Jidion dook boefranita
8
Boiinz bosi Efrain bo yep Jidion: "Ezi ka ku do ndo jaunk? Ezi ka uzi hilan pdu ndo kero ku ya pgut na bomidianita?" Ka bo unso na ya makri. 2 Asem baka: Oye nji dolun on hilni pjaaŋzan na un nde doli? Ko manu onduklounk osi Efrain ozi pee kit Abiezer uzuuz? 3 Uzi hul boyeek bosi bomidianita ze kñen nde bonduoki Oreb na Zeeb. Oye nji dolun onamzani na un nde doli? Kero ka lado un ominzun koreu bo kai ze lo osa tomi. 4 Jidion na boiinz ŋnsent ŋgajinz bosi adatki jau ze Jordon año. Bonor makri ma bo hil um ka dook baka. 5 Ka jak baña bosi Sukot: "Nde ñagona nde hal boghutuni ŋun ŋnde zonkont bo hil o nori ze pdook Zebá na Zalmuna, boliin bomidianita."6 Boyeek Sukot yepa: " Ka ubup Zebá na Zalmuna ze kñen nu? Ezi ka ndo phul boghutun un ŋun ŋnde? " 7 Jidion jak baka: "Zoyar NYEEK zu Zebá na Zalmuna ze kñen ni, njo pas-pasun ŋlef nde na yun iu isi olaal." 8 Zolo a ya ze Penuel, ya do kñahni kminzkun. Boiinz bosi Penuel semba injaka mi baña bosi Sukot hilunk seemb lo. 9 Hunkran ajakdun boiinz bosi Penuel:" Zokakrin na mnjona kak na, njo phat zun nde ze nznhalzink balinsi.
10 Zebá na Zalmuna bo hil o ze Karkor, uzuuz na boghutun, boko boiinz ŋnkunt ŋndisiñene na ŋnkunt kñene. Bondaaki bo bonduklokunk ze boghutun bosi baña bompunkunk ze pmair onu. Bon kezki bo hil o ŋnkunt onsent na ŋnkunt ŋntaaj ŋmpuguz boiinz bo hili ghutun na ieje. 11 Jidion ya ze book baña bo hilunk o ze nku,Zojir osi Nobá na Jogbeá,Zojir pmair onu. Ya jet boghutun bominzkun ogut zonkont bo hil atroo. 12 Bolin bosi midianita, Zebá na Zalmuna, bo zii ma Jidion dook baka ankint disi, gargarun boghutun boko uzuuz .
13 Jidion, awk Joás, abin ogut ze book onkuŋ osi Eres, 14 abup nmpoz nzala nnsi Sukot, yep-yepun lo. Ka nmpoz nzala pis itiim isi bohuli na boyeek bosi Sukot na boiinz ŋntaaj jaand na boiinz jaand. 15 Jidion bi jak boiinz bosi Sukot: "Nde iin Zebá na Zalmuna, nde hilunk dolin irah zonkont boko, nde yepan ze bo ika o ze keñen ni, antom nde hilun phul boiinz ni ŋun ŋnde bon hilunk nori." 16 Ajek boyeek bosi kmbau, ber yun iu zolaal, nornorun boiinz bosi Sukot ukun na yolo. 17 Asa at uz zun zenhalzunk balinsi ze zesi Penuel, a fiŋ boiinz kmbau kmizkun. 18 Antom ka Jidion yep Zebá na Zalmuna:" Boiinz nde fiŋunk ze Tabor, bo ika o ko jaan?" Bo jaka bo ika nam na wi; ña loŋ ze boko ika oko injaka awk nlin." 19 Jidion jak baka, bo oko pzaro ni, niini bukun boko. Nji bisro zonkont NYEEK ze nde hil amp fiŋ boko, mbazo fiŋ nde uz. 20 Ka uglo jak awk nininsek lo: Nazoon uzuun fiŋ boko zonknot awk ou nzala akalo fiŋ baka, azi punun keje. 21 Zebá na Zalmuna jak Jidion nazoon wi uz ufiŋ ndo, zonkont mi ñiinz omi hunkran philun lo odun. Jidion nazoon fiŋ Zebá na Zalmuna ka jek ŋun ŋñigŋi ŋilunk o zi zuz ŋnsuntunklun boko.
Oienknin osi Jidion
22 Boisraelita jak Jidion: "Ze mi ulaumunk ndo ze kñen bomidianita, wo pho nliinndo wi na bowku na bowk bowku. 23 Jidion jak baka: "Mbazo pho nliinnde, ka bowkin bozo plio nde; NYEEK oun plio duzu nde." 24 Apot jak baka: "Njo pñaun nde un oloŋ, nde ulan ŋnrajel nde seh ŋi zogut." Bobir nja ika ka ŋnrajel ŋnsumŋi ŋnsi mhuru zonkont bo ika o boismaelita. 25 Bo jaka: "Ndo phulu ŋa na mnlina ndo." Ka bo at knoŋt zozee. Ña kzu ze knoŋt orajel asehi zogut. 26 Nkilu ŋnrajel ŋminzŋun ŋnsi mhuru ŋnsi añauŋi ŋho nkilu ŋntaaj ŋmpuguz na ŋun ŋnsi uñig na ifiu, iunu injil iunk isi boliin bomidianita hili timoo na insauaŋ ioi ze izuz isi ŋnsuntunklun. 27 Jidion seh yun iñignoi iminziun lemp oienknin, a zua ze kmbau lo knduoki Ofra. Ka baña uzuuz ze Israel bozi azni ze NYEEK, bo ya ze ŋupur oienknin; ominzun o hil o plufe ze Jidion na mez lo. 28 Hunkran bomidianita dukodun zeu Israel; bozi pot hilun pdeŋ ien boko. Osaak bi ka phioŋ ŋnlur ŋntaaj ŋuakr kero Jidion um ili.
/s Pkez psi Jidion /p 29 Jerubaal, awk Joás, kak mez lo. 30 Abuk bopoz ŋntaaj jaand zonkont a ika ka bohaz bonsumki. 31 Abuk nmpoz aloŋ na ñaaz pzala anhili o ze Sikeŋ ka zulo ktiim Abimelek. 32 Jidion awk Joás kezi kero ka zaf makri. Ka bo ya moi lo zuir usi aliin Joás, ze Ofra dsi boabiezrita.
33 Kero Jidion kezi bowk Israel palo ze book NYEEK ya zal baalins, bozu baal-beriti injaka uzi boko. 34 Bozi pot lel NYEEK, Uzi boko, um burburumbi boko ze kñen bobir boko uzuuz boki ze kwaŋ boko. 35 Ka bozi pot lel pdo mnjonaZojir pzaro Jerubaal, aknduoi Jidion, zonkont a hili do mnjonaZojir Israel.