Ŋnrasa ŋndukloŋi ze Kanaan
3
NYEEK hutun ŋrasa ŋnloŋo zosaak antom ŋhilun ptelma Boisraelita bo ankunk pzip zogut osi Kanaan. 2 Alemp un ominzi zonkont apjukjukun bowk boisraelita bo ankunk po telman ogut. 3 Ŋnrasa ŋutno ŋunk zosaak nka bouli kñene bosi bofilisteu, bokananeu uzuuz , bosidoneu, na boeveu bo hili o ze nkuŋ ŋnsi Libanu, ptep zonkuŋ osi baal-Ermon am pjau ze bum psi Amati. 4 Uzi duk ŋnrasa ŋminzŋi antom ŋhilun ptelma Israel, antom pme ze bo pbaap ŋiimna ŋnsi NYEEK hilunk hul boliin boko bondiima ze kñen Moises. 5 Hunkran bowk Israel dukodun, bo hil o ze psoof bokananeu, boeteu, boamoreu, boperizeu, boeveu na bojebuseu. 6 Bojek bowk boko bohaz antom nimi bo hul bowk boko bohaz unima ze iñen bowk bokinz boko boiinz, bo hil ze tihunar ŋnzi boko.Otinel burburun Israel
7 Bouk Israel duko ze lemp ŋun ŋhuzŋi zurun ikil NYEEK, bozimlo Uzi boko, bo hil ze kŋupr baalins na astaroti.a 8 Hunkran NYEEK deuzarun boko azu baka ze kñen Kusan-Risatain, nliin nnsi Mesopotamia. Bouk Israel bi tihunar nliinaminzun ŋnlur bakari. 9 Kero bodeŋ irim du NYEEK, ka bi deŋ nmburburun ze bowk Israel, amburburni boko, aknduoi Otniel, awk Kenaz aza Kaleb. 10 Oiek osi NYEEK bi duzu lo, ka tep plio ze Israel. A pun phya ogut, NYEEK zu Kusan-Risatain nliin nnsi Mesopatania ze kñen Otniel, ambili pelo ogut.b 11 Hunkran phyoŋ bilun o zosaak ŋnlur ŋntaaj ŋuakr, an ka Otniel, awk Kenaz kint kezi.
Pjuuk zeu Eglon
12 Bouk Israel pot do pjua zurun kil NYEEK, zonkont un ominzi NYEEK hul Eglon, nliin nnsi bomoabita philun duzu Israel. 13 Eglon ya zoklan na bowk Amon na bomalekita, a ya ka kpe duzu Israel, bo seh kmbau ksi minkem koki Jerikó. 14 Bouk Israel duko zeu Eglon, nliinbomoabita, ŋnlur ŋndisiñene na ŋnlur bakari.
Eudi na Sangar burburun Israel
15 Bouk Israel hil ak kluk ueene ze kñen Eglon , nliinbomoabita. Bouk Israel deŋ irim du NYEEK, ka bi hul boko nmburburun, ñiinz nmai aknduoi Eudi awk Jera Bobenjamita. 16 Eudi lemp keje kloŋ, kntumoki ŋnjir ŋmpuguz khil ka ŋnsentimtru ŋntaaj ŋuakr na ŋnsentimetru kñene zokañr kolo, atanka ze psouo prei zeu iunu lo.c 17 A ya na uluk beene uminzbun ya hul Eglon, nliinbomoabita an hili o ñiinz amagi makri. 18 Kero ka tom phulo uluk, ataas na baña bo nkuŋo kunk ŋun ŋnsi uluk. 19 Ka jau zilaak infejoyunk yoyi ze kwaŋ Jilgal, akak jaa: Nlin nji ka olado kmenu na wi. Nlin jaka jown. Hunkran baña uzuuz boouki na lo pundun zuri. 20 Eudi neej zun nliinzonzi ze duzu ku kmpaflorki ba iale, ksilo nkonalo. Ka jaklo, nji ka olado Uzi pzuupu. Nlin nazoon ze pzoori lo. 21 Eudi solun kñen lo kmai, jek keje khoki zojir lo orei, iu kolo ze pu psi nlin. 22 An ka keje kint neej uzuuz na ptoñi. Mnira kint ler keje, mnzip pun ze kfez, zonkont Eudi azi punun ma. 23 Eudi pun ya zanzu ku, adis ilumun psi ku kmpaflorki khoki duzu ze kfez na kniglin. 24 Kero ka soli, botihun nliinbi iin ilumun ku kminzkun disi, bo jaŋzan a oko zo iombo zolo ze mezu zunz ze neeji ze ialzi. 25 Bo ioŋ ankint nori, ka nliinazi haul ilumun isi ku kmpaflorki ksi duzu. Hunkran bojekun kniglin haul plumun, kero nyeek boko piinz zozee kezi. 26 Kero bo ka iel, Eudi buri, zip zilaak iminziun infejohi, a sol ya ze Seira. 27 Kero ka jau zolo, aluul ptin zonkuŋ osi Efrain. Bouk Israel ietoo ze nkuŋ na lo. Ka ya zurun boko. 28 A jak baka, nde bir ze kfezin, zonkont NYEEK zu bo bir nde bomoabita ziñen nde. Bo ieto na ya, ya seh oañnoi osi Jordon on iai ze Moabi, bozi hutun ña año. 29 Zokil ominzun bo fiŋ bomoabita, nkunt ŋndisiñene, boko uzuuz boiinz boliinski bosi kziu zogut. Ka ña loŋ ze boko azi buri. 30 Zonu ominzun, bomoabita duko zeu Israel. Hunkra osaak kadun phioŋ ŋlur ŋntaaj bakari.
31 Kero nkil Eudi zipi Sangar bi nazoon awk Anat, anfiŋ bofilisteu ŋnsent paaj, na punu pñentpi ze ptoomi polo pknzoŋnpi ŋiit nkal, alo uz abi burburun Israel.