Phij Psi Simeoŋ
19
Oneejo opugzan jet duzu kiiñ ksi Simeoŋ, ze mi bo omi ze pliin boko. Phij boko onze psoof osaak bowk Juda. 2 Ze phij boko boka Berseba, Seba, Molada, 3 Azar-Swal, Bala, Ezen, 4 Eltolad, Betul, Orma, 5 Ziklag, Beti-Markabot, Azar-Susa, 6 Beti-Lebaoti na Sarwen - imbaau 13 na ŋntaank yolo;7 Osa ka uz imbaau isi: Ain, Rimon, Eter na Asan - imbaau 4 na ŋntaank yolo. 8 Boka ŋntaank uzuuz ŋhoŋi ze pkiinz imbaau iminzhi, ampjau ze Baalat-Ber, knhoki Rama ksi zeu. Ominzi oun phij psi kiiñ bowk Simeoŋ, ze mi bo omi ze plin boko.
9 Phij psi bowk Simeoŋ ze mezu osaak bowk Juda, zonkont khayu Juda magmunk ampempeni ze bowk. Onkanun bowk Simeoŋ kaun phij boko ze psoof boko.
Phij Psi Jebuloŋ
10 Oneejo ohajzan jet duzu bowk Jebuloŋ, ze mi bo omi ze pliin boko. Klil ksi phij boko khya anjau ze Sarid. 11 Khya ze phyour onuu, anjau ze Marala, ya dapro ze Dabeset, anjau ze krik kmpozki knhoki zurun Joknean. 12 Ptep ze Sarid kfoyo ze pmair onuu, anjau ze klil ksi Kislot-Tabor, ya jau ze Deberat, payo phya Jafya. 13 Zip ya ze pmair onuu, ya anjau ze Gadi-Efer na Et-Kazin, sul ze Rimoŋ, ya ze Nea. 14 Ka klil huglo, ya duzu osaak zip anjau ze Anaton, toom ze psoof nkuŋ ŋnsi Ifta-El. 15 Katati, Naalal, Sinoron, Idala na Beleŋ hil on zosaak ominzun. O hil ka imbaau 12 na ŋntaank yolo.
16 Imbaau iminzyun na ŋntaank yolo hil oko phij psi bowk Zebuloŋ, ze mi bo omi ze pliin boko,
Phij psi Isakar
17 Oneejo owaknan jet duzu Isakar, ze mi bo omi ze pliin boko. 18 Osaak boko ka imbaau isi Jizreel, Kesulot, Suneŋ, 19 Afaraiŋ, Syoŋ, Anakarat, 20 Rabit, Kision, Ebes, 21 Remet, En-Ganin,En-Ada na Beti-Pazez. 22 Klil ya anjau ze Tabor, Saazima na Beti-Semes, ktoom ze Jordoŋ. Klil kminzkun ka imbaau 16 na ŋntaank yolo.
23 Imbaau iminzyun na ŋntaank yolo hil o phij psi kiiñ ksi bowk Isakar, ze mi bo omi ze pliin boko.
Phij psi Aser
24 Oneejo oñiinza jet duzu kiiñ ksi bowk Aser, ze mi boomi ze plin boko. 25 Osaak boko ka imbaau isi Elkat, Ali, Beteŋ, Aksafi, 26 Alameleki, Amadi, na Misal. Ze phyour onuu, klil jau ze Karmelu na Syo-Libnati, 27 huglo ya pmair onuu, ya dapro ze Beti-Dagoŋ, Zebuloŋ zunjir usi Ifta-El. Antom ka khya ze duzu osaak ze Beti-Emek na Neyel, kzip zojir omai osi Kabul, ojir duzu osaak. 28 Kzip ya Ebroŋ, Reobi, Amoŋ na Kana, anjau ze Sydoŋ dyeek. 29 Antom ka klil huglo ze Rama, anjau ze kmbaau kliinski ksi Tiru; kpot huglo ze Osa, pun zojir krik anjau ze Akzib, 30 Uma, Afeka na Reob. Klil kminzkun ka imbaau 22 na ŋntaank yolo.
31 Imbaau iminzyun na ŋntaank yolo hil oko phij psi kiiñ bowk Aser, ze mi bo omi ze pliin boko.
Phij psi Naftali
32 Oneejo opaajun jet duzu bowk Naftali, ze mi bo omi ze pliin boko. 33 Klil boko tep ze Elef ze si Aloŋ, na Zaananiŋ, Adami-Nekeb, Jabneel, ankint jau ze Lakun ya toom ze Jordoŋ. 34 Klil huglo ze phyour onuu, phya Aznot-Tabor; ka kzip ze Ukok; khya dapro ze Jebuloŋ ze zeu osaak, Aser duko ze phyour onuu, na Jurdoŋ ze pmair onuu. 35 Imbaau iminzhi oko imbaau inliinshi; Sidiŋ, Zer, Amati, Rakat, Kinereti, 36 Adama, Rama, Asor, 37 Kedes, Edrei, En-Azor, 38 Iron, Migdal-El, Oreŋ, Beti-Anat, na Beti-Semes - 19 na ŋntaank yolo.
39 Imbaau iminzyun na ŋntaank yolo hil o phij psi kiiñ ksi bowk Naftali ze pliin boko.
Phij psi Daŋ
40 Oneejo ojandun jet duzu kiiñ bowk Daŋ, ze mi bo omi ze pliin boko. 41 Phij boko ka imbaau indaai: Zora, Estaol, Ir-Semes, 42 Saalabiŋ, Aijaloŋ, Itla, 43 Eloŋ, Timnat, Ekroŋ, 44 Eltek, Jibetoŋ, Baalat, 45 Jeud, Beene-Berak, Gadi-Rimoŋ, 46 Me-Jarkon, Rakon, uzuuz na ŋnsaak zurun Jope.
47 Zosaak onhulounk ze bowk Daŋ o ani pziink boko, ka bo pun pgut na Lesen; ka bo seh olo, fiŋ baña uzuuz na yeeje, antom seh kmbaau duko ze kolo, zu kolo ktiim Daŋ, aliin boko.
48 Imbaau iminzyun na ŋntaank yolo, yoko phij bowk Daŋ, ze mi bo omi ze pliin boko;
Phij psi Joswe
49 Kero bo toom phai, ŋnsaak ze phij ze mi ilil boko, bowk Israel hul Joswe, awk Nuŋ, phij ze psoof boko. 50 Ze mi NYEEK jakmunk, bo hul lo kmbaau ksi añaunki, one Timnat-Sera na onkuŋ osi Efraiŋ. Ka apot lemp kmbaau kminzkun, antom o ze kolo.
51 Mihij minzmi mnsi Eleazar ntihun Uzi, na Joswe, awk Nuŋ, na boyeek ze pliin bowk Israel haimi zoneejo ze kiiñ bowk Israel na Silo, zurun NYEEK, ze buum boko psi uzoñnor. Hunkran botoomdun phairo osaak.