unturubi zeñen nja, ka azo pdigzan wojun usi ŋun ŋnde. Uz azo phutun nja antom nja tee ŋun ŋminzŋi zokil ondai." 24 Kañaazbuk nmpoz, zulo ktiim Sansan. Nmpoz hali NYEEK zu lo ŋjona. 25 Oiek NYEEK tep ptihun ze yaa kero ka o zun uzoñnor usi Daŋ ze psoof Zorá na Estaol.