Piij psi psoof kiiñ ksi Manases
17
Osaaki oko osi oneejo huli Manases , one neninsek José. Makir, neninsek Manases , one aliin bojileadita, an hili osehe Jileadi na Basan, ze mi Makir ooi ñiinz ogut. 2 Ozee osi oneejo ulunk, o osi bowk Manases boloŋ ze mi boomi ze plin boko, one: Abiezer, Eleki, Asriel, Sikeŋ, Efer na bowk Semida. Bouk Manases boiinz, awk Joswe. 3 Zelofead azi ka nmpoz ñiinz, aka ze bohaz uzuuz . Itiim boko ioi: Makla, Noa, Ogla, Milka na Tirza. Zelofead a o awk Efer, Efer o awk Jileadi, Jileadi o awk Makir, Makir o awk Manases . 4 aBañawki bo bi ya zurun Eleasar nmpenen Uzi, na boyeek, na Joswe, awk Nun, bo jak baka:"NYEEK jak Moises ze hul ndo piij ze psoof boliin aliin ndo boiinz." Ze mi NYEEK jak munk, Joswe ulun baka piij ze psoof bowk boliin aliin. 5 Manases ulo osaak ŋhyas ŋndisiñene, ŋnditŋi na osaak Jileadi na Basan ooi zojirun Jordon, 6 Zonkont bohaz kiiñ Manases sedunk piij ze psoof boiinz. Bouk Manases boloŋ bo ika osaak Jileadi.7 Klil Manases ptep ze Aser anjau ze Mikmetá, dodi zurun Sikeŋ. Antom ya anjau zeu anjau zun baña oonzi ze En-Tapua. 8 Manases ika kaa osaak Tapua, kaTapua uz hil o ze klil Manases , doo dsi bowk Efrain. 9 Klil tep ze zeu osaak anjau ze kruz Kaná. Oka imbau iloŋo za isi Efrain ze psoof kmbau ksi Manases . Klil Manases onz ze duzu osaak kruz kntik, ya tom ze krik. 10 EfrainZojir zeu osaak, dsi Manases , ze duzu, krik o klil baka; ze phiour onu. Zo lik duzu osaak, osaak Manases , ya anjau ze klil kiiñ Aser; ze pmair onu, osaak Manases odapro ze klil ksi kiiñ Isakar.
11 Zosaak Isakar na osi Aser, Manases ika kaa Beti-Sean na Ibleon, na ŋntank boko ze pkinz; bo ika kaa baña uz bonhoki ze Dor, na En-Dor, Taanak, na Mejidu, uzuuz na ŋntank boko ze pkinz.
12 Bouk Manases bozi hilun pdook baña imbau boko, zonkont bokananeu bojeu pzoo ze ŋnsaak boko. 13 Kero bowk Israel bi ka kpe duzu bokananeu zuboko zutihun pjuuk okaun bozi dook baka.
14 Bouk José lado na Joswe, jaa: Oezi kaa ka ulndo zojir oloŋ antom ndo iij? Ndo, ndo sumi mnsi NYEEK zumunk ŋnjona duzu ndo." 15 Ka Joswe semboko: "Ze mi nde sumunk onkuŋ osi Efrain ozankl nde, nde yan ze pgof, nde ya pau zunu nde kaa zosaak osi boperizeu na reafins."
16 Ka bowk José jaklo: "Ŋkuŋ ŋozi zink ndo. Hunkran bokananeu uzuuz bonhoki zun ze nliŋnorze boka ŋnkaru ireta (Imagem), injaka baña bosi Beti-Sean na ŋntank boko, na bohokun ze psoof nkuŋ ŋnsi Jizreel.