Imbaau isi kiiñ Levi
21
Baña bonhoki yeen isi phwk pliin bolevita jau ze nmpenen Uzi akndwoi Eleasar, Joswe awk Nuŋ, na boyeek phwk pliin iiñ isi Israel; 2 Ze Silo, zosaak osi Kanaan, ka bo jak boko: "NYEEK lado ze mntum Moises, ndo ka phulo imbaau antom ndo o ze yolo, na isaal yolo, antom ŋnsaam ndo duka ferna." 3 Hunkran bowk Israel te dun olado NYEEK antom hul bolevita ojir phij boko, inhoi imbaau na zun ze bokyafninzi ze kwaŋ.4 Koneejo jet duzu bokoatita ze mi bo omi ze pliin boko. Bolevita bosi kiiñ ksi bopenen Uzi, Aroŋ, bo seh zoneejo imbaau 13 isi kiiñ ksi Juda, Simeoŋ na Benjamiŋ. 5 Bowk Koati boloŋ bo seh zoneejo imbaau 10 isi phwkpliin iiñ isi Efraiŋ na Daŋ, na psoof kiiñ ksi Manases .
6 Bowk Jerson seh zoneejo imbaau 13 isi phwkpliin iiñ Isakar, Aser na Naftali, na psoof kiiñ ksi Manases ze Basan.
7 Bowk Merari, ze mi bo omi ze pliin boko, bo seh imbaau13 isi Rubeŋ, Gadi na Jebuloŋ.
8 Hunkran bowk Israel huldun bolevita, zoneejo, zimbaau iminzyun, na kwaŋ ze mi NYEEK jakmunk Moises.
9 Itiim indaai o imbaau iiñ Juda na Simeoŋ, 10 Isi bowk Aroŋ, hulohi yo isi phwkpliin Koati, isi bowk Levi. Oneejo oseke ya ze boko. 11 Bo hul baka kmbaau ksi Arba knhoki Ebroŋ na isaal isi ŋnsaam kferne ze nkuŋ Juda Arba o aliin Anak nnjona. 12 Zun ze si kjaar na ŋntaank ze kwaŋ, hulo Kaleb, awk Jefone, antom ze o phij lo.
13 Hunkran bowk nmpenen Uzi akndoi Aroŋ, bo hul baka Ebroŋ kho kmbaau ksi ptayo, na isaal isi ŋnsaam ze kwaŋ sa pot hul Libna na isaal ze pkiinz. 14 Jatir na pkiinz, na Estemoa na pkiinz, 15 Oloŋ na pkiinz, na Debir na pkiinz, 16 Ain na pkiinz na Juta na pkiinz Beti-Semes na pkiinz; imbaau 9 uzuuz isi iiñ 2 Simeoŋ na Juda huli.
17 Ze kiiñ Benjamiŋ bo hulo Jibeoŋ na pkiinz, Jeba na pkiinz, 18 Na Anatoti na pkiinz na Alamoŋ na pkiinz; na imbaau 4 uzuuz.
19 Imbaau uzuuz isi bopenen Uzi, bowk Aroŋ, yo imbaau 3 na isaal yolo ze kwaŋ.
20 Phwk pliin Koati, bosi kiiñ Levi bondukloki, bo seh zoneejo imbaau isi kiiñ ksi Efraiŋ. 21 Ze nkuŋ Efraiŋ bo hulo Sikeŋ, kmbaau ksi ptayo ze ña fiŋ asinz, na Jezer ze pkiinz, 22 Kibzaiŋ na pkinz, Beti-Oroŋ na imbaau 4, uzuuz na pkiinz.
23 Kiiñ ksi Daŋ seh Eltek na pkiinz, Jibetoŋ na pkiinz. 24 Aijaloŋ na pkiinz Gadi-Rimoŋ- imbaau 4 na isaal yafnin ze pkiinz.
25 Psoof kiiñ ksi Manases bo hulo Taanak na pkiinz na Gadi-Rimoŋa na pkiinz yolo uzuuz yo imbaau 2 na isaal yafnin.
26 Imbaau 10 uzuuz na isaal ze kwaŋ yolo ze baña bonduklokunk bo oko bowkoliin Koati.
27 Psoof kiiñ ksi Manases khul, bowk Jersoŋ bosi kiiñ ksi Levi, bo hulo Golaŋ, kmbaau ksi ptayo, ze Basaŋ, na Beestera, imbaau 2 na isaal yafnin inhoi ze kwaŋ.
28 Kiiñ ksi Isakar hul baka Kisyoŋ, Deberat, 29 Jarmuti na En-Ganin - Imbaau hiuakr na isaal iafnin yolo ze kwaŋ.
30 Kiiñ ksi Aser, bo ulo Misal na pkinz, Abdon na isaal iafnin ze pkinz, 31 Elkat na Reob-imbaau 4 na isaal yafnin yolo ze kwaŋ.
32 Kiiñ ksi Naftali bo hulo Kedes, kmbau ptahio ze Galileia, Amoti-Dor na Kartan-imbaau 3 na isaal yafnin yolo ze kwaŋ
33 Imbau uzuuz isi bojersonita, na mi boomi ze plin boko i hil o imbau indisiñene na imbaau 5 na isaal yafnin yolo ze kwaŋ.
34 Bolevita bondukloki ze bowkoliin Merari bo seh ze kiiñ ksi Zebuloŋ: Joknean na Karta, 35 Dimna na Naalal, imbaau 4 na isaal yafnin ze kwaŋ .
36 Ze kiiñ ksi Rubeŋ bo hulo Bezer na pkiinz, Jaaz na pkiinz, 37 Kedemoti na pkiinz, Mefaati na pkiinz; yolo uzuuz yo Imbaau 4 na isaal yafnin ze pkiinz.
38 Kiiñ ksi Gadi, khul baka Ramoti ze Jileadi, imbaau isi ptayo, na Maanaiŋ, 39 Esboŋ na Jazer-imbaau 4 na isaal yafnin.
40 Hunkran bowk Merari bondukloki ze bolevita bo hulo zoneejo imbaau 12.
41 Imbaau uzuuz isi bolevita, ze psoof iiñ isi bowk Israel yo imbaau 48 na isaal yolo yafnin ze kwaŋ . 42 Ze kmbaau kloŋ zimbaau indaai hil ka isaal yolo yafnin ze kwaŋ . 43 Hunkran NYEEK hulun Israel ŋnsaak uzuuz ŋnsi abisroi jaa: Aphul boliin boko, antom bo dukno. 44 NYEEK hul baka phyooŋ ze ŋnjir uzuuz , ze mi ahilunk bisro boliin boko. Bobir boko uzuuz ñazi nazi, zurun boko; NYEEK zu baka uzuuz ziñen boko. 45 Ozi ka un oloŋ zolado onuroi osi NYEEK hilunk lado ze baña Israel oze zili, odolo uzuuz .