Tola na Jair
10
Kero Abimelek kezi, ñiinzan deŋo antom pburburun Israel, aknduoi Tola, awk Pua, Pua awk Dodó, nnsi kiiñ ksi Isakar. A hil o ze Samir ze nkuŋ ŋnsi Efrain. 2 Tola lioo ze Israel ŋnlur ŋtaaj ŋmpuguz na ŋnlur ŋgajinz; akezi, moio ze Samir. 3 Kero Tola, kezi Jair, nazoon ñiinz nnsi Jileadi, anliooi ze Israel ŋnlur ŋntaaj ŋmpuguz na ŋlur ŋmpuguz. 4 A ika ka bopoz ŋntaaj ŋgajinz bondapoki ŋhuru. Na imbau ŋntaaj ŋgajinz ika oi zosaak Jileadi, iaka duoo Avoti-Jair anjau hankri. 5 Jair kez moyo ze Kamon.Pjuuk zeu bofilisteu na bomonita
6 Bouk Israel pot do khuzin zurun kil NYEEK, boyaa ŋupr baalins na Astaroti, na ŋnzi ŋnsi Siria, Sidoŋ, Moab, awk Amon, na ŋnsi bofilisteu. Bo hutun pŋupr NYEEK. 7 NYEEK deuzar Israel, zu boko ziñen bofilisteu na iñen bowk Amon. 8 Zolur ominzun bo ka kpe duzu bowk Israel, do boko khuzin ŋnlur ŋdisiñene na ŋnlur bakari bowk Israel uzuuz booukunk ze Jileadi,Zojirun krik Jordon, zosaak boamoreu. 9 Bouk Amon uz año Jordon phya pgut na kiiñ ksi Judá, Benjamiŋ na Efrain. Hunkran bowk Israel dukodun zopeŋ.
10 Bo deŋ irim du NYEEK, jak lo: "Ndo djuu ze wi, zonkont ndo hutunu injaka Uzi, ndo ya zal baalins." 11 NYEEK jak bowk Israel: "Kero boejipsiu, boamoreu, bowk Amon, bofilisteu, 12 bosidoneu, boamalekita na bomaonita bo ka kpe duzu nde, antom nde deŋ irim antom dwin, mbazo burburun nde ziñen boko? 13 Ma nde utni ya zal ŋnzi osaak. Hunkran nji uz mbazi pot o pburburun nde. 14 Nde ya du ŋnzi nde datŋunk; ŋhilun burburun nde zopeŋ!" 15 Bouk Israel jak NYEEK: " Ndo jwi: Dolun ndo ze mi ujeumi, ma ndo ñaunu, kaun kñago uburburun ndo hankri. 16 Ka bo punun ŋnzi ŋani pho ŋnzi boko ze psoof boko kaki ŋupr NYEEK. Hunkran Uzi hanu philun pmindo pten kjozi boko. 17 Bouk Amon bo duoo phya ogut, boyaa zoñnor ze Jileadi. Boisralita mbuz bokoulori ya zoñnor ze Mizpá 18 Baña Jileadi na boyeek boko bo dodo uyepro: "Ñinz on na ai pzoŋ ogut na bowk Amon? Ña amizun a pho nyeek duzu baña Jileadi."