Oiili osi NYEEK ŋaj Israel
2
Oiili osi NYEEK pun ze Jilgal, oia ze Bokin jaa: Nji punu nde ze Ejitu. Nji bi nande zosaak njilunk bisro jaa: Njo phul bo liinde bondiima. Nji jaa: Mbazo pgar phuuz ni na nde. 2 Nde uz nde zo pdo phuuz na baña boloŋ bosi osaaki ka nde pkit ikak boko. Ka nde, nde dilm olado ni. Oiezi kaa, ka nde dol un ominzi? 3 Un ominzi kaun ka nji uz nji sa opjak nde uz mbazo punun baka zurun nde, ka bo pho yun iu ziteñ nde, ŋnzi boko uz ŋho pho plufe ze nde. 4 Kero oiili NYEEK lado olado ominzi, bowk Israel uzuuz bodeŋ irim huri. 5 Zonkont un ominzi bo du zun ze minzun Bokin, one bo huri. Bo dol wojun usi NYEEK za.Pkez psi Joswe
Js 24:29-31
6 Kero Joswe taas na bowk Israel, ña khia kseh zun a ulozi antom aiij. 7 Kero Joswe um ili, baña tihunar NYEEK. Kero ka tom pkez bo zañ lemp jahunk kero boyeek ukun um hili bo iimbukunk ŋun NYEEK hili lemp Israel. 8 Joswe ntihun NYEEK akez na ŋnlur osent na ŋnlur ŋndisiñene. 9 Bo mohia zosaak aiiji, ze Timnat-Eres zonkuŋ osi Efrain ze duzu onkuŋ osi Gaás. Duzu onkuŋ osi Gaás. Ara duzu da osi onkuŋ. Ma oko norte di onkuŋ osi Gaás.
10 Kero iiñ iminziun kez uzuuz , bowk boko bi nazoon, ka bozi hil me NYEEK, na ŋun NYEEK doŋi ze Israel. 11 Bouk Israel lemp un onhuzi zurun NYEEK zikil NYEEK, botihunar ŋinzi baalins. 12 Bo hutun Uzi usi boliin boko bondiima, Uzi umpununbi boko zosaak Ejitu; bo ya ze tihunar ŋnzi baña bonhoki ze psoof boko. Bo ŋupr ŋa zu NYEEK ka deuzi. 13 Bo hutun NYEEK, sol ya tihunar baal na astaroti. 14 Onkanu NYEEK deuzar Israel azu baka ze kñen bokija ka bojek ŋun boko uzuuz sa pot zu boko ziñen bobir boko ze pkinz, bozi oto philun pgut na baka. 15 Uias bopuni phya ogut kñen NYEEK kozi pot o na baka ze mi NYEEK bisro munk boko zoseke, zu boko zopeŋ oieek.
16 NYEEK bi deŋ bo dol olado bo hili burburun boko zñen bo uz ieene. 17 Ze minzmun ka bozi hil te bo dol olado bominzkun bozi az ze NYEEK, bo ya ze kfez ŋnzi ŋnloŋo, ŋup zurun ŋolo. Ba kpalo osar ze book usi boliin boko hili iiji, bo hil akte ŋiimna ŋnsi NYEEK. Ka bowk boko bozi hil yaanz jaunk. 18 Zo yar NYEEK an deŋ boko ndol olado aloŋ Akho na ndol olado aminzun, antom pburburun boko ze iñen bo bir boko, kero ndol olado aminzun um o na phila, zonkont NYEEK hil a kter baka kñago ze mi bo ktihumunk zeu baña bo kndoki boko khuzin ba ka kpe duzu boko. 19 Zo yar ndol olado kezi bot a kak kdo ŋun ŋmpeŋi phuuz ze ŋnsi boliin boko, bo ka ya ze kfez ŋnzi ŋnloŋo antom tihunar ŋolo bo ka ŋup zurun ŋolo. Bo ieel phutun ŋun bo hilunk ze lemp na book uzin usi bo hili ze yaanz na. 20 Hunkran NYEEK deuzarun Israel jaa: Baña uki kit phuuz ni psi nji ulpi boliin boko bozi te prim ni. 21 Zonkont un ominzun, nji uz, mbazo punun zurun boko ŋnrasa Joswe utuŋi kero ka kezi. 22 Njo ptelma Israel na boko, njo pten ze bo phianz ze book NYEEK injaka ze mi boliin boko hilunk yanzi, ka men bosa o pieel phianz ze wolo. 23 Hunkran NYEEK utnu ŋnrasa ŋminzŋun, azi punu ŋa osar zolo, ka azi zu baka ze kñen Joswe.