Imbau isi Ptahyo
20
NYEEK jak Joswe. 2 Antom alado na bowk Israel ajak boko: "Nde diitnan imbaau nde isi ptayo, ze mi nji jakmunk Moises antom azuup nde. 3 Ze ña do pjwa fiŋ asinz ze kpaaŋ ahilun pzi phya ptayo zonkont baña ña nkezi ki ksa kfiŋ lo uz.4 Zoyaar lo an zii, neej zimbaau isi ptayo aka pnaz ze plumun phyeek psi kmbaau antom azuup boyeek kmbaau un onkai ka fiŋi. Ol bo hutnun lo ka neeji. Antom jaaŋ lo zun ze si ai phya phona. 5 Ze nmbotun pko ya ze kfez lo bozi hilun phula ñiinz afiŋunk asinz, zonkont azi ka ozaafu pfiŋa, azi deuzara zoseke. 6 Apduko ze kmbaau kminzkun ampkint pdolo olado zurun uzoñnor baña, pot pjau zokezr nyeek bopenen Uzi anhili tihun ze ŋnu ŋminzŋun ze ku Uzi, ahilun pkak mez lo ze kmbaau ksi apun kunk.
7 Hunkran bo diitnun Kedes ze Galileya, ze nkuŋ ŋnsi Naftali; Sikeŋ ze nkuŋ ŋnsi Efraiŋ; na Kiryati-Arba, one Ebroŋ ze nkuŋ ŋnsi Juda.
8 Ze Jeriko zojir pmair onuu, zojirun krik Jordoŋ, ka bo diitun Bezer zolaal zun ze nhalze ba liiŋnori ze si kiiñ Rubeŋ; Ramoti ze Jileadi ze si kiiñ ksi Gadi; na Golan ze Basan ze kiiñ Manases .
9 Imbaau indaai o imbaau indatohi ze bowk Israel, na boya bonhoki ze psoof boko. Hunkranda ze ña juwi fiŋ asinz, ahilun piinz zun ai pmeno, antom aki kez ze kñen nmbotun pko. Amp jau ze mi hai psondo zurun zun ze si uzoñnor.