Piij psi Efrain
16
Osaaki o osi oneejo, on huli bowk José, klil ze ptep ze Jordon, ze kwaŋ Jeriko zojir plik Jeriko ze pmair onu, phya zolaal kpahio zosaak osi ojir onkuŋ ampjau ze Betel. 2 Ptep ze Betel ya ankint jau ze Luz, zip ze klil ksi boarkita anjau ze Ataroti; 3 ko hieto ze ojir phiour onu ampjau ze klil ksi Jaflet, ampjau klil ksi Beti-Oron dsi zeu; dolo phya ampjau ze Jezer, ya tom ze krik.4 Hunkran Manases na Efrain, kiiñ José, sehedu piij boko.
5 Osaaki oko osi bowk Efrain ze mi boomi ze plhiin boko klil ksi piij boko ze pmair onu kho Ataroti-Adar ampjau ze Beti-Oron dsi duzu. 6 Ptep ze Mikmetá ze duzu osaak ya ankint jau ze pmair onu anjau ze Taanat-Silo, zip ya Janoa. 7 Antom hieto ze Janoa ya ze Ataroti na Naarati, ya dapro Jerikó, pundar ze krik Jordon. 8 Ptep ze Tapua, klil ya ze phiour onu anjau ze krik kntik ksi Kaná, ya pundar ze krik. Ojir ominzi o pho piij kiiñ bowk Efrain, ze mi boomi ze plin boko. 9 Imbau iloŋ uzuuz inditnoi ze boko ze psoof piij bowk Manases , na ŋntank dolo uzuuz .
10 Bo zi punu bokananeu boouki ze Jezer; anjau hankri, bozañ ze psoof bowk Efrain, bozuoo ptihun, utihun bojuuk.